ମାଲକାନଗିରି,୨୮/୪(ଆପ୍ର): ଗତ କିଛି ଦିନ ହେଲା ସମଗ୍ର ମାଲକାନଗିରି ଜିଲ୍ଲାରେ ନିଆଁ ବର୍ଷା ହେଉଥିବା ରୁ ଲୋକେ ତତଲା କଢେଇ ରେ ସିଜିଲା ପରି ଛଟପଟ ହେଉଛନ୍ତି। ଜିଲ୍ଲାରେ ପାରଦ ୪୩ ଡିଗ୍ରି ଡେଇଁଛି| ଏହା ଦ୍ୱାରା ଜନଜୀବନ ଅତିଷ୍ଠ ହୋଇପଡ଼ିଛନ୍ତି।
ସକାଳ ୯ଟା ପରେ ତାପମାତ୍ରା ଦ୍ରୁତ ଗତିରେ ବଢି ଯାଇଥିଲା |ଦିନ ୧୧ ଟା ବେଳକୁ ରାସ୍ତାଘାଟ ଶୂନଶାନ୍ ହୋଇ ଯାଇଥିଲା | ଦୋକାନବଜାରରେ କାହାରିକୁ ଦେଖିବାକୁ ମିଳି ନଥିଲା | ଜିଲ୍ଲା ରେ ପ୍ରବଳ ଗରମ ହେଉଥିବାରୁ ବାଟୋଇ ଙ୍କ ଶୋଷ ମେଣ୍ଟାଉଛି ରାସ୍ତା କଡ଼ରେ ବିକ୍ରୀ ହେଉ ଥିବା ତରଭୁଜ ଓ ତୁମଶାପାଲି ଆଦିବାସୀ ଗାଁ ର ତାଳ ସଜ। ଏହା ବ୍ୟତୀତ ଥଣ୍ଡା ପାନୀୟ ଓ ଆଖୁରସ,ତାଳ ସଜ,ତରଭୁଜ, ମିଶ୍ରି ପାଣି ଦୋକାନଗୁଡିକରେ ଲୋକଙ୍କ ଭିଡ ଦେଖିବାକୁ ମିଳିଥିଲା | ଲୋକେ ମୁଣ୍ଡରେ ଟୋପି ଅବା ଓଦା ଲୁଗା ପକାଇ କାଁ ଭାଁ ଯିବାଆସିବା କରୁଥିଲେ |
ପୂର୍ବରୁ ଏହି ସମୟରେ ସହରରେ ଏତେ ତାତି ହେଉ ନଥିଲା| ଜିଲ୍ଲାରେ ବର୍ଷା ଆଦୌ ନଥିବାବେଳେ ଜଙ୍ଗଲ ଧ୍ୱଂସ, କଂକ୍ରିଟ ଜଙ୍ଗଲ ସୃଷ୍ଟି କୋଠା ବାଡ଼ି ନିର୍ମାଣ ଯୋଗୁଁ ଗରମ ବଢୁଥିବା କୁହାଯାଉଛି | ପ୍ରଚଣ୍ଡ ରୌଦ୍ରତାପ ଯୋଗୁ ନଦୀ ନାଳ ସବୁ ଶୁଖିଗଲାଣି।ଏମିତି କି ଜଳସ୍ତର ମଧ୍ୟ କମିଗଲାଣି, ବାଲିମେଳା ଓ ସତୀ ଗୁଡା ଜଳ ଭଣ୍ଡାର ରୁ ଜଳସ୍ଥର ମଧ୍ୟ ହ୍ରାସ ପାଇବାରୁ ସହର କୁ ଯୋଗା ଯାଉଥିବା ପନିୟ ଜଳ ଯୋଗାଣ ରେ ବାଧା ସୃଷ୍ଟି ହୋଇଛି। ତାତି ଏପରି ଲାଗିଲେ ଜିଲ୍ଲାରେ ଅଂଶୁଘାତ ହେବାର ବହୁତ ସମ୍ଭାବନା ରହିଛି।