ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ଦିନକ ପାଇଁ ଆଇପିଏସ୍‌ ହେଲେ ୯ ବର୍ଷୀୟ ବାଳକ, ସ୍ୱପ୍ନ ପୂରଣ କଲା ପୁଲିସ ବିଭାଗ

ନୂଆଦିଲ୍ଲୀ ୨୮/୦୬: ୯ ବର୍ଷୀୟ ପିଲାର ଆଇପିଏସ୍‌ ସ୍ୱପ୍ନ ପୂରଣ ହୋଇଛି । ଉତ୍ତରପ୍ରଦେଶର ବାରାଣସୀ ବାସିନ୍ଦା ରଣବୀର ଭାରତୀ ଦିନକ ପାଇଁ ଆଇପିଏସ୍‌ ଅଫିସର ହୋଇଛନ୍ତି । ସ୍ଥାନୀୟ ମହାମନା କ୍ୟାନ୍ସର ହସ୍‌ପିଟାଲରେ ସେ ସାହାସର ସହିତ ବ୍ରେନ୍‌ ଟ୍ୟୁମର ସହ ଲଢ଼େଇ କରୁଛନ୍ତି । ରଣବୀରଙ୍କ ଇଚ୍ଛା ଥିଲା ଆଇପିଏସ୍‌ ଅଫିସର ହେବେ । ସ୍ଥାନୀୟ ପୁଲିସ ବିଭାଗ ତାଙ୍କ ଇଚ୍ଛା ପୂରଣ କରିଛି । 

ଏହି ହୃଦୟସ୍ପର୍ଶୀ ଦୃଶ୍ୟ ଏଡିଜି ଜୋନ୍‌ ବାରାଣସୀର ଔପଚାରିକ ଏକ୍ସ ପ୍ରୋଫାଇଲରେ ଶେୟାର କରାଯାଇଛି । ପୋଷ୍ଟ୍‌ ସହିତ ଉଲ୍ଲେଖ ହୋଇଛି ‘୯ ବର୍ଷୀୟ ରଣବୀର ଭାରତୀ ମହାମନା କ୍ୟାନ୍ସର ହସ୍‌ପିଟାଲରେ ବ୍ରେନ୍‌ ଟ୍ୟୁମର ପାଇଁ ଚିକିତ୍ସିତ ହେଉଛନ୍ତି । ଏଭଳି ଏକ ସ୍ଥିତିରେ ସେ ଆଇପିଏସ୍‌ ଅଫିସର ହେବାର ଇଚ୍ଛା ପ୍ରକାଶ କରିଥିଲେ । ସେଥିପାଇଁ ଏଡିଜି ଜୋନ୍‌ ବାରାଣସୀ ଅଫିସ୍‌ରେ ତାଙ୍କ ଇଚ୍ଛା ପୂରଣ କରାଯାଇଛି ।’ ବିଭାଗ ପକ୍ଷରୁ ଏହି ଖାସ୍‌ ମୁହୂର୍ତ୍ତର ଫଟୋ ଓ ଭିଡିଓ ଶେୟାର କରାଯାଇଛି । 

ଫଟୋରେ ରଣବୀରଙ୍କୁ ପୁଲିସ ଗଣବେଶ ପିନ୍ଧି ଥାନାରେ ଗର୍ବର ସହ ବସିଥିବା ଦେଖିବାକୁ ମିଳିଛି । ଭିଡିଓରେ ରଣବୀର ବେଶ ଆରାମରେ ପୁଲିସ ଅଧିକାରୀଙ୍କ ସହ କଥା ହେଉଥିବା ନଜର ଆସିଛନ୍ତି । ସେମାନଙ୍କ ସହ ହାତ ମିଳାଇଛନ୍ତି । ପ୍ରତୀକାତ୍ମକ ଭାବେ ହେଲେ ମଧ୍ୟ ଜଣେ ଆଇପିଏସ୍‌ ଅଧିକାରୀଙ୍କ ଦାୟିତ୍ୱର ଅନୁଭବ ସେ ପାଇଛନ୍ତି । ପୁଲିସ ଅଧିକାରୀଙ୍କ ସହ ତାଙ୍କର ଏକ ଗ୍ରୁପ୍‌ ଫଟୋ ମଧ୍ୟ ଦେଖିବାକୁ ମିଳିଛି । ସ୍ୱପ୍ନ ପୂରଣ ହେବା ପରେ ତାଙ୍କ ମୁହଁରେ ଖୁସି ସ୍ପଷ୍ଟ ବାରିହେଉଛି । ଛୋଟ ପିଲାକୁ ଏହି ସୁଯୋଗ ଦେଇ ତା’ର ସ୍ୱପ୍ନ ପୂରଣ କରିଥିବାରୁ ଲୋକେ ଥାନାଧିକାରୀଙ୍କୁ ଧନ୍ୟବାଦ ଦେଉଛନ୍ତି । ଏହି ସ୍ୱତନ୍ତ୍ର ମୁହୂର୍ତ୍ତ ରଣବୀର ଓ ତାଙ୍କ ପରିବାର ପାଇଁ ଚିରସବୁଜ ସ୍ମୃତି ହୋଇଛି ।

 

 

 

 

 

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.