ପୁରୀ,୦୧/୦୫: ନରେନ୍ଦ୍ର ପୁଷ୍କରିଣୀରେ ମହାପ୍ରଭୁଙ୍କ ଭଉଁରି ଚାପ ଖେଳ ଚାଲିଥିବା ବେଳେ ଘଟିଥିବା ବାଣ ବିସ୍ଫୋରଣ ମୃତ୍ୟୁ ସଂଖ୍ୟା ୮କୁ ବୃଦ୍ଧି। ମୃତକ ହେଲେ ପୁରୀ ବ୍ରହ୍ମଗିରି ଆରାଖଜୁଦା ଅଞ୍ଚଳର ସଙ୍କର ବେହେରା(୩୮)। ଅନ୍ୟଜଣେ ହେଲେ ବାରବାଟି ଖଣ୍ଡିଆବନ୍ଧା ଅଞ୍ଚଳର ହେମନ୍ତ ସାହୁଙ୍କ ୬ ବର୍ଷିୟ ଝିଅ ପ୍ରତକ୍ଷା ସାହୁ ବୋଲି ଜଣାପଡିଛି।ଏବେବି ବିଭିନ୍ନ ମେଡିକାଲରେ ୨୨ ଜଣ ଚିକିତ୍ସାଧୀନ ଅଛନ୍ତି।

ସୂଚନା ମୁତାବିକ, ବାଣ ବିସ୍ଫୋରଣରେ ପ୍ରାଣ ହରାଇଥିବ ୬ ଜଣ ମୃତକଙ୍କ ମଧ୍ୟରୁ ୨ ଜଣ ଶିଶୁଙ୍କ ଶବକୁ ପୋତା ଯାଇଛି । ଆଉ ୪ ଜଣଙ୍କ ଶବକୁ ସ୍ୱର୍ଗଦ୍ୱାରରେ ଦାହ କରାଯାଇଛି । ଖଣ୍ଡିଆବନ୍ଧ ଗାଁ ଶ୍ମଶାନରେ ସେହି ଗ୍ରାମର ଶିଶୁପୁତ୍ର ପ୍ରିୟାଂଶୁ ସ୍ୱାଇଁ (୨)ଙ୍କ ଶବକୁ ଗୁରୁବାର ପୋତା ଯାଇଥିଲା । ସେହିଦିନ ଦେବୀଘାଟର କେ.ରାଜୁ ରାଓ (୪୦) ଓ ସର୍ବୋଦୟ ନଗର ମାଟିଆପଡ଼ାର ଋଷିକେଶ କର୍ମକାର (୧୫)ଙ୍କ ଶବକୁ ସ୍ୱର୍ଗଦ୍ୱାରରେ ସଂସ୍କାର କରାଯାଇଥିଲା । ଶୁକ୍ରବାର ଖଣ୍ଡିଆବନ୍ଧର ଶିଶୁକନ୍ୟା ସମ୍ରିଦ୍ଧି ସାହୁ (୩)ଙ୍କ ଶବ ଶ୍ମଶାନରେ ପୋତାଯିବା ପରେ ହେମନ୍ତ ସାହୁ (୩୩) ଓ ସୌମ୍ୟରଞ୍ଜନ ସାହୁ (୧୨)ଙ୍କ ଶବ ଦାହ କରାଯାଇଛି । ଗାଁ ଶ୍ମଶାନରୁ ସ୍ୱର୍ଗଦ୍ୱାର ଯାଏଁ ଶୋକାକୁଳ ପରିବେଶ ସୃଷ୍ଟି ହୋଇଥିଲା