ଭୁବନେଶ୍ୱର,୨୯/୦୩: ଏପ୍ରିଲ୍‌ ୧ରୁ ଡିପ୍ଲୋମା ନାମଲେଖା ପ୍ରକ୍ରିୟା ଆରମ୍ଭ । ଡିପ୍ଲୋମା ଇଞ୍ଜିନିୟରିଂ/ଟେକ୍ନୋଲୋଜି, ଡିପ୍ଲୋମା ଲାଟେରାଲ୍‌ ଏଣ୍ଟ୍ରି, ଡିପ୍ଲୋମା ଲାଟେରାଲ୍‌ ଏଣ୍ଟ୍ରି ଫର ୱାର୍କିଂ  ପ୍ରଫେସନାଲ୍‌, ଡିପ୍ଲୋମା ଇନ୍‌ ଅଣ ଇଞ୍ଜିନିୟରିଂ, ପିଡିଆଇଏସ୍‌  ଏବଂ ଧନ୍ଦାମୂଳକ ଶିକ୍ଷା ପାଇଁ ନାମଲେଖା ଆବେଦନ ଆରମ୍ଭ  ହେବ । ଇଛୁକ ଛାତ୍ରଛାତ୍ରୀମାନେ ସାମ୍‌ସ ୱେବ୍‌ସାଇଟ୍‌ www.samsodisha.gov.inରେ ଅନ୍‌ଲାଇନ୍‌ ଆବେଦନ କରିବେ । ଏନେଇ ବୈଷୟିକ ଶିକ୍ଷା ଓ  ତାଲିମ ନିର୍ଦ୍ଦେଶାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଡିପ୍ଲୋମା ଇଞ୍ଜିନିୟରିଂ ନାମଲେଖା ପାଇଁ ସର୍ବନିମ୍ନ ଯୋଗ୍ୟତା ଦଶମ ଶ୍ରେଣୀ ପାସ୍‌ ରହିଛି । 

ସେହିପରି ଡିପ୍ଲୋମା ଲାଟେରାଲ୍‌ ଏଣ୍ଟ୍ରି ଫର ୱାର୍କିଂ  ପ୍ରଫେସନାଲ୍‌ ପାଇଁ ନାମଲେଖା ପାଇଁ ଆବେଦନକାରୀ କାର୍ଯ୍ୟ  କରୁଥିବା ସଂସ୍ଥାରୁ ଏନ୍‌ଓସି ଏବଂ କାର୍ଯ୍ୟ ଅଭିଜ୍ଞତାପତ୍ର ଦାଖଲ  କରିବେ । ମହିଳା, ଏସ୍‌ସି ଏବଂ ଏସ୍‌ଟି ଆବେଦନକାରୀ ମାନେ  ୨୦୦ ଟଙ୍କା ଏବଂ ସାଧାରଣ ବର୍ଗର ପୁରୁଷ ଆବେଦନକାରୀମାନେ ୩୦୦ ଟଙ୍କା ଦାଖଲ କରିବେ । ତେବେ ପିଭିଟିଜି, ତୃତୀୟଲିଙ୍ଗି,  ନିରାଶ୍ରୟ ଏବଂ ଭିନ୍ନକ୍ଷମ ଶିକ୍ଷାର୍ଥୀଙ୍କ ପାଇଁ ଆବେଦନ ଫି  ରଖାଯାଇନାହିଁ । ଡିପ୍ଲୋମା ପାଇଁ ନାମ ଲେଖାଉଥିବା ଶିକ୍ଷାର୍ଥୀଙ୍କ  ପାଇଁ ବିଭିନ୍ନ ପ୍ରକାରର ଛାତ୍ରବୃତ୍ତି ରହିଛି। ଯେଉଁଥିରୈ ପ୍ରଗତି  ଛାତ୍ରବୃତ୍ତି, ସୁଦକ୍ଷା ଯୋଜନା, ଗ୍ରୀନ୍‌ ପାସେଜ୍‌ ଯୋଜନା, ସକ୍ଷମ  ଛାତ୍ରବୃତ୍ତି, ସ୍ୱନାଥ ଏଆଇସିଟିଇ ଛାତ୍ରବୃତ୍ତି, ପିଏମ୍‌ଏସ୍‌ କମ୍‌  ପ୍ରୋଭୋଟି ଛାତ୍ରବୃତ୍ତି, ବ୍ରାଞ୍ଚ ଟପ୍ପର ଛାତ୍ରବୃତ୍ତି ଆଦି ରହିଛି।