ନୀଳଗିରି ୪/୯- ବାଲେଶ୍ଵର ଜିଲ୍ଲା ଏନଏସିରେ ଘଟିଛି ଅଭାବନୀୟ ଘଟଣା। କର୍ମଚାରୀଙ୍କୁ ମାଡ଼ ମାରିଲେ ଚେୟାରମ୍ୟାନଙ୍କ ସ୍ୱାମୀ ଶରତ ଦାସ। ସିଟି ମିଶନ ମ୍ୟାନେଜମେଣ୍ଟ ୟୁନିଟ ମୁଖ୍ୟ ମନୋଜ ଶିବାଜୀ ଦେଙ୍କୁ ମାଡ଼ ମାରିବା ପରେ ଲୋକ ପ୍ରତିନିଧି ଓ କର୍ମଚାରୀ ସମ୍ନାସାମ୍ନି ହୋଇଛନ୍ତି। ବାଲେଶ୍ଵର ଜିଲ୍ଲା ନୀଳଗିରି ଏନଏସିର କର୍ମଚାରୀ ସିଟି ମିଶନ ମେନେଜମେଣ୍ଟ ୟୁନିଟର ମୁଖ୍ୟ ମନୋଜ ଶିବାଜୀ ଦେଙ୍କୁ ଚେୟାରମ୍ୟାନ ଅମ୍ବିକା ଦାସ ଚେମ୍ବରକୁ ଡାକିବା ପରେ ତାଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ଚେୟାରମ୍ୟାନଙ୍କ କହିବା ଅନୁସାରେ ସିଟି ମିଶନରେ ଜାଗା ହିତାଧିକାରୀ ସଠିକ ନପାଇବା ନେଇ ଅଭିଯୋଗ ହୋଇ ଆସୁଥିଲା। ୮ନମ୍ବର ଚିମିଟିଭାଟି ଗ୍ରାମର ସୀତାରଣୀ ମହାଳିକ ପୁରୁଣା ଜାଗା ନପାଇ ନୂଆ ଜାଗା ପାଇବାକୁ ନେଇ ଆରମ୍ବ ହୋଇଥିଲା ତୁମ୍ବିତୋଫାନ। ତାଙ୍କ ଅନ୍ୟ ହିତାଧିକାରୀମାନେ ଏହି ଯୋଜନାରେ ସଠିକ ଉପକୃତ ହେଉନଥିବାରୁ ଆସି ଚେୟାରମ୍ୟାନ ଅମ୍ବିକା ଦାସଙ୍କୁ ଅଭିଯୋଗ କରିଥିଲେ। ସେ ମଧ୍ୟ ଏହି ବିଭାଗର ମୁଖ୍ୟ ଶିବାଜୀ ଦେଙ୍କୁ ଡାକିଥିଲେ। ଶିବାଜୀ ମଧ୍ୟ ଯାଇ ଘଟଣା ବିଷୟରେ ବୁଝାଇଥିଲେ। ହେଲେ କଣ ହେଲା କେଜାଣି ତାଙ୍କୁ କୁଆଡେ ଚେୟାରମ୍ୟାନଙ୍କ ସ୍ୱାମୀ ଉତକ୍ଷିପ୍ତ ହୋଇ ଗାଳିଗୁଲଜ କରିବା ଓ ସଠିକ କାମ କରୁନାହଁ ବୋଲି ଆମକୁ କଥା ଶୁଣିବାକୁ କହି ମାଡ଼ ମାରିଥିବା ଅଭିଯୋଗ ହୋଇଛି।
