ନୂଆଦିଲ୍ଲୀ,୧୨/୦୪: ବିଶ୍ବର ସାଇବର ଅପରାଧ ବିଶେଷଜ୍ଞଙ୍କମାନଙ୍କର ଏକ ସର୍ବେକ୍ଷଣ ଅନୁସାରେ ସାଇବର ଅପରାଧରେ ଋଷ ତାଲିକାର ଶୀର୍ଷରେ ରହିଛି। ଏହି ତାଲିକାରେ ଭାରତ ଦଶମ ସ୍ଥାନରେ ରହିଛି। ଗବେଷକମାନଙ୍କ ପ୍ରସ୍ତୁତ 'ୱାର୍ଲ୍ଡ ସାଇବର କ୍ରାଇମ ଇଣ୍ଡେକ୍ସ'ରେ ଏହି ତଥ୍ୟ ଖୁଲାସା କରାଯାଇଛି।

ତୃତୀୟ ସ୍ଥାନରେ ଚୀନ୍‌:

ରେନ୍ସୱେୟାର, କ୍ରେଡିଟ କାର୍ଡ ଚୋରି ସମେତ ବିଭିନ୍ନ ଶ୍ରେଣୀର ସାଇବର ଅପରାଧରେ ପ୍ରାୟ ୧୦୦ଟି ଦେଶକୁ ତାଲିକାଭୁକ୍ତ କରାଯାଇଛି। ଏହି ତାଲିକାରେ ୟୁକ୍ରେନ ଦ୍ୱିତୀୟ ସ୍ଥାନରେ ରହିଛି। ଚୀନ୍ ତୃତୀୟ ସ୍ଥାନରେ ରହିଛି। ଏହା ପରେ ଆମେରିକା, ନାଇଜେରିଆ ଏବଂ ରୋମାନିଆ ଅଛି। ପ୍ଳାସ୍‌ ଓ୍ବାନ ପତ୍ରିକାରେ ପ୍ରକାଶିତ ସର୍ଭେ ଅନୁଯାୟୀ ଉତ୍ତର କୋରିଆ ସପ୍ତମ ସ୍ଥାନରେ, ବ୍ରିଟେନ ଅଷ୍ଟମ ସ୍ଥାନରେ ଏବଂ ବ୍ରାଜିଲ ନବମ ସ୍ଥାନରେ ରହିଛି।

ସର୍ଭେ ମାଧ୍ୟମରେ ଗବେଷକମାନେ ଭର୍ଚୁଆଲ୍ ଦୁନିଆରେ ହେଉଥିବା ଅପରାଧ ସଂପର୍କରେ ବିଭିନ୍ନ ଦେଶ ବିଷୟରେ ବିଶେଷଜ୍ଞ ମାନଙ୍କ ମତାମତ ନେଇଥିଲେ। ଏହାକୁ ଆଧାର କରି ଏହି ର଼୍ୟାଙ୍କିଙ୍ଗ୍ ପ୍ରକାଶ ପାଇଛି। ସାଇବର ଅପରାଧର ମୁଖ୍ୟ ଶ୍ରେଣୀଗୁଡିକ ମଧ୍ୟରେ ରେନ୍ସୱେୟାର, ହ୍ୟାକିଂ, କ୍ରେଡିଟ କାର୍ଡ ସହିତ ତଥ୍ୟ ଚୋରି, ଆଡଭାନ୍‌ସ ଫି ସ୍କାମ, ମନି ଲଣ୍ଡରିଂ ଭଳି ମାମଲା ଅନ୍ତର୍ଭୁକ୍ତ। ଲୋକମାନଙ୍କୁ ପ୍ରାୟତଃ ଅଗ୍ରୀମ ଦେୟ ବା ଆଡ୍‌ଭାନ୍ସ ପେ' କରିବାକୁ କହି ଠକାମୀ କରାଯାଉଛି।

You can also read: ରାମେଶ୍ବରମ୍‌ କାଫେ ବିସ୍ଫୋରଣ ମାମଲା; ଏନ୍‌ଆଇଏକୁ ବଡ଼ ସଫଳତା, ପଶ୍ଚିମବଙ୍ଗରୁ ଗିରଫ ହେଲେ ଦୁଇ ଆତଙ୍କବାଦୀ