ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଆମେରିକା ପାଖରୁ ହାରିବା ପରେ ପାକିସ୍ତାନ ଟିମ୍‌ ବିରୋଧରେ ଆସିଲା ବଲ୍‌ ଟାମ୍ପରିଂ ଅଭିଯୋଗ

ଟେକ୍ସାସ୍‌: ଆମେରିକା ପାଖରୁ ଲଜ୍ଜାଜନକ ପରାଜୟ ଭୋଗିବା ପରେ ପାକିସ୍ତାନ ଟିମ୍‌ ନାଁରେ ଆସିଛି ଆଉ ଏକ ସଙ୍ଗୀନ ଅଭିଯୋଗ । ଆମେରିକା ବିପକ୍ଷ ମ୍ୟାଚରେ ପାକିସ୍ତାନର ଷ୍ଟାର ବୋଲର ହାରିସ୍ ରୌଫ ବଲ୍ ଟାମ୍ପରିଂ କରିଥିବା ଅଭିଯୋଗ ହୋଇଛି। ଆମେରିକା କ୍ରିକେଟ୍ ଦଳର ସଦସ୍ୟ ଥିବା ଦକ୍ଷିଣ ଆଫ୍ରିକାର ପୂର୍ବତନ ପେସର୍ ରୁଷ୍ଟି ଥେରନ୍ ସୋସିଆଲ ମିଡିଆରେ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) କୁ ଟ୍ୟାଗ୍ କରି ପାକିସ୍ତାନୀ ବୋଲର ରୌଫଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି ।

ଟି-୨୦ ବିଶ୍ବକପରେ ଆମେରିକା ବିପକ୍ଷରେ ହାରିସ୍ ରୌଫ ୪ ଓଭରରେ ମାତ୍ର ୧ ୱିକେଟ୍ ନେଇ ୩୭ ରନ୍ ବ୍ୟୟ କରିଥିଲେ। ଥେରନ୍ଙ୍କ ଅଭିଯୋଗ ଅନୁସାରେ, ରୌଫ ଆମେରିକାର ବ୍ୟାଟରଙ୍କୁ ରିଭର୍ସ ସୁଇଙ୍ଗ ଏବଂ ବାଉଁସର ବଲ ପକାଇବା ଲାଗି ତାଙ୍କର ନଖ ମାଧ୍ୟମରେ ନୂତନ ବଲକୁ ରାମ୍ପି ରାମ୍ପି ପୁରୁଣା କରିବାକୁ ଚେଷ୍ଟା କରିଥିଲେ ।ତେବେ ଏହି ଘଟଣାରେ ଆମେରିକା ପକ୍ଷରୁ ଆଇସିସି ନିକଟରେ କୌଣସି ବିଧିବଦ୍ଧ ଭାବେ ଅଭିଯୋଗ କରାଯାଇନାହିଁ । ଏପରିକି ଥେରନଙ୍କ ଅଭିଯୋଗ ଉପରେ ଆଇସିସି ପକ୍ଷରୁ କୌଣସି ପ୍ରତିକ୍ରିୟା ଦିଆଯାଇ ନାହିଁ । 

ଆଇସିସିକୁ ଟ୍ୟାଗ କରି ଥେରନ୍ ଏକ୍ସରେ ଲେଖିଛନ୍ତି ଯେ, ‘ପାକିସ୍ତାନ କଣ ନୂଆ ବଲ୍‌ ସହ କିଛି କରିନାହିଁ, ଆଇସିସି ଆମେ କଣ କେବଳ ଦେଖାଇ ହେଉଛନ୍ତି ? ଦୁଇ ଓଭର ପୂର୍ବରୁ ନିଆଯାଇଥିବା ନୂଆ ବଲରେ କଣ ରିଭର୍ସ ସୁଇଙ୍ଗ କରିବା ସମ୍ଭବ ? । ନଖରେ ବଲକୁ ହାରିସ ରୌଫ ରାମ୍ପୁଥିବା ଦେଖିପାରୁଥିବେ  ।’

ଗତକାଲିର ମ୍ୟାଚ୍‌ ଉପରେ ନଜର ପକାଇଲେ, ପାକିସ୍ତାନ ଏବଂ ଆମେରିକା ମଧ୍ୟରେ ମ୍ୟାଚ ଟାଇରେ ଶେଷ ହୋଇଥିଲା। କିନ୍ତୁ ସୁପର ଓଭରରେ ପାକିସ୍ତାନକୁ ପରାସ୍ତ କରି ଆମେରିକା ଇତିହାସ ସୃଷ୍ଟି କରିଛି। ସୁପର ଓଭରରେ ମହମ୍ମଦ ଅମିରଙ୍କ କ୍ରମାଗତ ଓ୍ବାଇଡ୍‌ ପାକିସ୍ତାନର ପରାଜୟର ମୁଖ୍ୟ କାରଣ ଥିଲା। ଆମେରିକା ଜିତିବା ପାଇଁ ସୁପର ଓଭରରେ ବୋଲିଂ କରି ସୌରଭ ନେଟ୍ରାଭାଲକର ହିରୋ ହୋଇଛନ୍ତି। ପ୍ରଥମେ ଖେଳି ପାକିସ୍ତାନ ନିର୍ଦ୍ଧାରିତ ୨୦ ଓଭରରେ ୧୫୯ ରନ ସଂଗ୍ରହ କରିଥିଲା। ପାକିସ୍ତାନ ଦଳର ଅଧିନାୟକ ବାବର ଆଜାମ ୪୪ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ ଏବଂ ଶାଦବ ଖାନ ୪୦ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। 

  • T-20 World Cup
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.