ଭୁବନେଶ୍ୱର,୦୬/୦୯:  ଆଜିଠୁ ଆରମ୍ଭ ହେବ ଯୁକ୍ତ ୨ ଦ୍ୱିତୀୟ  ପର୍ଯ୍ୟାୟ ନାମଲେଖା ପ୍ରକ୍ରିୟା । ଏନେଇ ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ସୂଚନା ମିଳିଛି । ଖାଲି ପଡ଼ିଥିବା ସିଟ୍‌ରେ ଏହି ନାମଲେଖା କରାଯିବ । ସେପ୍ଟେମ୍ବର ୧୩ ଯାଏ ଆବେଦନ ପ୍ରକ୍ରିୟା ଚାଲିବ । ସାମ୍‌ସ ୱେବ୍‌ସାଇଟ୍‌ ମାଧ୍ୟମରେ ଇଚ୍ଛୁକ  ଛାତ୍ରଛାତ୍ରୀମାନେ ଆବେଦନ କରିପାରିବେ । 

୨୦ରେ ପ୍ରଥମ ମେଧା ତାଲିକା ପ୍ରକାଶ  ପାଇବ । ୨୧ରୁ ୨୪ ତାରିଖ ମଧ୍ୟରେ ନାମଲେଖା ହେବ । ସେପ୍ଟେମ୍ବର ୨୬ରେ  ଚୟନ ହୋଇନଥିବା ଛାତ୍ରଛାତ୍ରୀମାନେ ଚଏସ୍‌ ଲକିଂ କରିପାରିବେ । ଅକ୍ଟୋବର  ୩ରେ ସ୍ପଟ୍‌ ନାମଲେଖା ପାଇଁ ମେଧାତାଲିକା ପ୍ରକାଶ ପାଇବ । ୪ରୁ ୫ ମଧ୍ୟରେ  ନାମଲେଖା ହେବ । ଆଉ ବଳକା ସିଟ୍‌ରେ ଲିଖିତ ଦରଖାସ୍ତ ପଞ୍ଜୀକରଣ ଅକ୍ଟୋବର  ୭ ତାରିଖ ସକାଳ ୯ଟାରୁ ଅପରାହ୍ନ ୩ଟା ଯାଏ ହେବ । ସେହିଦିନ ଅପରାହ୍ନ ସାଢ଼େ  ୪ଟାରେ ମେଧାତାଲିକା ପ୍ରକାଶ ପାଇବ । ୮ରୁ ୯ ତାରିଖ ମଧ୍ୟରେ ନାମଲେଖା ହେବ।