ନୂଆଦିଲ୍ଲୀ: ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ଏବେ ଋଷ୍‌ରେ ଅଛନ୍ତି। ବୁଧବାର କିମ ଜୋଙ୍ଗ ଉନ୍ ଏବଂ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଦ୍ୱିପାକ୍ଷିକ ବୈଠକ ହୋଇଛି । ଏହି ସମୟରେ କିମ ଜୋଙ୍ଗ ଉନ ୟୁକ୍ରେନ ବିରୁଦ୍ଧରେ ଋଷର ଯୁଦ୍ଧ ବିଷୟରେ ଉଲ୍ଲେଖ କରିଛନ୍ତି । ଭ୍ଲାଦିମିର ପୁଟିନ ଏବଂ ଋଷକୁ ଉତ୍ତର କୋରିଆର ସମ୍ପୂର୍ଣ୍ଣ ସମର୍ଥନ ରହିଛି ବୋଲି କହିଛନ୍ତି । କିମ ଜୋଙ୍ଗ କହିଛନ୍ତି ଯେ, ଆମର ପ୍ରାଥମିକତା ହେଉଛି ଋଷ ସହିତ ଉତ୍ତମ ସମ୍ପର୍କ । ଋଷ ଏହାର ସାର୍ବଭୌମତ୍ୱ ତଥା ଦେଶର ସୁରକ୍ଷା ପାଇଁ ସଂଗ୍ରାମ କରୁଛି । ସାମ୍ରାଜ୍ୟବାଦ ବିରୋଧରେ ଏହି ସଂଗ୍ରାମରେ ଆମେ ଋଷ ସହିତ ରହିଛୁ ଏବଂ ରହିବୁ।"

 'ଅଲ ଜଜିରା'ର ରିପୋର୍ଟ ଅନୁଯାୟୀ ଉତ୍ତର କୋରିଆର ନେତା କିମ ଜୋଙ୍ଗ ଉନ ଏବଂ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଏହି ଦ୍ୱିପାକ୍ଷିକ ବୈଠକ ସୂଦୂର ପୂର୍ବାଞ୍ଚଳର ଭୋଷ୍ଟୋଚନି କସମୋଡ୍ରୋମରେ ଅନୁଷ୍ଠିତ ହୋଇଥିଲା । ଉଭୟଙ୍କ ମଧ୍ୟରେ ଏହି ବୈଠକ ପ୍ରାୟ ଚାରି ରୁ ପାଞ୍ଚ ଘଣ୍ଟା ପର୍ଯ୍ୟନ୍ତ ଚାଲିଥିଲା । ଋଷର ସୁରକ୍ଷା ତଥା ସ୍ୱାର୍ଥ ରକ୍ଷା ପାଇଁ ସଂଗ୍ରାମରେ ପୁଟିନଙ୍କୁ ସମସ୍ତ ସମ୍ଭାବ୍ୟ ସମର୍ଥନ ବିଷୟରେ କିମ ନିଶ୍ଚିତ କରିଛନ୍ତି । ସେ କହିଛନ୍ତି ଯେ ପ୍ୟୋଙ୍ଗୟାଙ୍ଗ ସର୍ବଦା ମସ୍କୋ ସହିତ ସାମ୍ରାଜ୍ୟବାଦୀ ବିରୋଧୀ ସାମ୍ନାରେ ଠିଆ ହେବ । କିମ ଜୋଙ୍ଗ ଉନ୍ କହିଛନ୍ତି, ମୁଁ ନିଶ୍ଚିତ ଯେ ରୁଷ ବିଦ୍ରୋହ ବିରୁଦ୍ଧରେ ଜିତିବ।

 ଭ୍ଲାଦିମିର ପୁଟିନଙ୍କ ସହିତ ସାକ୍ଷାତ ସମୟରେ କିମ ଜୋଙ୍ଗ ଉନ ଆହୁରି ମଧ୍ୟ କହିଛନ୍ତି ଯେ, "ଆମ ଦେଶକୁ ମୁକ୍ତ କରିବାରେ ସୋଭିଏତ ସଂଘ ଏକ ବଡ଼ ଭୂମିକା ଗ୍ରହଣ କରିଥିଲା । ଆମର ବନ୍ଧୁତ୍ୱର ମୂଳ ଗଭୀର । ବର୍ତ୍ତମାନ ରୁଷ ସହିତ ସମ୍ପର୍କକୁ ମଜବୁତ କରିବା ଆମର ଦାୟିତ୍ୱ । ଏହି ସମୟରେ ପୁଟିନ କିମଙ୍କୁ କହିଥିଲେ- ମୁଁ ଆପଣଙ୍କୁ ଭେଟି ଖୁସି ଅଟେ । 

 ସୂଚନାଥାଉକି, ଯେ କିମ ଜୋଙ୍ଗ ଉନ ମଙ୍ଗଳବାର ଦିନ ତାଙ୍କ ବ୍ୟକ୍ତିଗତ ଟ୍ରେନରେ ଋଷର ଭ୍ଲାଡିଭୋଷ୍ଟୋକ ସହରରେ ପହଞ୍ଚିଥିଲେ। କିମଙ୍କ ସହ ତାଙ୍କ ଭଉଣୀ କିମ ୟୋ ଜୋଙ୍ଗ ମଧ୍ୟ ଋଷକୁ ଆସିଛନ୍ତି । ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ପାଇଁ ପୁଟିନ ଏକ ରାଜକୀୟ ଭୋଜନର ଆୟୋଜନ କରିଛନ୍ତି। ଦୁଇନେତା ଶେଷ ଥର ପାଇଁ ୨୦୧୯ ରେ ଅର୍ଥାତ ୪ ବର୍ଷ ପୂର୍ବେ ପରସ୍ପରକୁ ସାକ୍ଷାତ କରିଥିଲେ । କିମ ହେଉଛନ୍ତି ପ୍ରଥମ ନେତା ଯାହାଙ୍କୁ ପୁଟିନ କୋଭିଡଙ୍କ ପରେ ସାକ୍ଷାତ କରୁଛନ୍ତି ।