ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ମଶା ଦମନ ନାଁରେ ସିଏମ୍‌ସିରେ ଘୋଟାଲା! କାଗଜ କଲମରେ ବୁଲୁଛି ଟିଫା ମେସିନ୍‌, ଦିନେ ବି ଦେଖିପାରିଲେନି ୱାର୍ଡବାସୀ

କଟକ ୦୮/୧୨: ବିଭିନ୍ନ ପର୍ଯ୍ୟାୟରେ ବିଭିନ୍ନ ୱାର୍ଡରେ ଟିଫା ମେସିନ୍‌ ବୁଲିବ । ଏହାକୁ ତଦାରଖ କରିବା ପାଇଁ  କର୍ମଚାରୀଙ୍କୁ ବି ନିୟୋଜିତ କରାଗଲା । ଫଗିଂ କରି ମଶା  ମାରିବାକୁ ୨୦ ଦିନ ପାଇଁ ଅର୍ଡର୍‌ ହେଲା । କିନ୍ତୁ ଆଶ୍ଚର୍ଯ୍ୟର  କଥା ହେଉଛି ଯେ, ଦିଏଟିଏ ପାଇଁ ବି ୱାର୍ଡବାସୀ ଦେଖିପାରିଲେ ନାହିଁ ଟିଫା ମେସିନ୍‌ କିମ୍ବା ମଶା ଧୂଆଁ । ଅନ୍ୟପକ୍ଷରେ ବର୍ଷକ ତଳେ ଲକ୍ଷାଧିକ ଟଙ୍କା ମୂଲ୍ୟରେ କିଣାଯାଇଥିବା ଟିଫା ମେସିନ୍‌ରୁ  ଏବେ ୫ରୁ ଅଧିକ ଖରାପ ହୋଇଗଲାଣି । ଫଳରେ ୫୯ଟି ୱାର୍ଡ ପାଇଁ ସାହା ପାଲଟିଛି ୩୮ଟି ଟିଫା । 

ଚଳିତ ବର୍ଷ ନିମ୍ନମାନର  ମଶା ତେଲ ପଡୁଥିଲାବେଳେ ଏବେ କାଗଜକଲମରେ ସୀମିତ  ରହିଛି ସିଏମ୍‌ସିର ଫଗିଂ କାର୍ଯ୍ୟକ୍ରମ । ସିଏମ୍‌ସି ଅବହେଳା  ପାଇଁ ଏବେ ମଶାଙ୍କ ଉତ୍ପାତର ସହରବାସୀ କଲବଲ ହେଉଛନ୍ତି ।  ଚଳିତ ବର୍ଷ ଶୀତ ଆରମ୍ଭରୁ ନାକେଦମ୍‌ କଲେଣି ମଶା ।  ଗତ ବର୍ଷ ତୁଳନାରେ ମଶା ଘନତ୍ୱ ଦୁଇ ଗୁଣା ରହିଛି । ଏଭଳି  ସ୍ଥିତିରେ ସିଏମ୍‌ସି କେବଳ କାଗଜକଲମରେ ମଶା ଦମନ କରିବା  ସହିତ ତେଲରୁ ନେଇ ଧୂଆଁ ସବୁଥିରେ ମନଇଚ୍ଛା ଖର୍ଚ୍ଚ ଦର୍ଶାଇ  ହରିଲୁଟ୍‌ ଚଳାଇଛନ୍ତି । ଚଳିତ ବର୍ଷ ଲକ୍ଷାଧିକ ଟଙ୍କାର ନିମ୍ନମାନର  ମଶା ତେଲ ପକାଇ ରାଜସ୍ୱକୁ ଖର୍ଚ୍ଚ କରାଯାଉଛି । ଯାହାକୁ ନେଇ  ଷ୍ଟାଣ୍ଡିଂ କମିଟି ପକ୍ଷରୁ ବିରୋଧ କରାଯାଇ ଉଚ୍ଚମାନର ତେଲ  କିଣିବାକୁ ପ୍ରସ୍ତାବ ଦିଆଯାଇଥିଲେ ମଧ୍ୟ ଏହାକୁ ବେଖାତିର କରି  ବିନା ଟେଣ୍ଡର୍‌ରେ ତେଲ କିଣାଚାଲିଛି । 

ସେହିଭଳି ମଶା ବଂଶ  ବୃଦ୍ଧି ନିୟନ୍ତ୍ରଣ କ୍ଷେତ୍ରରେ ମଶା ଧୂଆଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ  କରିଥିଲାବେଳେ ତାହା ମଧ୍ୟ ପ୍ରହସନ ପାଲଟିଛି । ଗତ ମାସ ୨୦  ରୁ ଡିସେମ୍ବର ୧୧ ତାରିଖ ପର୍ଯ୍ୟନ୍ତ ଫଗିଂ କରିବାକୁ ନିର୍ଦ୍ଦେଶନାମା  ଜାରି ହୋଇଥିଲା । କିନ୍ତୁ ଆଜି ପର୍ଯ୍ୟନ୍ତ କେଉଁ ୱାର୍ଡରେ ଟିଫା  ବୁଲିଛି ତାହା କାହାରିକୁ ଜଣାନାହିଁ । ସବୁଠୁ ବଡ କଥା ହେଉଛି  ଯେ, ପୂର୍ବରୁ ସିଏମ୍‌ସି ସ୍ୱାସ୍ଥ୍ୟ ବିଭାଗରେ ୩୦ଟି ଟିଫା ମେସିନ୍‌  ଥିଲା। ସେଥିରୁ ୨ଟି ଖରାପ ହୋଇଯାଇଥିଲାବେଳେ ୨୮ରେ  କାମ ଚାଲିଥିଲା । 

କାଉନ୍‌ସିଲ୍‌ର ନିଷ୍ପତ୍ତି କ୍ରମେ ଗତ କିଛି ମାସ  ତଳେ ଗୋଟିକ ୧୫ରୁ ୨୦ ହଜାର ଟଙ୍କା ମୂଲ୍ୟରେ ୧୫ଟି  ନୂଆ ଟିଫା ମେସିନ୍‌ କିଣାଯାଇଥିଲା । ଏହାଥରେ ବ୍ୟବହାର  ହୋଇଥିଲାବେଳେ ବର୍ଷକ ମଧ୍ୟରେ ୫ଟି ଖରାପ ହୋଇଯାଇଥିବା  ଜଣାପଡିଛି । ଫଳରେ ୫୯ଟି ୱାର୍ଡ ପାଇଁ ମାତ୍ର ୩୮ଟି ଟିଫା  ମେସିନ୍‌ ସାହା ରହିଛି । ଏଭଳି ସ୍ଥିତିରେ ମଶା ଦମନ କିଭଳି  ହେବ ତାହାକୁ ନେଇ ସହରବାସୀ ଚିନ୍ତିତ ଥିଲାବେଳେ  କର୍ତ୍ତୃପକ୍ଷ ସ୍ଥିର ସାଜିଛନ୍ତି । ଏ ନେଇ ନଗର ସ୍ୱାସ୍ଥ୍ୟ ଅଧିକାରୀଙ୍କ  ସହ ଯୋଗାଯୋଗ କରିଥିଲେ ମଧ୍ୟ ଉତ୍ତର ମିଳି ନ ଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.