ନୂଆଦିଲ୍ଲୀ,୬।୫: ଜାମ୍ମୁ କାଶ୍ମୀରର ପୁଞ୍ଚ ଜିଲ୍ଲାରେ ଗତ ସପ୍ତାହରେ ଭାରତୀୟ ବାୟୁସେନା କାରକେଡ୍‌ ଉପରେ ହୋଇଥିଲା ଆତଙ୍କବାଦୀ ଆକ୍ରମଣ।  ଏହି ଘଟଣାରେ ସମ୍ପୃକ୍ତ ଦୁଇ ପାକିସ୍ତାନୀ ଆତଙ୍କବାଦୀଙ୍କ ସ୍କେଚ୍ ଜାରି ସୁରକ୍ଷା ବାହିନୀ। ଏହା ସହ ତାଙ୍କ ବିଷୟରେ ଯିଏ ସୂଚନା ଦେବ ତାଙ୍କୁ ୨୦ ଲକ୍ଷ ଟଙ୍କା ପୁରସ୍କାର ଘୋଷଣା କରାଯାଇଛି।  ଉଭୟ ପାକିସ୍ତାନୀ   ଏବଂ ଆତଙ୍କବାଦୀଙ୍କୁ ଧରିବା ପାଇଁ ସୁରକ୍ଷା ବାହିନୀ ଦଳ ମଧ୍ୟ ସର୍ଚ୍ଚ ଅପରେସନ କରୁଛନ୍ତି।

ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁଯାୟୀ, ଆତଙ୍କବାଦୀ ଆକ୍ରମଣ ପରେ ସଶସ୍ତ୍ର ବାହିନୀର କର୍ମଚାରୀମାନେ ସର୍ଚ୍ଚ ଅପରେସନ କରୁଛନ୍ତି। ଆତଙ୍କବାଦୀଙ୍କୁ ଟ୍ରାକ୍ କରିବା ପାଇଁ ସେମାନେ ସଶସ୍ତ୍ର ବୁଲେଟ୍ ପ୍ରୁଫ୍ ଗାଡି ଏବଂ ଡଗ୍ ସ୍କ୍ବାର୍ଡ ନିୟୋଜିତ କରିଛନ୍ତି। ଏହା ପୂର୍ବରୁ ରବିବାର ଦିନ ବହୁ ବରିଷ୍ଠ ଅଧିକାରୀ ମଧ୍ୟ ଘଟଣାସ୍ଥଳ ପରିଦର୍ଶନ କରିଥିଲେ।

ଶନିବାର (୪ ମଇ) ସନ୍ଧ୍ୟାରେ ଆତଙ୍କବାଦୀମାନେ ପୁଞ୍ଚ ଜିଲ୍ଲାର ଶାହସିଟର ନିକଟରେ ଏକ ଭାରତୀୟ ବାୟୁସେନା  କାରକେଡ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ଜଣେ ସେନା ସୈନିକ ବିକି ପାହାଡେ ଚିକିତ୍ସା ସମୟରେ ସହିଦ ହୋଇଥିଲେ ଏବଂ ଅନ୍ୟ ଚାରିଜଣ ସେନା କର୍ମଚାରୀ ଆହତ ହୋଇଥିଲେ।