ଭୁବନେଶ୍ୱର,୧୭/୦୫: ଆଗକୁ ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟ ନାମଲେଖା ଆରମ୍ଭ ହେବ । ଦଶମ ପାସ୍ କରିବାକୁ ଥିବା ପିଲାମାନେ ରେଜଲ୍ଟ ପ୍ରକାଶ ପରେ ଆବେଦନ ଆରମ୍ଭ କରିବେ । ନାମଲେଖା ପ୍ରକ୍ରିୟା ପ୍ରତିବର୍ଷ ଭଳି ସାମ୍ସ ପୋର୍ଟାଲ୍ ମାଧ୍ୟମରେ ହେବ । ତେବେ ଆବେଦନ କରିବା ସମୟରେ ଶିକ୍ଷାର୍ଥୀମାନେ କିପରି ଆବେଦନ କରିବେ ସେଥିଲାଗି ସଚେତନ କରିଛି ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ। ଆବେଦନ ସମୟରେ କଣ କରିବା ଉଚିତ୍ ଓ ଅନୁଚିତ ତାକୁ ନେଇ ସଚେତନ କରିଛି । ଏନେଇ ସମସ୍ତ ହାଇସ୍କୁଲର ପ୍ରଧାନଶିକ୍ଷକଙ୍କୁ ଏକ ବୁକ୍ଲେଟ୍ ପ୍ରଦାନ କରାଯାଇଛି । ଏହି ବୁକ୍ଲେଟ୍କୁ ପ୍ରଧାନଶିକ୍ଷକମାନେ ନିଜର ନୋଟିସ୍ ବୋର୍ଡରେ ପ୍ରଦର୍ଶିତ କରିବେ । ଏନେଇ ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କୁ ଉଚ୍ଚମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଚିଠି କରାଯାଇଛି ।
ଦଶମ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବା ପରେ ଉତ୍ତୀର୍ଣ୍ଣ ପିଲାମାନେ ଯୁକ୍ତ ୨ ପାଇଁ ଆବେଦନ କରିବେ । ଏଥିପାଇଁ ସାମ୍ସ ପୋର୍ଟାଲ୍ରେ ନାମଲେଖା ପ୍ରକ୍ରିୟା କରାଯିବ । ଅନେକ ସମୟରେ ପିଲାମାନେ ଏଥିରେ ଭୁଲ କରିଥାନ୍ତି । ପୋର୍ଟାଲରେ ଆବେଦନ ବେଳେ ଭୁଲ ନକରିବା ଦାୟିତ୍ୱ ସ୍କୁଲର ପ୍ରଧାନଶିକ୍ଷକ ନେବେ । ନିର୍ଦ୍ଦେଶାଳୟ ପକ୍ଷରୁ ଦିଆଯାଇଥିବା ବୁକ୍ଲେଟ୍ରେ ସମସ୍ତ ପରାମର୍ଶ ରହିଛି । ଏହି ବୁକ୍ଲେଟ୍ ନୋଟିସ୍ ବୋର୍ଡରେ ଲଗାଯିବ । ଏଥିସହ ସାର୍ଟିଫିକେଟ୍ ନେବାକୁ ଆସିବା ଦିନ ସମସ୍ତ ପିଲାଙ୍କୁ ଏହି ବୁକ୍ଲେଟ୍କୁ ମଧ୍ୟ ବଣ୍ଟନ କରାଯିବ । ଏହି ବୁକ୍ଲେଟ୍ରେ ଦଶମ ଶ୍ରେଣୀ ପାସ୍ ପ୍ରମାଣପତ୍ର, ମାର୍କ ସିଟ୍, ସ୍କୁଲ ପ୍ରସ୍ଥାନ ପ୍ରମାଣପତ୍ର କାହାକୁ ହସ୍ତାନ୍ତର ନକରିବାକୁ ପରାମର୍ଶ ଦିଆଯାଇଛି ।