ନୂଆଦିଲ୍ଲୀ,୨୧/୧୧: ଶ୍ରୀଲଙ୍କାର ଜେଲ୍ରୁ ମୁକ୍ତ ହୋଇଥିବା ୧୫ ଜଣ ମତ୍ସଜୀବୀ ମୁକ୍ତି ପାରବା ପରେ ଚେନ୍ନାଇ ବିମାନବନ୍ଦରରେ ପହଞ୍ଚିଛନ୍ତି। ନଭେମ୍ବର ୧୮ ତାରିଖରେ ଶ୍ରୀଲଙ୍କା ୨୨ଜଣ ମତ୍ସଜୀବୀଙ୍କ ସହିତ ଦୁଇଟି ଦେଶୀ ଟଙ୍ଗାକୁ ବେଆଇନ ମାଛ ଧରିବା ଅଭିଯୋଗରେ ଗିରଫ କରିଥିଲା ଏବଂ ପଚରାଉଚୁରା କରୁଥିଲା। ଅବଶ୍ୟ ପାରମ୍ପରିକ ମତ୍ସଜୀବୀ ପ୍ରତିନିଧି ମଣ୍ଡଳି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସହିତ ସାକ୍ଷାତ କରିଥିଲେ ଏବଂ ମତ୍ସଜୀବୀଙ୍କୁ ମୁକ୍ତ କରିବାକୁ ଅନୁରୋଧ କରିଥିଲେ। ସୂଚନାଥାଉକି, ୨୨ଜଣ ମତ୍ସଜୀବୀ ତାମିଲନାଡ଼ୁର ରାମେଶ୍ବରମ୍ର ଅଟନ୍ତି, ଯେଉଁମାନେ କି ସମୁଦ୍ରରେ ଅନ୍ତର୍ଜାତୀୟ ଜଳସୀମା ଅତିକ୍ରମ କରିବା ପରେ ହଜିଯାଇଥିଲେ।
ପଢ଼ନ୍ତୁ: ଜିନ୍ ଥେରାପିକୁ ବ୍ରିଟେନର ସବୁଜ ସଙ୍କେତ, ଆରୋଗ୍ୟ ହୋଇପାରିବେ ସିକିଲ ସେଲ୍ ଓ ଥାଲାସେମିଆ ରୋଗୀ
ଅର୍ଥମନ୍ତ୍ରୀ ଶ୍ରୀଲଙ୍କାରେ ବୈଦେଶିକ ସଚିବ ଏବଂ ଭାରତୀୟ ଉଚ୍ଚ ଆୟୋଗଙ୍କ ସହ କଥା ହେବା ପରେ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଥିଲା। ମତ୍ସ୍ୟଜୀବୀମାନେ ଭାରତକୁ ଫେରିବା ପରେ ମତ୍ସ୍ୟଜୀବୀଙ୍କ ଏକ ପ୍ରତିନିଧୀ ସୀତାରମଣଙ୍କୁ କୃତଜ୍ଞତା ଜଣାଇଥିଲେ। ମତ୍ସ୍ୟଜୀବୀଙ୍କ ପରିବାରକୁ ସୀତାରମଣ ଆଶ୍ୱାସନା ଦେଇଛନ୍ତି ଯେ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ସରକାର ତାମିଲଙ୍କ ଆଗ୍ରହକୁ ସର୍ବଦା ପ୍ରାଥମିକତା ଦେଇଆସୁଛନ୍ତି।
ପଢ଼ନ୍ତୁ: କୋଭିଡ ଟିକା ଯୋଗୁଁ ଯୁବକମାନଙ୍କ ମଧ୍ୟରେ ବଢ଼ିଛି କି ମୃତ୍ୟୁ ଆଶଙ୍କା? କ'ଣ କହୁଛି ଆଇସିଏମ୍ଆର୍ର ଅଧ୍ୟୟନ?
ଏହାପୂର୍ବରୁ ଅକ୍ଟୋବର ୨୯ ରେ ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କରଙ୍କୁ ଚିଠି ଲେଖି ଶ୍ରୀଲଙ୍କା ନୌସେନା ଦ୍ୱାରା ତାମିଲନାଡୁରୁ ମତ୍ସ୍ୟଜୀବୀଙ୍କୁ ବାରମ୍ବାର ଗିରଫ କରାଯିବା ପ୍ରସଙ୍ଗ ଉପରେ ଦୃଷ୍ଟି ଆକର୍ଷଣ କରିଥିଲେ। ତାମିଲନାଡ଼ୁର ମୁଖ୍ୟମନ୍ତ୍ରୀ ତାଙ୍କ ଚିଠିରେ କହିଛନ୍ତି ଯେ, ଆପଣ ଭଲଭାବରେ ଜାଣିଛନ୍ତି ଯେ, ଆମର ମତ୍ସ୍ୟଜୀବୀମାନେ ଜୀବିକା ନିର୍ବାହ ପାଇଁ ମାଛ ଧରିବା ଉପରେ ସମ୍ପୂର୍ଣ୍ଣ ନିର୍ଭରଶୀଳ ଏବଂ ଏହି କ୍ରମାଗତ ଗିରଫଦାରୀ ମତ୍ସ୍ୟଜୀବୀ ସମୂହକୁ ବହୁତ କଷ୍ଟ ଏବଂ ଯନ୍ତ୍ରଣା ଦେଉଛି। ଶ୍ରୀଲଙ୍କା ନୌସେନାର ଏଭଳି କାର୍ଯ୍ୟ ରାଜ୍ୟରେ ମତ୍ସ୍ୟଜୀବୀଙ୍କ ମନରେ ଚାପ ଏବଂ ଆତଙ୍କ ସୃଷ୍ଟି କରିଛି। ”
You can also read: ୧୦ ଦିନ ଧରି ଟନେଲ୍ରେ ଫସିଥିବା ୪୧ ଶ୍ରମିକଙ୍କ ଚିତ୍ର ଦେଖାଇଲା ସିସିଟିଭି; ପହଞ୍ଚିଲା ଭର୍ଟିକାଲ୍ ଡ୍ରିଲିଂ ମେସିନ୍
