ନୂଆଦିଲ୍ଲୀ : ପ୍ୟାରିସ୍‌ ଅଲିମ୍ପିକ୍ସ। ହାରିଗଲେ କୁସ୍ତିଯୋଦ୍ଧା (ରେସଲର) ଅମନ ସେହରାୱତ। ସେ ମେନ୍ସ ୫୭ କି.ଗ୍ରା ସେମିଫାଇନାଲରେ ଜାପାନର ରେଇ ହିଗୁଚିଙ୍କ ଠାରୁ ୦-୧୦ରେ ହାରି ଯାଇଛନ୍ତି। ଜାପାନର ନଂ ୱାନ୍‌ କୁସ୍ତିଯୋଦ୍ଧା ରେଇ ହିଗୁଚି ଅମନଙ୍କୁ ହରାଇ ଫାଇନାଲରେ ସ୍ଥାନ ପାଇଛନ୍ତି।  

ଅମନ ଏହି ମ୍ୟାଚରେ ଜାପାନୀ ରେସଲରଙ୍କ ବିରୋଧରେ ବିଶେଷ କିଛି କରି ପାରି ନାହାନ୍ତି ଏବଂ ଏହି ମୁକାବିଲା ୩ ମିନିଟ୍‌ ବି ଚାଲିଲା ନାହିଁ । ରେଇ ହିଗୁଚି ଟେକ୍ନିକାଲ ସୁପିରିୟଟି ଆଧାରରେ ଜିତି ଯାଇଛନ୍ତି। ଏବେ ଅମନ ବ୍ରୋଞ୍ଜ ମେଡାଲ ପାଇଁ ଖେଳିବେ। ବ୍ରୋଞ୍ଜ ମେଡାଲ ମ୍ୟାଚ୍‌ ୯ ଅଗଷ୍ଟରେ ଖେଳା ଯିବ। ହିଗୁଚି ରିୟୋ ଅଲିମ୍ପିକ (୨୦୧୬)ରେ ସିଲଭର ମେଡାଲ ଜିତି ସାରିଛନ୍ତି। ଏବେ ତାଙ୍କ ପାଖରେ ଗୋଲ୍‌ଡ ଜିତିବାର ସୁଯୋଗ ରହିଛି। 

ପ୍ୟାରିସ୍‌ ଅଲିମ୍ପିକରେ ଭାରତ ଏବେସୁଦ୍ଧା ୪ଟି ମେଡାଲ ଜିତି ସାରିଛି। ଆଜି ଜାଭଲିନ୍‌ ଥ୍ରୋରେ ନୀରଜ ଚୋପ୍ରା ଗୋଲ୍ଡ ମେଡାଲ ପାଇଁ ଓହ୍ଲାଇବେ। ସେପଟେ ହକିରେ ଭାରତକୁ ବୋଞ୍ଜ ମେଡାଲ ମିଳିଛି। ୧୩ ତମ ଦିନ ଅର୍ଥାତ୍‌ ଆଜି ଆଥଲେଟିକ୍ସ , ଗଲ୍ଫ , କୁସ୍ତି ହେବ।