ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ନୂଆଙ୍କ ଉପରେ ଭରସି ପାରିଲେନି, ଫେରିଲେ ପୁରୁଣା ପ୍ରଶାସକ

ପୁରୀ,୨୨/୦୬: ଶ୍ରୀମନ୍ଦିର କାର୍ଯ୍ୟାଳୟକୁ ଫେରିଲେ ପୁରୁଣା ପ୍ରଶାସକ । ଜିଲ୍ଲା ପ୍ରଶାସନ ଓ  ଶ୍ରୀମନ୍ଦିର କାର୍ଯ୍ୟାଳୟରେ ମାଳମଳ ନୂଆ ପ୍ରଶାସକ ଥିବା ସତ୍ତେ୍ୱ ସେମାନଙ୍କ ଉପରେ ଅବିଶ୍ୱାସ ମାତ୍ର  ପୁରୁଣା ପ୍ରଶାସକଙ୍କ ଉପରେ ବିଶ୍ୱାସ । ରଥଯାତ୍ରା ଉପଲକ୍ଷେ ପୁରୀରେ କାର୍ଯ୍ୟ କରିବାର ଅଭିଜ୍ଞତା ଥିବା ପୂର୍ବତନ ଜିଲ୍ଲା ଓ ଶ୍ରୀମନ୍ଦିର ପ୍ରଶାସନର  ପ୍ରଶାସକମାନଙ୍କୁ ପୁନଃ ଡେପୁଟେସନରରେ  ନିଯୁକ୍ତ କରାଯାଇଛି । ନୂଆଙ୍କ ଉପରେ ଭରସା ନଥିବାରୁ କିମ୍ବା ରଥଯାତ୍ରାକୁ ଶୃଙ୍ଖଳିତ ଭାବେ  ସମାପନ କରିବାକୁ ଏହି ପୁରୁଣା ଅଧିକାରୀଙ୍କୁ  ନିୟୋଜିତ କରାଯାଇଛି । ଯାହା ଭିତରେ ଅଛନ୍ତି  ବରିଷ୍ଠ ପ୍ରଶାସକ ବିନୟ ଦାସ, ପ୍ରଦୀପ ସାହୁ,  ସୁବ୍ରତ ବେହେରା, ଜ୍ୟୋତିଶଙ୍କର ମହାପାତ୍ର,  ପ୍ରଶାନ୍ତ ଜେନା, ସରୋଜ ସ୍ୱାଇଁ ପ୍ରମୁଖ । ସେମାନେ  ଶ୍ରୀମନ୍ଦିର ପ୍ରଶାସନିକ କାର୍ଯ୍ୟାଳୟରେ ଆସନ୍ତା ମାସ  ୨୦ ତାରିଖ ପର୍ଯ୍ୟନ୍ତ ଡେପୁଟେସନରେ ରହି କାମ  କରିବେ ବୋଲି ଜଣାପଡ଼ିଛି । ସାଧାରଣ ନିର୍ବାଚନ  ପୂର୍ବରୁ ବହୁଦିନ ଧରି ଚୌକିରେ ରହିଥିବା ଏହି  ପ୍ରଶାସକଙ୍କୁ ନିର୍ବାଚନ କମିଶନଙ୍କ ନିର୍ଦ୍ଦେଶ ମୁତାବକ  ବଦଳି କରାଯାଇଥିଲା । ନିର୍ବାଚନ କାର୍ଯ୍ୟରେ ବିଘ୍ନ  ଉପୁଜିବା ଅଶଙ୍କା କରି ଏହି ବଦଳି କରିଥିବା  ଅନୁମାନ କରାଯାଇଥିଲା । ତେବେ ସେମାନଙ୍କ ଘର  ବାହୁଡ଼ା ପୁଣି ଚର୍ଚ୍ଚାର ବିଷୟ ହୋଇଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.