ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ରାଜଧାନୀରେ ପୁଲିସ ଯାଞ୍ଚ୍‌ ବେଳେ ହିଟ୍‌ ଆଣ୍ଡ୍‌ ରନ୍‌: ନିଶାସକ୍ତ ଡ୍ରାଇଭର୍‌ ଗିରଫ, ସ୍କର୍ପିଓ ଜବତ

ଚନ୍ଦ୍ରଶେଖରପୁର,୩୦/୦୫: ନିଶାସକ୍ତ ଅବସ୍ଥାରେ ଗାଡି ଚଳାଉଥିଲା । ଚେକିଂ କରିବାକୁ ପୁଲିସ ଗାଡ଼ି ଅଟକାଇବାରୁ ଗାଡି ଚଢ଼ାଇ ମାରିଦେବାକୁ ଉଦ୍ୟମ କଲା । ପୁଲିସ କର୍ମଚାରୀ ବର୍ତ୍ତିଯାଇଥିବା ବେଳେ ବାରିକେଡ୍‌କୁ ଭାଙ୍ଗି ଫେରାର ହୋଇଗଲା । ହେଲେ ପୁଲିସ ରାତାରାତି ଚଢଉ କରି ନିଶାସକ୍ତ ଡ୍ରାଇଭରକୁ ଗିରଫ କରିଛି । ଏମିତି ଘଟଣା ଗତକାଲି ବିଳମ୍ବିତ ରାତିରେ ଚନ୍ଦ୍ରଶେଖରପୁର ଓମଫେଡ୍‌ ଛକରେ ଘଟିଛି । ଗିରଫ ଚାଳକ ହେଲା ସୋମନାଥ ପାତ୍ର (୨୨) । ତାର ଘର ଅନୁଗୁଳ ଜିଲ୍ଲା କୋଲେରୀ ଥାନା କଳାମାଞ୍ଚୋ ଗାଁରେ ।  

ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଟ୍ରାଫିକ ଥାନାର ଅଧିକାରୀଙ୍କ ଟିମ୍‌ ଓମଫେଡ଼ ଛକରେ ଗାଡ଼ି ଚେକିଂ କରୁଥିଲେ । ରାତି ପ୍ରାୟ ୧ଟା ୨୦ରେ ସୋମନାଥ ଡମଣା ପଟୁ ଏକ  ସ୍କର୍ପିଓ (ଓଡି୦୨ସିଏଚ୍‌୮୩୫୧)କୁ ବେପାରୁଆ ଭାବେ ଚଳାଇ ନାଲ୍‌କୋ ଛକ ପାର୍ଶ୍ୱକୁ ଆସୁଥିଲେ । ଚେକିଂ କରୁଥିବା ଟିମ୍‌ ତାଙ୍କୁ  ଅଟକାଇବା ପାଇଁ ସଙ୍କେତ ଦେଇଥିଲେ । ହେଲେ ସେ ଚେକିଂ  ଟିମକୁ ଦେଖିବା ମାତ୍ରେ ଗାଡିର ବେଗକୁ ବଢାଇ ଦେଇ ଚେକିଂ  ଟିମ ଉପରେ ଗାଡ଼ି ଚଢାଇ ଦେବା ପାଇଁ ଚେଷ୍ଟା କରିଥିଲେ । ଏହା  ଦେଖି ଚେକିଂ କରୁଥିବା ଟିମ୍‌ କୌଶଳ କ୍ରମେ ଫୁଟ୍‌ପାଥ୍‌ ଉପରକୁ  ଚଢି ଜୀବନ ବଞ୍ଚାଇଥିଲେ । ସୋମନାଥ ରାସ୍ତାରେ ରଖାଯାଇଥିବା  ବାରିକେଡକୁ ଭାଙ୍ଗି ପ୍ରାୟ ୧୦୦ ମିଟର ଘୋଷାଡି ନେଇଥିଲେ ।  ପୁଲିସ ଅଭିଯୁକ୍ତକୁ କାବୁ କରିବା ପାଇଁ ଭୁବନେଶ୍ୱରର ବିଭିନ୍ନ  ସ୍ଥାନରେ ଚଢଉ କରିଥିଲା । ଏଥିସହ ବିଭିନ୍ନ ଥାନାକୁ ଫୋନ୍‌  କରି ଗାଡି ବିଷୟରେ ସୂଚନା ଦିଆ ଯାଇଥିଲା । ଶେଷରେ ପୁଲିସ, ସୋମନାଥଙ୍କୁ ବଡଗଡ ଥାନା ଅନ୍ତର୍ଗତ ସାମନ୍ତରାପୁର ଛକ ମହାବୀର କନଷ୍ଟ୍ରକସନ୍‌ ନିକଟରୁ ନିଶାସକ୍ତ ଅବସ୍ଥାରେ କାବୁ କରିଥିଲା । ପୁଲିସ ତାକୁ ରାତାରାତି ଉଠାଇ ଆଣିଥିଲା । ତା  ବିରୋଧରେ ସଙ୍ଗିନ ଦଫା ଲଗାଇ ତାକୁ ଗିରଫ କରିବା ପରେ କୋର୍ଟଚାଲଣ କରିଛି ପୁଲିସ । ସ୍ପର୍ପିଓକୁ ଜବତ କରିଛି ପୁଲିସ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.