ଭୁବନେଶ୍ୱର, ୧୫।୫: ସିୟୁଇଟି- ୟୁଜି ପରୀକ୍ଷା ବୁଧବାର ଠାରୁ ଆରମ୍ଭ ହେଉଛି । ପ୍ରଶାସନିକ କରାଣ ପାଇଁ ପରୀକ୍ଷା କେନ୍ଦ୍ର ଓ ସମୟ ସୂଚୀରେ ପରିବର୍ତ୍ତନ କରାଯାଇଛି । ଏନେଇ ନ୍ୟାସନାଲ୍‌ ଟେଷ୍ଟିଂ ଏଜେନ୍ସି (ଏନ୍‌ଟିଏ) ପକ୍ଷରୁ ସୂଚନା ଦିଆଯାଇଛି । ମଙ୍ଗଳବାର ସନ୍ଧ୍ୟାରୁ ନୂଆ ଆଡମିଟ୍‌ କାର୍ଡ ଡାଉନଲୋଡ୍‌ କରିବାକୁକୁ ଏନ୍‌ଟିଏ ପକ୍ଷରୁ ପରାମର୍ଶ ଦିଆଯାଇଛି । ପିଲାମାନେ ନିଜର ଆପ୍ଲିକେଶନ ନମ୍ବର ଓ ଜନ୍ମ ତାରିଖ ପ୍ରଦାନ କରି ଆଡମିଟ୍‌ କାର୍ଡ ଡାଉନ୍‌ଲୋଡ୍‌ କରିପାରିବେ । ଅନ୍ୟ କେନ୍ଦ୍ରରେ ପରିବର୍ତ୍ତନ ନେଇ ଏନ୍‌ଟିଏ ୱେବ୍‌ସାଇଟ୍‌ରେ ସୂଚନା ରହିଛି । 

ଆଡମିଟ୍‌ କାର୍ଡରେ କିଛି ପିଲାଙ୍କର ପରୀକ୍ଷା କେନ୍ଦ୍ର ପରିବର୍ତ୍ତନ ହୋଇଛି । ଏହା ପ୍ରଶାସନିକ କାରଣ ପାଇଁ କରାଯାଇଛି ବୋଲି ଏନ୍‌ଟିଏ ପକ୍ଷରୁ କୁହାଯାଇଛି । ସେହିପରି ଦିଲ୍ଲୀରେ ହେବାକୁ ଥିବା ସିୟୁଇଟିୟୁଜି ପରୀକ୍ଷା ମେ ୧୫ ବଦଳରେ ମେ ୨୯ ତାରିଖରେ କରାଯିବ । କେମେଷ୍ଟ୍ରି-୩୦୬, ବାୟୋଲୋଜି-୩୦୪, ଇଂରାଜୀ-୧୦୧, ଜେନେରାଲ୍‌ ଟେଷ୍ଟ-୫୦୧ ପରୀକ୍ଷା ବୁଧବାର ହେବାର ଥିଲା । ମାତ୍ର, କୌଣସି କାରଣରୁ ଏହି ସମସ୍ତ ପରୀକ୍ଷାକୁ ଆସନ୍ତା ୨୯ ତାରିଖକୁ ପରିବର୍ତ୍ତନ କରାଯାଇଛି ।