ନୂଆଦିଲ୍ଲୀ: ନାମିବିଆର ରାଷ୍ଟ୍ରପତି ହେଜ ଗିଙ୍ଗୋବ ଆଜି ସକାଳେ ମୃତ୍ୟୁ ବରଣ କରିଛନ୍ତି । ନାମିବିଆର ରାଷ୍ଟ୍ରପତି କାର୍ଯ୍ୟାଳୟ ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଛି ଯେ, ସେ ୱିଣ୍ଡହୋକର ଏକ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ହେଜ ଗିଙ୍ଗୋବଙ୍କୁ ୮୨ ବର୍ଷ ହୋଇଥିଲା । ଦ୍ୱିତୀୟ ଥର ପାଇଁ ନାମିବିଆର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିବା ଗିଙ୍ଗୋବ ଗତ ମାସରେ ପ୍ରକାଶ କରିଥିଲେ ଯେ ସେ କର୍କଟ ରୋଗରେ ପୀଡିତ ଅଛନ୍ତି ଏବଂ ଏହାର ଚିକିତ୍ସା ଚାଲିଛି । 

କାର୍ଯ୍ୟକାରୀ ରାଷ୍ଟ୍ରପତି ନାଙ୍ଗୋଲୋ ମ୍ବୁମ୍ବା ମଧ୍ୟ ସୋସିଆଲ ମିଡିଆ ମାଧ୍ୟମରେ ରାଷ୍ଟ୍ରପତିଙ୍କ ଦେହାନ୍ତ ଖବର ଦେଇଛନ୍ତି । ଦୁଃଖ ପ୍ରକାଶ କରି ସେ ଲେଖିଛନ୍ତି, 'ମୁଁ ବହୁତ ଦୁଃଖିତ ଓ ଦୁଃଖର ସହିତ ସମସ୍ତଙ୍କୁ ଜଣାଇ ଦେଉଛି ଯେ ନାମିବିଆର ରାଷ୍ଟ୍ରପତି ହେଜ ଗିଙ୍ଗୋବଙ୍କର ଆଜି ଦେହାନ୍ତ ହୋଇଛି।'