ନୂଆଦିଲ୍ଲୀ: ମାଓବାଦୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରି ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ତେଲେଙ୍ଗାନା ଏବଂ ଛତିଶଗଡର ଅନେକ ସ୍ଥାନରେ ଚଢାଉ କହିଛି । ଏହି ଚଢାଉ ଅଗଷ୍ଟ ୨୦୨୩ ମାମଲା ସହିତ ଜଡିତ ରହିଛି । ଏହି ସମୟରେ ବହୁ ପରିମାଣର ବିସ୍ଫୋରକ, ଡ୍ରୋନ୍ ଏବଂ ଏକ ଲେଦ୍ ମେସିନ୍ ଜବତ କରାଯାଇଥିଲା । ଏନଆଇଏ ବର୍ତ୍ତମାନ ତେଲେଙ୍ଗାନାର ୱାରଙ୍ଗାଲରେ ପାଞ୍ଚଟି ସ୍ଥାନ, କୋଥାଗୁଡେମରେ ଦୁଇଟି ଏବଂ ଛତିଶଗଡର ବିଜାପୁରରେ ଗୋଟିଏ ସ୍ଥାନରେ ଚଢାଉ କରିଛି । 

 ଏହି ଚଢାଉରେ ଏନଆଇଏ ଅନେକ ଡିଜିଟାଲ ଡିଭାଇସ୍ ଏବଂ ସନ୍ଦେହଜନକ କାଗଜପତ୍ର ଉଦ୍ଧାର କରିଛି । ଜବତ ହୋଇଥିବା ଡିଜିଟାଲ ଡିଭାଇସ୍ ଏବଂ କାଗଜପତ୍ର ଗୁଡ଼ିକୁ ଯାଞ୍ଚ କରାଯାଉଛି । ଏନଆଇଏ ବିଶ୍ୱାସ କରୁଛି ଯେ କିଛି ଲୋକ ମାଓବାଦୀଙ୍କୁ ଲଜିଷ୍ଟିକ୍ ସହାୟତା ଯୋଗାଉଥିଲେ । ଏହି ମାଓବାଦୀ ମାନେ ଭାରତ ସରକାରଙ୍କ ବିରୋଧରେ ଲଢେଇ କରୁଛନ୍ତି, ଯାହାକୁ ସେମାନେ ଲୋକ ଯୁଦ୍ଧ ବୋଲି କହିଛନ୍ତି । ଗତ କିଛି ବର୍ଷ ହେବ ଆତଙ୍କୀ ଘଟଣାରେ ମାଓବାଦୀ ମାନେ ଆଧୁନିକ ଅସ୍ତ୍ର ବ୍ୟବହାର କରିବା ଆରମ୍ଭ କରିଛନ୍ତି । 

ସୁରକ୍ଷା ବାହିନୀ ବିରୋଧରେ ଲଢିବା ପାଇଁ ମାଓବାଦୀଙ୍କୁ ଅସ୍ତ୍ର ଯୋଗାଇ ଦିଆଯାଉଛି ବୋଲି ଏନଆଇଏ ସନ୍ଦେହ କରୁଛି । ଜୁନ୍ ମାସରେ ତେଲେଙ୍ଗାନାର କୋଥାଗୁଡେମର ଚେର୍ଲା ମଣ୍ଡପରେ ଏହି ଜବତ ହୋଇଥିଲା । ଏହି ମାମଲାରେ ୧୨ ଅଭିଯୁକ୍ତଙ୍କ ବିରୋଧରେ ଏନଆଇଏ ଏକ ମାମଲା ରୁଜୁ କରିଥିଲା । ସେଥିମଧ୍ୟରୁ ତିନିଜଣ ଅଭିଯୁକ୍ତଙ୍କୁ ଗିରଫ କରାଯାଇଛି ।