ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

ଓଡ଼ିଶା ସୀମାନ୍ତ ଉପରେ ପଡ଼ୋଶୀ ରାଜ୍ୟର ଲୋଲୁପଦୃଷ୍ଟି

ରାଉରକେଲା, ୦୧/୦୪ : ଓଡ଼ିଶାର ସୁନ୍ଦରଗଡ଼ ଜିଲ୍ଲାକୁ ଲାଗି ରହିଛି ଝାଡ଼ଖଣ୍ଡ ଓ ଛତିଶଗଡ଼ ସୀମାନ୍ତ। ଦୀର୍ଘ ବର୍ଷ ହେଲା ସୀମା ନିର୍ଦ୍ଧାରଣ ହୋଇପାରିନଥିବା ବେଳେ ସେହି ରାଜ୍ୟର ଲୋଲୁପଦୃଷ୍ଟି ଓଡ଼ିଶା ସୀମାବର୍ତ୍ତୀ ଅଞ୍ଚଳରେ ପଡ଼ୁଛି। ଫଳରେ ଏକର ଏକର ଜମିକୁ ନିଜର କହି ଝାଡ଼ଖଣ୍ଡ ଓ ଛତିଶଗଡ଼ ଲୋକେ ମାଡ଼ି ବସିଛନ୍ତି । କହିବାକୁ ଗଲେ ବିଶ୍ରା, କୁଆଁରମୁଣ୍ଡା, ନୂଆଗାଁ, ଲାଠିକଟା ଓ କୋଇଡ଼ା ବ୍ଲକର ଅଧିକାଂଶ ଗ୍ରାମ ଝାଡ଼ଖଣ୍ଡ ସୀମାବର୍ତ୍ତୀ ଇଲାକାରେ ରହିଥିବା ବେଳେ ବାଲିଶଙ୍କରା, ଲେଫ୍ରିପଡ଼ା, ହେମଗିର ଓ ବଡ଼ଗାଁ ଆଦି ଅଞ୍ଚଳ ଛତିଶଗଡ଼ ସୀମାନ୍ତରେ ରହିଛି । ପ୍ରଶାସନିକ ସ୍ତରରେ ଆଖି ଦୃଶିଆ ପଦକ୍ଷେପ ନିଆଯାଉନଥିବାରୁ ଝାଡ଼ଖଣ୍ଡ ଓ ଛତିଶଗଡ଼ ରାଜ୍ୟର ଲୋକେ ସୁନ୍ଦରଗଡ଼ ଜିଲ୍ଲାର ଉପରୋକ୍ତ ଅଞ୍ଚଳରେ ପ୍ରବେଶ କରି ଜମି ଅକ୍ତିଆର କରିବାରେ ଲାଗିଛନ୍ତି। 

ବିଶେଷ କରି ଓଡ଼ିଶା-ଝାଡ଼ଖଣ୍ଡ ସୀମାନ୍ତରେ ଯେଉଁ ସବୁ ସଙ୍କେତ ବୋର୍ଡ ଲଗାଯାଇଛି ସେଥିରେ ହିନ୍ଦୀ ଭାଷାରେ ଲେଖା ହୋଇଥିଲେ ବି ଆଜି ପର୍ଯ୍ୟନ୍ତ ଏନେଇ କେହି ହେଲେ ବିରୋଧ କରିନାହାନ୍ତି। ୨୦୦୦ ମସିହାରେ ଝାଡ଼ଖଣ୍ଡ ଓ ଛତିଶଗଡ଼ ରାଜ୍ୟ ଗଠନ ହେବା ପରେ ଯେଉଁ ସବୁ ଜମି ସେସବୁ ରାଜ୍ୟକୁ ଯାଇଛି ତାକୁ ଫେରାଇ ଆଣିବା ଲାଗି ଓଡ଼ିଶା ସରକାରଙ୍କ ପକ୍ଷରୁ ସେଭଳି କୌଣସି ଆଖିଦୃଶିଆ ପଦକ୍ଷେପ ନିଆଯାଇନାହିଁ। ଓଡ଼ିଶା ସୀମାବର୍ତ୍ତୀ ଅଞ୍ଚଳକୁ ଗଲେ ଓଡ଼ିଆ ଭାଷା କମ୍‌ ହିନ୍ଦୀ ଭାଷାରେ ଲୋକେ କଥା ହେଉଛନ୍ତି । ଏପରିକି ସେଠାରେ ଥିବା ଦୋକାନଗୁଡ଼ିକରେ ଓଡ଼ିଶା ଭାଷା ପରିବର୍ତ୍ତେ ହିନ୍ଦୀ ଭାଷାରେ ଲେଖା ଥିବା ଦେଖିବାକୁ ମିଳୁଛି। ଓଡ଼ିଆ ଭାଷା ୨୦୧୪ ମସିହା ମାର୍ଚ୍ଚ ୧୧ ତାରିଖରେ ଶାସ୍ତ୍ରୀୟ ଭାଷାର ମାନ୍ୟତା ପାଇଲା । ଏହାର ବ୍ୟାପକ ପ୍ରଚାର ପ୍ରସାର ପାଇଁ ୨୦୧୬ ମସିହାରେ ଓଡ଼ିଶା କ୍ୟାବିନେଟ୍‌ରେ ପ୍ରସ୍ତାବ ଗୃହୀତ ହୋଇଥିଲା। 

