ସ୍ୱପ୍ନ ଦେଖିବା ଏବଂ ବ୍ୟବସାୟ ଆରମ୍ଭ କରିବା ପାଇଁ  ବୟସ କେବଳ ଏକ ସଂଖ୍ୟା। ଆଉ ଏହା ଡିମାର୍ଟର ପ୍ରତିଷ୍ଠାତା ରାଧାକୀଶାନ୍ ଦମାନୀଙ୍କ ଦ୍ୱାରା ପ୍ରମାଣିତ ହୋଇଛି । ଯିଏ ୪୫ ବର୍ଷ ବୟସରେ ନିଜର ବ୍ୟବସାୟ ଆରମ୍ଭ କରିଥିଲେ  । ଦାମାନୀଙ୍କର ଏହି ଯାତ୍ରା ଯେତିକି ପ୍ରେରଣାଦାୟକ ସେତିକି ଶିକ୍ଷଣୀୟ। ଦମାନୀ ହେଉଛନ୍ତି ଭାରତର ଜଣେ ଆରବପତି ନିବେଶକ। ତାଙ୍କର ସମ୍ପୂର୍ଣ୍ଣ ନାମ ହେଉଛି ରାଧାକୀଶନ୍ ଶିବକିଶନ ଦମାନୀ । ଯିଏ ଆର.କେ ଦମାନୀ ଭାବରେ ଜଣାଶୁଣା । ସେ  ହାଇପର ମାର୍କେଟ ଚେନ୍ ଡିମାର୍ଟର ପ୍ରତିଷ୍ଠାତା । ତାଙ୍କୁ ଭାରତର ଅନ୍ୟତମ ସଫଳ ଉଦ୍ୟୋଗୀ ଭାବରେ ଗଣାଯାଏ। ସେ ବ୍ରାଇଟ୍ ଷ୍ଟାର୍ ଇନଭେଷ୍ଟମେଣ୍ଟ୍ ଲିମିଟେଡର ମଧ୍ୟ ମାଲିକ ଅଟନ୍ତି । ବ୍ଲୁମବର୍ଗ ବିଲିୟନାରି ଇଣ୍ଡେକ୍ସ ୨୦୨୧ ମସିହାରେ ଡିମାର୍ଟ ମାଲିକଙ୍କୁ ବିଶ୍ବର ୯୮ତମ ଧନୀ ବ୍ୟକ୍ତି ଭାବରେ ସ୍ଥାନ ଦେଇଛି। ତେବେ ଆସନ୍ତୁ ଜାଣିବା ଡିମାର୍ଟର ପ୍ରତିଷ୍ଠାତା ରାଧାକୀଶାନ୍ ଦମାନୀଙ୍କ ସଫଳ କାହାଣୀ ବିଷୟରେ। 

ଦମାନୀ କୌଣସି ଧନୀ ପରିବାରର ନ ଥଲେ। ସେ ୧୯୫୪ ମସିହା ମାର୍ଚ୍ଚ ୧୫ ତାରିଖରେ ମାରଓ୍ବାଡି ଷ୍ଟକବ୍ରୋକର ପରିବାର ଜନ୍ମଗ୍ରହଣ କରିଥିଲେ। ତାଙ୍କ ପରିବାର ମୁମ୍ବାଇର ଗୋଟିଏ ରୁମ ଥିବା ଘରେ ରହୁଥିଲେ । ତେବେ ରାଧାକିଶନ ମୁମ୍ବାଇରେ ବାଣିଜ୍ୟ ପାଠ ପଢୁଥିଲେ ହେଲେ ଡିଗ୍ରୀ ପୁରା କରିପାରିନଥିଲେ । ଏହାପରେ ସେ ଏକ ବ୍ୟବସାୟ କରୁଥିଲେ ଯାହା ଅଳ୍ପଦିନ ପରେ ବନ୍ଦ ହୋଇଯାଇଥିଲା ।  କିନ୍ତୁ ତାଙ୍କ ପିତାଙ୍କ ହଠାତ ମୃତ୍ୟୁ ପରେ ସେ ଷ୍ଟକବ୍ରୋକିଂ ବ୍ୟବସାୟରେ ସାମିଲ ହୋଇଥିଲେ। କିନ୍ତୁ ତାଙ୍କର ଏହି ସେୟାର ବଜାରରେ କୌଣସି ଇଚ୍ଛା ନ ଥିଲା । ୩୨ ବର୍ଷ ବୟରେ ଦମାନୀ ସେୟାର ବଜାରରେ ଟ୍ରେଡିଂ ଆରମ୍ଭ କଲେ । ଯାହାପରେ ସେ ସଫଳତା ପଛରେ ଆଗେଇ ଚାଲିଲେ । ଅନେକ ଅସୁବିଧା ସମ୍ମୁଖୀନ ପରେ ଦମାନୀ ନିବେଶକ ଓ ବ୍ରୋକର ବନିଥିଲେ । ଯଦିଓ ସେ ଷ୍ଟକବ୍ରୋକର୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ , କିନ୍ତୁ ଶୀଘ୍ର ଅନୁଭବ କଲେ ଯେ ଯଦି ସେ ବଜାରରୁ ଟଙ୍କା ରୋଜଗାର କରିବାକୁ ଚାହାଁନ୍ତି, ତେବେ ତାଙ୍କୁ ତାଙ୍କ ଟଙ୍କାକୁ ଷ୍ଟକ୍ ମାର୍କେଟରେ ବିନିଯୋଗ କରି ବାଣିଜ୍ୟ କରିବାକୁ ପଡିବ । 1980 ରେ ସେ ଷ୍ଟକରେ ବିନିଯୋଗ କରିବା ଆରମ୍ଭ କଲେ ଏବଂ ମିଷ୍ଟର  ହ୍ବାଇଟ ଆଣ୍ଡ ହ୍ବାଇଟ୍ ଭାବରେ ପରିଚିତ ହେଲେ। 