ଘଟଣାକୁ ନେଇ ଏନଏସି କାର୍ଯ୍ୟାଳୟର ସମସ୍ତ କର୍ମଚାରୀ କାମ ଜିଲ୍ଲାପାଳଙ୍କୁ ଅବଗତ କରିଛନ୍ତି। ଏପରିକି ନୀଳଗିରି ଥାନାରେ ଏକ ଶରତ ଦାସଙ୍କ ନାମରେ ଲିଖିତ ଅଭିଯୋଗ କରିଛନ୍ତି। ସେପଟେ ଚେୟାରମ୍ୟାନଙ୍କ ସହ ବିଜେଡିର କାଉନସିଲରମାନେ ଏକାଠି ହୋଇଛନ୍ତି। ଏପରିକି ଚେୟାରମ୍ୟାନ ଜାତିଆଣ ଆକ୍ଷେପ କରିବା ସହ ଦୁର୍ବ୍ୟବହାର ନେଇ ନୀଳଗିରି ଥାନାରେ ପାଲଟା ଅଭିଯୋଗ କରିଛନ୍ତି। ଘଟଣାକୁ ନେଇ ଜନ ପ୍ରତିନିଧି ଓ ସରକାରୀ କର୍ମଚାରୀ ସାମ୍ନାସାମ୍ନି ହୋଇଥିବା ବେଳେ ଘଟଣାକୁ ପୋଲିସ ଗୁରୁତର ସହ ନେଇଛି। ଦୁଇଟି ଅଭିଯୋଗ ପାଇ ପ୍ରାଥମିକ ତଦନ୍ତ କରିଥିବା ବେଳେ ଘଟଣାକୁ ନେଇ କର୍ମଚାରୀ ଅସନ୍ତୋଷ ପ୍ରକାଶ କରିଛନ୍ତି। ତେବେ ଆଜିର ଘଟଣାକୁ ନେଇ ଅଞ୍ଚଳରେ ଅସନ୍ତୋଷର ବାତାବରଣ ସୃଷ୍ଟି ହୋଇଥିବା ବେଳେ ନୀଳଗିରି ଏନଏସି ପାଇଁ ଶୁଭ ସୂଚନା ନୁହଁ ବୋଲି କୁହାଯାଇଛି।
ଘଟଣାକୁ ନେଇ ଏନଏସି କାର୍ଯ୍ୟାଳୟର ସମସ୍ତ କର୍ମଚାରୀ କାମ ଜିଲ୍ଲାପାଳଙ୍କୁ ଅବଗତ କରିଛନ୍ତି। ଏପରିକି ନୀଳଗିରି ଥାନାରେ ଏକ ଶରତ ଦାସଙ୍କ ନାମରେ ଲିଖିତ ଅଭିଯୋଗ କରିଛନ୍ତି। ସେପଟେ ଚେୟାରମ୍ୟାନଙ୍କ ସହ ବିଜେଡିର କାଉନସିଲରମାନେ ଏକାଠି ହୋଇଛନ୍ତି। ଏପରିକି ଚେୟାରମ୍ୟାନ ଜାତିଆଣ ଆକ୍ଷେପ କରିବା ସହ ଦୁର୍ବ୍ୟବହାର ନେଇ ନୀଳଗିରି ଥାନାରେ ପାଲଟା ଅଭିଯୋଗ କରିଛନ୍ତି। ଘଟଣାକୁ ନେଇ ଜନ ପ୍ରତିନିଧି ଓ ସରକାରୀ କର୍ମଚାରୀ ସାମ୍ନାସାମ୍ନି ହୋଇଥିବା ବେଳେ ଘଟଣାକୁ ପୋଲିସ ଗୁରୁତର ସହ ନେଇଛି। ଦୁଇଟି ଅଭିଯୋଗ ପାଇ ପ୍ରାଥମିକ ତଦନ୍ତ କରିଥିବା ବେଳେ ଘଟଣାକୁ ନେଇ କର୍ମଚାରୀ ଅସନ୍ତୋଷ ପ୍ରକାଶ କରିଛନ୍ତି। ତେବେ ଆଜିର ଘଟଣାକୁ ନେଇ ଅଞ୍ଚଳରେ ଅସନ୍ତୋଷର ବାତାବରଣ ସୃଷ୍ଟି ହୋଇଥିବା ବେଳେ ନୀଳଗିରି ଏନଏସି ପାଇଁ ଶୁଭ ସୂଚନା ନୁହଁ ବୋଲି କୁହାଯାଇଛି।
