ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଏଠି ପୂଜା ପାଅନ୍ତି ଅସୁରୁଣୀ; ଭୋଗ କି ଫଳମୂଳ ନୁହଁ, ଭକ୍ତ ଚଢ଼ାନ୍ତି ଅସ୍ତ୍ରଶସ୍ତ୍ର

ସିମଲା, ୧୮।୪: ଆମେ ଆପଣଙ୍କୁ ଭାରତରେ ଅନେକ ଦେବାଦେବୀଙ୍କ ମନ୍ଦିର ବିଷୟରେ କହିଛୁ । ଏଥିମଧ୍ୟରୁ ଅନେକ ମନ୍ଦିର ପ୍ରସିଦ୍ଧିଲାଭ କରିଥିବା ବେଳେ କିଛି ମନ୍ଦିର ରହସ୍ୟମୟୀ । ତେବେ ମନ୍ଦିରରେ ସାଧାରଣତଃ ଦେବାଦେବୀ ପୂଜା ପାଉଥିବାର ଆମେ ଶୁଣିଛେ । କିନ୍ତୁ, କୌଣସି ମନ୍ଦିରରେ ଅସୁରୁଣୀ ପୂଜା ପାଉଥିବାର ଶୁଣିଛନ୍ତି କି ? ହିମାଚଳପ୍ରଦେଶର କୁଲ୍ଲୁ ମନାଲିରେ ରହିଛି ହିଡ଼ିମ୍ୱା ଦେବୀଙ୍କ ମନ୍ଦିର । ଦେବୀ ହିଡ଼ିମ୍ୱା ରାକ୍ଷସ ବଂଶଜ । ଏହି ସ୍ଥାନରେ ହିଡ଼ିମ୍ୱା ଅସୁରୁଣୀର ରୂପ ତ୍ୟାଗ କରି ଦେବୀଙ୍କ ରୂପ ନେଇଥିଲେ । ମା’ ହିଡ଼ିମ୍ୱାଙ୍କ ଜନ୍ମସ୍ଥାନ ନାଗାଲ୍ୟାଣ୍ଡର ଦିମାପୁରଠାରେ । ଯାହାର ନାଁ ପୂର୍ବରୁ ହିଡ଼ିମ୍ୱାପୁର ଥିଲା । ମନାଲିର ସହରର ଘନ ଜଙ୍ଗଲର ଢୁଙ୍ଗରୀ ଗାଁରେ ଅବସ୍ଥିତ ମାତା ହିଡ଼ିମ୍ୱାଙ୍କ ମନ୍ଦିର । ଏହି ସ୍ଥାନରେ ବାସ କରନ୍ତି ଡିମାସା ଜନଜାତି । ଯେଉଁମାନେ ନିଜକୁ ଭୀମ ଓ ହିଡ଼ିମ୍ୱାଙ୍କ ବଂଶଜ ବୋଲି କୁହନ୍ତି । 

୧୫୫୫ରେ ହୋଇଥିଲା ମନ୍ଦିରର ନିର୍ମାଣ । ଯାହାର ପ୍ରତିଷ୍ଠା କରିଥିଲେ କୁଲ୍ଲୁର ରାଜା ବାହାଦୂର ସିଂ । ଦେବୀ ହିଡ଼ିମ୍ୱା ହିଁ କୁଲ୍ଲୁ ରାଜାଙ୍କର ରାଜପାଠ କରାଇଥିଲେ ମଧ୍ୟ ବିଶ୍ୱାସ କରାଯାଏ । ୪୦ ଫୁଟ୍ ଉଚ୍ଚର ଏହି ମନ୍ଦିର କାଠରେ ନିର୍ମିତ ହୋଇଥିବା ବେଳେ ଏହି କାଠ ଉପରେ ଅଙ୍କାଯାଇଛି ଅଦ୍ଭୁତ ଚିତ୍ର । ମୁଖ୍ୟଦ୍ୱାରର ଆଗରେ ରହିଛି ଗଣେଶ, ଶିବ, ପାର୍ବତୀ ଓ ନବ ଗ୍ରହର ପ୍ରତିମୂର୍ତ୍ତି । ଏଥିସହ ମନ୍ଦିରରେ ଗୋପୀମାନଙ୍କ ସହ ଭଗବାନ ଶ୍ରୀକୃଷ୍ଣଙ୍କ ନୃତ୍ୟ ମଧ୍ୟ ବର୍ଣ୍ଣିତ ହୋଇଛି । ହିଡ଼ିମ୍ୱା ମନ୍ଦିରରେ ଏକ ବିଶାଳ ଚଟାଣ ରହିଛି । କୁହାଯାଏ ଯେ, ଏହି ଚଟାଣ ତଳେ ଦେବୀ ହିଡ଼ିମ୍ୱା ତପସ୍ୟା କରୁଥିଲେ । ଏବେ ମଧ୍ୟ ଚଟାଣ ତଳେ ମା’ ହିଡ଼ିମ୍ୱାଙ୍କ ଚରଣ ରହିଛି ବୋଲି ବିଶ୍ୱାସ କରାଯାଏ । ଏଠାରେ ମା’ ହିଡ଼ିମ୍ୱା କାଳୀ ଓ ଦୁର୍ଗାଙ୍କ ରୂପରେ ପୂଜା ପାଆନ୍ତି । ଜ୍ୟେଷ୍ଠ ସଂକ୍ରାନ୍ତି ଅବସରରେ ଏଠାରେ ଦେବୀ ହିଡ଼ିମ୍ୱାଙ୍କ ଜନ୍ମୋତ୍ସବ ପାଳନ ହେବା ସହ ପ୍ରତିବର୍ଷ ମେଳାର ଆୟୋଜନ ହୁଏ । ଏହି ମନ୍ଦିର ଆଖପାଖରେ ପାଖାପାଖି ୧୫ ଦେବାଦେବୀଙ୍କ ମନ୍ଦିର ରହିଛି । 