ଏହିକ୍ରମରେ ଓଡ଼ିଆ ଭାଷାକୁ ବାଧ୍ୟତାମୂଳକ କରିବାକୁ ସରକାର ଅଧ୍ୟାଦେଶ ଆଣିଲେ । ନିୟମକୁ କଡ଼ାକଡ଼ି କରିବା ପାଇଁ ନିର୍ଦ୍ଦେଶନାମା ଜାରି କଲେ । ହେଲେ ଇତିମଧ୍ୟରେ ୬ ବର୍ଷ ବିତି ଯାଇଥିଲେ ହେଁ ଓଡ଼ିଆ ଭାଷା ତାର ଉପଯୁକ୍ତ ସ୍ଥାନ ପାଇ ପାରିନାହିଁ । ଓଡ଼ିଆ ଭାଷା ପ୍ରତି ପ୍ରଶାସନର ଅବହେଳା ଓ ବୈମାତୃକ ମନୋଭାବ ଏହାର ପ୍ରମୁଖ କାରଣ ବୋଲି ଭାଷାପ୍ରେମୀମାନେ ମତ ପ୍ରକାଶ କରନ୍ତି । ଯାହାଦ୍ୱାରା ଆଜି ପର୍ଯ୍ୟନ୍ତ ସରକାରଙ୍କ ନିର୍ଦ୍ଦେଶନାମା ପୂର୍ଣ୍ଣ କାର୍ଯ୍ୟକାରୀ ହୋଇପାରିନାହିଁ । ରାଜ୍ୟ ସରକାରଙ୍କ ନିଷ୍ପତ୍ତି ଅନୁସାରେ ସମସ୍ତ ଦୋକାନ ଓ ବ୍ୟବସାୟିକ ପ୍ରତିଷ୍ଠାନରେ ଓଡ଼ିଆ ଭାଷାର ନାମଫଳକ ଲେଖିବା ବାଧ୍ୟତାମୂଳକ କରାଯାଇଛି । ମାତ୍ର ସୀମାବର୍ତ୍ତୀ ଅଞ୍ଚଳରେ ଥିବା ଦୋକାନଗୁଡ଼ିକରେ ଲାଗିଥିବା ନାମଫଳକ ହିନ୍ଦୀରେ ଲେଖାଯାଇଛି । କେତେ ଜମି ଛତିଶଗଡ଼ ଓ ଝାଡ଼ଖଣ୍ଡକୁ ଯାଇଛି ତାର ହିସାବ ମଧ୍ୟ ସରକାରଙ୍କ ପାଖରେ ନଥିବା ଲୋକେ କହୁଛନ୍ତି । ତେଣୁ ଏପ୍ରିଲ ୧ ତାରିଖରେ ଉତ୍କଳ ଦିବସ ବା ଓଡ଼ିଶା ଦିବସ ପାଳନ କରି ଦେଇ ପ୍ରଶାସନ ଏକପ୍ରକାର ଚୁପ୍‌ ହୋଇ ରହୁଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.