ପ୍ରମୂଖ ଖବର
  • ବଜେଟ୍ ୨୦୨୪: ସଂସଦରେ ଜାମ୍ମୁ-କାଶ୍ମୀର ବଜେଟ୍ ଉପସ୍ଥାପିତ
  • ||
  • ବଜେଟ ୨୦୨୪: ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଡ଼ ଘୋଷଣା, ପର୍ଯ୍ୟଟନର ବିକାଶ ପାଇଁ ମିଳିବ ଆର୍ଥିକ ସହାୟତା
  • ||
  • ବଜେଟ୍ ୨୦୨୪: ସରକାରୀ ସହାୟତାରେ ଛାତ ଉପରେ ଲାଗିବ ସୋଲାର ପ୍ୟାନେଲ, ପ୍ରତି ଘରୁ ମାସିକ ୩ଶହ ୟୁନିଟ ବିଜୁଳି ଉତ୍ପାଦନ ଲକ୍ଷ୍ୟ
  • ||
  • ବଜେଟ ୨୦୨୪:୧ କୋଟି ଘରକୁ ମାଗଣା ବିଜୁଳି ଯୋଗାଣ ହେବ,ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ମିଳିବ ସୁବିଧା
  • ||
  • ବଜେଟ୍୨୦୨୪: ବନ୍ୟା ମୁକାବିଲା ପାଇଁ ବିହାରକୁ ୧୧, ୫୦୦ କୋଟିର ସହାୟତା,ଆସାମ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ସିକିମ୍‌କୁ ମିଳିବ ସହାୟତା
  • ||
  • ବଜେଟ ୨୦୨୪: ବନ୍ୟା ନିୟନ୍ତ୍ରଣ ପାଇଁ ସହାୟତା ଘୋଷଣା,ବନ୍ୟା କ୍ଷତିଗ୍ରସ୍ତ ୫ଟି ରାଜ୍ୟକୁ ସ୍ୱତନ୍ତ୍ର ସହାୟତାର ଘୋଷଣା
  • ||
  • ବଜେଟ ୨୦୨୪: ଜମିବାଡ଼ି ସୁବ୍ୟବସ୍ଥିତ କରିବାକୁ ଆରମ୍ଭ ହେବ ଭୂ-ଆଧାର, ଭୂ-ଆଧାର ଜରିଆରେ ଜମିବାଡ଼ି ଡିଜିଟାଇଜେସନ ହେବ
  • ||
  • ବଜେଟ୍ ୨୦୨୪: ମୁଦ୍ରା ଲୋନ୍‌ ୨୦ ଲକ୍ଷକୁ ବୃଦ୍ଧି ଘୋଷଣା କଲେ ଅର୍ଥମନ୍ତ୍ରୀ,ଧାର୍ଯ୍ୟ ସମୟରେ ପୈଠ କରିଥିବା ବ୍ୟକ୍ତି ଲୋନ୍‌ ପାଇପାରିବେ
  • ||
  • ବିଜେଟ୍ ୨୦୨୪-୨୫: ଗୟାରେ ହେବ ଇଣ୍ଡଷ୍ଟିଆଲ୍ କରିଡ଼ିର, ୧ ହଜାର ଆଇଟିଆଇକୁ ଅପଗ୍ରେଡ୍ କରାଯିବ
  • ||
  • ବିହାର, ଆନ୍ଧ୍ରପ୍ରଦେଶ ପାଇଁ ବଡ଼ ଘୋଷଣା କଲେ ଅର୍ଥମନ୍ତ୍ରୀ, ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ହେବ, ବିହାରରେ ଏୟାରପୋର୍ଟ, ମେଡିକାଲ କଲେଜ ବିକାଶ
  • ||
  • ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ବିଧାନସଭା ଅଧିବେଶନର ଦ୍ବିତୀୟ ଦିନ, ୪ଟା ଯାଏଁ ଗୃହ ମୁଲତବି
  • ||

