ଭୁବନେଶ୍ୱର, ୧୨।୫: ମା' ତ୍ୟାଗ ଓ ତପସ୍ୟାର ପ୍ରତୀକ । ମାଆ ଶଦ୍ଦକୁ ବର୍ଣ୍ଣନା କରିବାକୁ ଶବ୍ଦକୋଷ ନିଅଣ୍ଟ ପଡ଼ିଯିବ । ମା’ କାନିରେ ଥାଏ ସ୍ୱର୍ଗ ସୁଖା ଆଜି ସେହି ମା’ ପାଇଁ ଦିନ ଟିଏ ଅର୍ଥାତ୍‌ ‘ମାତୃତ୍ୱ ଦିବସ’ । ପ୍ରତିବର୍ଷ ମେ ଦ୍ୱିତୀୟ ରବିବାରକୁ ମାତୃ ଦିବସ ଭାବେ ପାଳନ କରାଯାଏ । ଅନେକ ଦେଶରେ ଏହି ଦିନକୁ ମାତୃ ଦିବସ ପାଳନ କରାଯାଏ । ମା’ଙ୍କ ସମ୍ମାନାର୍ଥେ ଏହି ଦିନ ପାଳନ କରାଯାଏ । ତେବେ ଚଳିତ ବର୍ଷ ମେ ୧୨ରେ ଏହି ଦିବସ ପାଳନ କରାଯାଉଛି । 

ମାତୃତ୍ୱ ଦିବସ ପାଳନ କରିବା ଉଦ୍ଦେଶ୍ୟ ହେଲା ମା'ଙ୍କ ପ୍ରେମ, ବଳିଦାନ ଏବଂ ଉତ୍ସର୍ଗୀକୃତତାକୁ ପ୍ରଶଂସା କରିବା । ତେବେ ଏହି ବିଶେଷ ଦିନରେ ପିଲାମାନେ ମଧ୍ୟ ନିଜ ମାଆଙ୍କୁ ସ୍ୱତନ୍ତ୍ର ପ୍ରକ୍ରିୟାରେ ଶୁଭେଚ୍ଛା ଜଣାଇଥାନ୍ତି । ବିଭିନ୍ନ ଉପହାର, ଚକୋଲେଟ୍ ଏବଂ ପୁଷ୍ପଗୁଚ୍ଛ ଦେଇ ନିଜ ମା’ଙ୍କୁ ନିଜର ପ୍ରେମ ବ୍ୟକ୍ତ କରିଥାନ୍ତି ।