ହିଡ଼ିମ୍ୱା ମନ୍ଦିରର କିଛି ଦୂରରେ ରହିଛି ଘଟୋତ୍କଚଙ୍କ ପୂଜାସ୍ଥଳୀ । ମହାଭାରତ ଯୁଦ୍ଧରେ ଧର୍ମ ସ୍ଥାପନା ପାଇଁ ବଳିଦାନ ଦେଇଥିଲେ ଦେବୀ ହିଡ଼ିମ୍ୱାଙ୍କ ପୁଅ ଘଟୋତ୍କଚ । କୁହାଯାଏ ସବୁକିଛି ହାରିଯିବା ପରେ ନିଜକୁ ରକ୍ଷା କରିବା ପାଇଁ ମାତା କୁନ୍ତୀଙ୍କ ସମେତ ୫ ପାଣ୍ଡବ ଜଙ୍ଗଲକୁ ଚାଲି ଯାଇଥିଲେ । ଏହି ସମୟରେ ଭୀମ ଓ ହିଡ଼ିମ୍ୱାଙ୍କ ଭାଇ ରାକ୍ଷସ ହିଡ଼ିମ୍ୱଙ୍କ ମଧ୍ୟରେ ଯୁଦ୍ଧ ହୋଇଥିଲା । ହିଡ଼ିମ୍ୱ ଯୁଦ୍ଧରେ ପରାସ୍ତ ହୋଇଥିଲା । ଭାଇର ମୃତ୍ୟୁ ପରେ ହିଡ଼ିମ୍ୱାଙ୍କର କେହି ପରିବାର ନଥିବାରୁ ଭୀମ ହିଡ଼ିମ୍ୱାଙ୍କୁ ବିବାହ କରିବାକୁ ମାତା କୁନ୍ତୀ କହିଥିଲେ । ଏହାପରେ ହିଡ଼ିମ୍ୱାଙ୍କ ସହ ଭୀମଙ୍କର ବିବାହ ହୋଇଥିଲା । ଏହାପରେ ହିଡ଼ିମ୍ୱା ତପ ସାଧନା କରି ଅସୁରୁଣୀରୁ ଦେବୀରେ ପରିବର୍ତ୍ତନ ହୋଇଥିଲେ । 

ତେବେ ହିଡ଼ିମ୍ୱା ଦେବୀଙ୍କୁ ଢୁଙ୍ଗୁରୀ ଦେବୀ ବୋଲି ମଧ୍ୟ ସମ୍ୱୋଧନ କରାଯାଏ । ଏଠାରେ ମା’ ହିଡ଼ିମ୍ୱା ଗ୍ରାମଦେବତୀ ରୂପେ ପୂଜା ପାଆନ୍ତି । ସବୁଠାରୁ ଖାସ୍ କଥା ହେଉଛି ଏଠାରେ ଲୋକ ଭୋଗ କି ଫଳମୂଳ ନୁହଁ, ଭକ୍ତମାନେ ମାତା ହିଡ଼ିମ୍ୱାଙ୍କୁ ବିଭିନ୍ନ ଅସ୍ତ୍ରଶସ୍ତ୍ର ଅର୍ପଣ କରିଥାନ୍ତି । ଏହି ହିଡ଼ିମ୍ୱା ମନ୍ଦିରକୁ ଦୂରଦୂରାନ୍ତରୁ ଲୋକେ ମନୋସ୍କାମନା ଲାଗି ଆସନ୍ତି । କୁହାଯାଏ ମା’ ହିଡ଼ିମ୍ୱା ସମସ୍ତଙ୍କ ମନୋସ୍କାମନା ପୂର୍ଣ୍ଣ କରନ୍ତି । କୁଲ୍ଲୁରେ ହିଡ଼ିମ୍ୱା ଦେବୀଙ୍କ ପୂଜାର୍ଚ୍ଚନା ପରେ ହିଁ ଦଶହରା ପର୍ବ ପାଳନ କରାଯାଏ । 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.