ନୂଆଦିଲ୍ଲୀ, ୩୧/୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ୩ଟି ବନ୍ଦେ ଭାରତ  ଏକ୍ସପ୍ରେସ୍‌ ଟ୍ରେନ୍‌ର ଶୁଭାରମ୍ଭ କରିବେ । ସେଥିମଧ୍ୟରେ  ମିରଟ-ଲକ୍ଷ୍ନୌ, ମଦୁରାଇ-ବେଙ୍ଗାଲୁରୁ ଏବଂ ଚେନ୍ନାଇ-ଇଗ୍‌ମୋର ନାଗରକୋଏଲ  ବନ୍ଦେ ଭାରତ ଏକ୍ସପ୍ରେସ  ରହିଛି । ଦକ୍ଷିଣ ରେଲ୍‌ୱେ ଜୋନ୍‌ରେ ଡ. ଏମ୍‌ଜିଆର୍‌  ଚେନ୍ନାଇ ସେଣ୍ଟ୍ରାଲ ରେଲ୍‌ୱେ  ଷ୍ଟେସନ ଏବଂ ମଦୁରାଇ  ଜଙ୍କ୍‌ସନରେ ଏ ନେଇ  କାର୍ଯ୍ୟକ୍ରମ ଆୟୋଜନ ହେବ । ସଦର୍ଣ୍ଣ ରେଲୱେର ଦୁଇ ନୂଆ  ବନ୍ଦେ ଭାରତ ଏକ୍ସପ୍ରେସ୍‌ ସେପ୍ଟେମ୍ବର ୨ରୁ ଚଳାଚଳ  ଆରମ୍ଭ କରିବ । ପ୍ରଧାନମନ୍ତ୍ରୀ  ପୂର୍ବାହ୍ନ ୧୧ଟାରେ ଭିଡିଓ କନ୍‌ଫରେନ୍ସିଂ ଜରିଆରେ  ଟ୍ରେନ୍‌କୁ ସବୁଜ ପତାକା  ଦେଖାଇବାର କାର୍ଯ୍ୟକ୍ରମ  ରହିଛି । ସଦର୍ଣ୍ଣ ଜୋନ୍‌ରେ ପୂର୍ବରୁ ୬ଟି ବନ୍ଦେ ଭାରତ ଏକ୍ସପ୍ରେସ୍‌ ଟ୍ରେନ୍‌ ଚାଲୁଛି ।