ବିଶ୍ୱ ବିଜେତା ଟିମ୍‌କୁ ଅଭିନନ୍ଦନର ସୁଅ: ରାଷ୍ଟ୍ରପତି, ପ୍ରଧାନମନ୍ତ୍ରୀ, ସ୍ୱରାଷ୍ଟ୍ର ମନ୍ତ୍ରୀ, ଧର୍ମେନ୍ଦ୍ର ପ୍ରଧାନ ଜଣାଇଲେ ଶୁଭେଚ୍ଛା

ନୂଆଦିଲ୍ଲୀ,୩୦/୦୬: ଭାରତ ଟି-ଟ୍ୱେଣ୍ଟି ବିଶ୍ୱକପ୍‌ ଚାମ୍ପିଅନ ହେବା ପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସୌରାଷ୍ଟ୍ର ମନ୍ତ୍ରୀ ଅମିତ ଶାହ ଓ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭାରତୀୟ ଦଳକୁ ଅଭିନନ୍ଦନ ଜଣାଇଛନ୍ତି ।

ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି, ଟି-ଟ୍ୱେଣ୍ଟି ବିଶ୍ୱକପ୍‌ ଚାମ୍ପିଅନ୍‌ ଟିମ୍‌ ଇଣ୍ଡିଆକୁ ମୋର ଅଭିନନ୍ଦନ ।  କେବେବି ହାର୍‌ ନମାନିବାର ଜିଦ ସହ ଆମ ଦଳ ବହୁ  କଠିନ ପରିସ୍ଥିତିରୁ ମୁକୁଳି ଥିଲା ଏବଂ ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ  ଉଲ୍ଲେଖନୀୟ ପ୍ରଦର୍ଶନ କରିଥିଲା । ଫାଇନାଲ୍‌ ମ୍ୟାଚ୍‌ରେ ଏହା ଏକ ଅସାଧାରଣ ବିଜୟ ଥିଲା । ସାବାସ୍‌ ଟିମ୍‌ ଇଣ୍ଡିଆ । ତୁମକୁ  ନେଇ ଆମେ ଗର୍ବିତ।।

ପ୍ରଧାନମନ୍ତ୍ରୀ କହିଛନ୍ତି, ‘ଟିମ୍‌ ଇଣ୍ଡିଆକୁ ଏହି ଭବ୍ୟ ବିଜୟ  ପାଇଁ ଦେଶବାସୀଙ୍କ ତରଫରୁ ବହୁତ ବହୁତ ଅଭିନନ୍ଦନ।  ଆଜି ୧୪୦ କୋଟି ଦେଶବାସୀ ତୁମମାନଙ୍କର ଚମତ୍କାର ପ୍ରଦର୍ଶନ ପାଇଁ ଗର୍ବ ଅନୁଭବ କରୁଛନ୍ତି । ଖେଳ ପଡ଼ିଆରେ ତୁମେମାନେ ବିଶ୍ୱକପ୍‌ ଜିତିଛ, କିନ୍ତୁ ଭାରତର ସବୁ ଗାଁ, ଗଳି  ଓ ସହରରେ କୋଟି କୋଟି ଦେଶବାସୀଙ୍କ ହୃଦୟ ଜିତି ପାରିଛ । 

ଏହି ଟୁର୍ଣ୍ଣାମେଣ୍ଟ ବିଶେଷ କାରଣ ପାଇଁ ମନେ ରହିବ । ଏତେ  ଗୁଡ଼ିଏ ଦେଶ, ଏତେ ଗୁଡ଼ିଏ ଦଳ, ଗୋଟିଏ ମ୍ୟାଚ୍‌ ବି ଆମ ଦଳ  ହାରି ନାହିଁ। ଏହା କିଛି ଛୋଟ କଥା ନୁହେଁ । ତୁମେମାନେ କ୍ରିକେଟ୍‌  ଜଗତର ପ୍ରତ୍ୟେକ ଶକ୍ତିଶାଳୀ ଦଳର ପ୍ରତିଟି ବଲକୁ ଖେଳିଛ ଏବଂ  ଚମତ୍କାର ବିଜୟ ହାସଲ କଲ । ଗୋଟିଏ ପରେ ଗୋଟିଏ ମ୍ୟାଚ୍‌  ଜିତି ଟୁର୍ଣ୍ଣାମେଣ୍ଟର ରୋମାଞ୍ଚ ବଢ଼ାଇ ଦେଇଥିଲ । ଏହି ବିଜୟ  ପାଇଁ ଦଳକୁ ବହୁତ ବହୁତ ଅଭିନନ୍ଦନ ଓ ଶୁଭେଚ୍ଛା ଜଣାଉଛି ।

ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ କହିଛନ୍ତି,  ବିଶ୍ୱ ଚାମ୍ପିଅନ୍‌ ଦଳକୁ ଶୁଭେଚ୍ଛା । ଆମ ଦେଶ ପାଇଁ ଏକ  ଗୌରବମୟ ମୁହୂର୍ତ୍ତ । ଟି-ଟ୍ୱେଣ୍ଟି ବିଶ୍ୱକପ୍‌ରେ ଆମ ଖେଳାଳିମାନେ  ଏକତାର ଭାବନା ଏବଂ ଖେଳୁଆଡ଼ ମନୋଭାବ ସହ ଅତି  ଚମତ୍କାର ପ୍ରଦର୍ଶନ କରିଥିଲେ । ସେମାନଙ୍କର ଏହି ଐତିହାସିକ  ଉପଲବ୍ôଧକୁ ନେଇ ସମଗ୍ର ଦେଶ ଗର୍ବିତ । ବହୁତ ଭଲ ଖେଳିଲ । 

ଜୟ ହିନ୍ଦ । ଟି-ଟ୍ୱେଣ୍ଟି ବିଶ୍ୱକପ୍‌ ଚାମ୍ପିଅନ୍‌ ଟିମ୍‌ ଇଣ୍ଡିଆକୁ  ଶୁଭେଚ୍ଛା । ତୁମମାନଙ୍କୁ ନେଇ ଆମେ ସମସ୍ତେ ଗର୍ବିତ ବୋଲି ଶୁଭେଚ୍ଛା ଜଣାଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ  ଧର୍ମେନ୍ଦ୍ର ପ୍ରଧାନ।

ପୂର୍ବତନ କ୍ରିକେଟ ବୀରେନ୍ଦ୍ର ସେହ୍ୱାଗ ଶୁଭେଚ୍ଛା ଜଣାଇବା ସହ କହିଛନ୍ତି,  ପ୍ରତୀକ୍ଷାର ଅନ୍ତ ଘଟିଲା । ପ୍ରତ୍ୟାବର୍ତ୍ତନ କରି ବିଶ୍ୱକପ୍‌ ଟ୍ରଫି ଜିତିବା  ଅବିଶ୍ୱସନୀୟ ଥିଲା । ୧୩ବର୍ଷ ପରେ ଆମେ ବିଶ୍ୱକପ୍‌ ଏବଂ ଦୀର୍ଘ  ବର୍ଷ ପରେ ଟି-ଟ୍ୱେଣ୍ଟି ବିଶ୍ୱକପ୍‌ ଚାମ୍ପିଅନ୍‌ ହେଲୁ । ଆଇପିଏଲ୍‌ ଆରମ୍ଭ  ହେବା ପରେ ଏହା ଆମର ପ୍ରଥମ ଟି-ଟ୍ୱେଣ୍ଟି ବିଶ୍ୱକପ୍‌ ଟ୍ରଫି ରହିଥିଲା । 

