ନୂଆଦିଲ୍ଲୀ ୨୩/୦୮: ପ୍ରଧାନମନ୍ତ୍ରୀ  ନରେନ୍ଦ୍ର ମୋଦି ଦେଶର ୧୧ ଲକ୍ଷ ଲକ୍ଷପତି  ଦିଦିଙ୍କୁ ୨୫ ତାରିଖରେ ପ୍ରମାଣପତ୍ର  ଦେବେ । ଲକ୍ଷପତି ଦିଦିଙ୍କ ସହ ମୋଦି  ଆଲୋଚନା କରିବାର କାର୍ଯ୍ୟକ୍ରମ ରହିଥିବା  କେନ୍ଦ୍ର ମନ୍ତ୍ରୀ ଶିବରାଜ ସିଂ ଚୌହ୍ୱାନ  କହିଛନ୍ତି ।  

ଏହି ଅବସରରେ ମୋଦି ୨୫ ଶହ  କୋଟିର ଟଙ୍କାର ରିଭଲଭିଂ ଫଣ୍ଡ ଜାରି  କରିବେ । ଏହି ଅର୍ଥ ମହିଳା ଏସ୍‌ଏଚ୍‌ଜି  ଗୁଡିକର ବିଭିନ୍ନ ବିକାଶ ମୂଳକ  କାର୍ଯ୍ୟରେ ବ୍ୟବହାର ହୋଇ ପାରିବ ।  ଏହା ଦ୍ୱାରା ୪.୩ ଲକ୍ଷ ସ୍ୱୟଂ ସହାୟକ  ଗୋଷ୍ଠୀର ୪୮ ଲକ୍ଷ ମହିଳା ଲାଭବାନ  ହୋଇ ପାରିବେ ।  ସେହିଭଳି ୫ ହଜାର କୋଟିର ବ୍ୟାଙ୍କ  ଋଣ ମହିଳାଙ୍କ ଲାଗି ଜାରି ହେବ । ୨.୩୫  ଲକ୍ଷ ଏସ୍‌ଏଚ୍‌ଜିର ୨୫.୮ ଲକ୍ଷ ମହିଳା  ଏହା ଦ୍ୱାରା ଉପକୃତ ହେବେ । ୩୦  ହଜାର ସ୍ଥାନରେ ଭର୍ଚୁଆଲ ମୋଡରେ  ଏହି କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି  ଶ୍ରୀ ଚୌହ୍ୱାନ ସୂଚନା ଦେଇଛନ୍ତି ।  ଏଥିରେ ଓଡ଼ିଶାର ୯୭,୨୦୦ ଲକ୍ଷପତି  ଦିଦିଙ୍କୁ ପ୍ରମାଣପତ୍ର ମିଳିବ । ମହିଳାଙ୍କ  ସଶକ୍ତିକରଣ ଦିଗରେ କେନ୍ଦ୍ର ସରକାର  ଏଭଳି ଯୋଜନା ଆଣିବା ସହ ପ୍ରକ୍ରିୟାକୁ  ତ୍ୱରାନ୍ୱିତ କରୁଛନ୍ତି ।