ନୂଆଦିଲ୍ଲୀ – ପ୍ୟାରିସ୍‌ ଅଲିମ୍ପିକରେ ପୁରୁଷ ଜାଭଲିନ ଥ୍ରୋର ଫାଇନାଲରେ ନୀରଜ ଚୋପ୍ରା ୮୯.୪୫ ମିଟର ଥ୍ରୋ କରିବା ସହ ଦ୍ୱିତୀୟ ସ୍ଥାନରେ ରହି ସିଲଭର ମେଡାଲ ଜିତିଲେ। ପ୍ରଥମ ସ୍ଥାନରେ ରହିଲେ ପାକିସ୍ତାନର ଅର୍ଶଦ ନଦୀମ, ଯିଏକି ୯୨.୯୭ ମିଟରର ଥ୍ରୋ କରିଥିଲେ। ନୀରଜ ଚୋପ୍ରା କ୍ୱାଲିଫିକେସନ ରାଉଣ୍ଡରେ ୮୯.୩୪ ମିଟର ଜାଭଲିନ ଫିଙ୍ଗି ପୁଣି ଥରେ ପଦକ ଜିତିବାର ଆଶା ପ୍ରକଟ କରିଥିଲେ। ହେଲେ ଫାଇନାଲରେ ସେ ନଦୀମଙ୍କ ଠାରୁ ଆଗକୁ ଯାଇ ପାରିଲେ ନାହିଁ ।

ଆଜିର ମୁକାବିଲାରେ ନୀରଜଙ୍କ ପ୍ରଥମ ପ୍ରୟାସ  ଫାଉଲ ରହିଥିଲା । ଦ୍ୱିତୀୟ ପ୍ରୟାସରେ ସେ ୮୯.୪୫ ମିଟର ଫିଙ୍ଗିଥିବା ବେଳେ ତୃତୀୟ ପ୍ରୟାସ ମଧ୍ୟ ଫାଉଲ ହୋଇଥିଲା । ଏହା ଟପ୍ -୮ ମୁକାବିଲାରେ ନୀରଜଙ୍କ ଚତୁର୍ଥ ପ୍ରୟାସ ମଧ୍ୟ ଫାଉଲ ହୋଇଥିଲା । ପଞ୍ଚମ ପ୍ରୟାସ ମଧ୍ୟ ନୀରଜଙ୍କ ଫାଉଲ ହୋଇଥିଲା । ତେବେ ୮୯.୪୫ ମିଟର ନୀରଜଙ୍କ ଚଳିତ ଅଲିମ୍ପିକ୍ସରେ ଶ୍ରେଷ୍ଠ ପ୍ରଦର୍ଶନ ରହିଛି । 

ସୂଚନାଯୋଗ୍ୟ, ନୀରଜଙ୍କ ରୌପ୍ୟ ପଦକୁ ମିଶାଇ ପ୍ୟାରିସ୍ ଅଲିମ୍ପିକ୍ସରେ ଭାରତ ଏ ପର୍ଯ୍ୟନ୍ତ ୫ଟି ପଦକ ଜିତିଛି। ଏହି ଚାରି ପଦକ କାଂସ୍ୟ ପଦକ ଭାବେ ମିଳିଛି। ପ୍ରଥମେ ମନୁ ଭାକର ୧୦ ମିଟର ଏୟାର ପିସ୍ତଲରେ କାଂସ୍ୟ ପଦକ ଜିତିଥିଲେ। ପୁଣି ମିଶ୍ରିତ ବର୍ଗରେ ସରବଜୋତ ସିଂଙ୍କ ସହ ମିଶି ମନୁ ଦ୍ଵିତୀୟ କାଂସ୍ୟ ଜିତିଥିଲେ।