ଟି-ଟ୍ୱେଣ୍ଟି ବିଶ୍ୱକପ୍‌ ଚାମ୍ପିଅନ୍‌ ଭାରତୀୟ ଦଳକୁ ଅଭିନନ୍ଦନ ।  ଟୁର୍ଣ୍ଣାମେଣ୍ଟରେ ସର୍ବଶ୍ରେଷ୍ଠ ଦଳ ରହିବା ସହ ଏବଂ ଅପରାଜେୟ  ସାବ୍ୟସ୍ତ ହେଲା । ଶେଷ ୫ ଓଭରରେ ଆମ ଦଳ ଚାପ ସମ୍ଭାଳି  ଧୈର୍ଯ୍ୟର ସହ ଲଢ଼େଇ କରି ଜିତିଲା । ରୋହିତଙ୍କ ନେତୃତ୍ୱ  ପ୍ରଶଂସନୀୟ ରହିଥିଲା । ବିଶ୍ୱକପ୍‌ ଟ୍ରଫି ସଫଳତା ପଛରେ ସମସ୍ତ  ଖେଳାଳିଙ୍କ ଅବଦାନ ରହିଥିଲା । - ଭିଭିଏସ୍‌ ଲକ୍ଷ୍ମଣ (ପୂର୍ବତନ କ୍ରିକେଟର) 

ପୂର୍ବତନ କ୍ରିକେଟର ଯୁବରାଜ ସିଂହ ଶୁଭେଚ୍ଛା ଜଣାଇବା ସହ କହିଛନ୍ତି,  ତୁମେମାନେ କରି ଦେଖାଇଲ । ହାର୍ଦ୍ଦିକ ପାଣ୍ଡ୍ୟା ତୁମେ ଜଣେ ହିରୋ। ମ୍ୟାଚ୍‌କୁ ଫେରିବାରେ ବୁମରାଙ୍କ ଓଭର ସହାୟକ  ହୋଇଥିଲା । ବୁମରା ତୁମ ପ୍ରଦର୍ଶନକୁ ନେଇ ମୁଁ ବହୁତ ଖୁସି ।  ଚାପରେ ସମୟରେ ରୋହିତଙ୍କ ନେତୃତ୍ୱ ଓ ରଣନୀତି ପ୍ରଶଂସନୀୟ  ରହିଥିଲା । ବିରାଟ କୋହଲି, ଅକ୍ଷର ପଟେଲ ଏବଂ ସାଥୀ ଖେଳାଳି  ଭଲ ଖେଳିବେ । ମୁଖ୍ୟ କୋଚ୍‌ ରାହୁଲ ଦ୍ରାବିଡ଼ଙ୍କ ପାଇଁ ବହୁତ ଖୁସି । - 

ପୂର୍ବତନ କ୍ରିକେଟର ସୌରଭ ଗାଙ୍ଗୁଲି ଶୁଭେଚ୍ଛା ଜଣାଇବା ସହ କହିଛନ୍ତି,  ରୋହିତ ଶର୍ମା ଏବଂ ତାଙ୍କ ଦଳୁ ହାର୍ଦ୍ଦିକ ଅଭିନନ୍ଦନ । ଚିତ୍ତାକର୍ଷକ  ବିଜୟ । ୧୧ବର୍ଷ ପରେ ହୁଏତ ଆମେ ବିଶ୍ୱକପ୍‌ ଜିତିଛୁ କିନ୍ତୁ  ଆମ ନିକଟରେ ଯେଉଁ ପ୍ରତିଭା ଅଛନ୍ତି, ଆଗକୁ ଏକାଧିକ ଟ୍ରଫି  ଜିତିପାରିବେ। ବୁମରା ବୋଲିଂ ଯାଦୁଗର । ବିରାଟ, ଅକ୍ଷର, ହାର୍ଦ୍ଦିକ ଓ  ଅନ୍ୟମାନେ ଭଲ ଖେଳିଲେ । ରାହୁଲ ଦ୍ରାବିଡ଼ ଏବଂ ସହାକାରୀ ଷ୍ଟାଫ୍‌ଙ୍କ  ଅବଦାନ ପ୍ରଶଂସନୀୟ । ସମଗ୍ର ଦେଶବାସୀଙ୍କ ପାଇଁ ଗର୍ବର ମୁହୂର୍ତ୍ତ । 


  • PrameyaOdia
  • prameya
  • T-20 World Cup
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.