ଏହାପରେ ସେ ୧୯୯୯ ରେ ନିଜ ବଜାର ନାମରେ ଏକ ଫ୍ରାଞ୍ଚାଇଜ୍ ଆରମ୍ଭ କରିଥିଲେ । ଏହି ଫ୍ରାଞ୍ଚାଇଜ୍ ପ୍ରକୃତରେ ନେରୁଲରେ ଏକ ବିଭାଗୀୟ ଷ୍ଟୋର୍ ଥିଲା । କିନ୍ତୁ, ଦମାନୀ ଏହି ବ୍ୟବସାୟ ମଡେଲରେ ସନ୍ତୁଷ୍ଟ ନଥିଲେ । ସେ ଖୁଚୁରା ବ୍ୟବସାୟ ପ୍ରତି ଆଗ୍ରହୀ ଥିଲେ। ୨୦୦୧ରେ ବହୁ ଅର୍ଥ ରୋଜଗାର କରିବା ଏବଂ ଏହିପରି ଉଚ୍ଚତାରେ ପହଞ୍ଚିବା ପରେ ସେ ହଠାତ୍ ଷ୍ଟକ୍ ମାର୍କେଟ ବ୍ୟବସାୟ ଛାଡି ଖୁଚୁରା ଶିଳ୍ପରେ ପ୍ରବେଶ କରିବାକୁ ସ୍ଥିର କଲେ  । ସେ ନିଜ ସର୍ତ୍ତ ଅନୁଯାୟୀ  ରିଟେଲ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ । 

ସେ ଡିମାର୍ଟର ପ୍ୟାରେଣ୍ଟ୍ କମ୍ପାନୀ ଆଭେନ୍ୟୁ ସୁପରମାର୍ଟସ୍ ଲିମିଟେଡ୍ ପ୍ରତିଷ୍ଠା କରିଥିଲେ । ୨୦୦୨ରେ ମୁମ୍ବାଇର ପବଇରେ ପ୍ରଥମ ଷ୍ଟୋର୍‌ ଆରମ୍ଭ କରିଥିଲେ। ମୁମ୍ବାଇକୁ ସଫଳତାର ସହିତ କବଜା କରିବା ପରେ, ଡିମାର୍ଟ ୨୦୦୭ ରେ ଅହମ୍ମଦାବାଦରେ ଏକ ନୂତନ ଆଉଟଲେଟ୍ ଖୋଲିଥିଲା । ୨୦୧୦ସୁଦ୍ଧା ଡିମାର୍ଟ ପଶ୍ଚିମ ଅଞ୍ଚଳରେ ୨୫ ଟି ଷ୍ଟୋର ପ୍ରତିଷ୍ଠା କରିଥିଲା । ସେହିପରି ୨୦୧୩ ରେ ଏହାର ଆୟ ୩,୩୩୪ କୋଟି ଟଙ୍କାକୁ ବୃଦ୍ଧି ପାଇଥିଲା। ଏହା ୨୦୧୩ ରେ ଭାରତର ତୃତୀୟ ବୃହତ୍ତମ ବ୍ରାଣ୍ଡ ରିଟେଲ ଚେନ୍ ହୋଇଗଲା ।ଡିମାର୍ଟ ଏକ ଅନନ୍ୟ ବ୍ୟବସାୟ ମଡେଲ୍, ଯାହା ଭଡା କିମ୍ବା ଲିଜ୍ ପରିବର୍ତ୍ତେ ସମ୍ପତ୍ତିର ମାଲିକାନା ଉପରେ ଗୁରୁତ୍ୱ ଦେଇଥାଏ । ମଧ୍ୟବିତ୍ତ ଶ୍ରେଣୀ ଉପରେ ଧ୍ୟାନ ଦେଇ ଆବାସିକ କ୍ଷେତ୍ରକୁ ଟାର୍ଗେଟ୍ କରିଥିଲା ଏବଂ ପ୍ରତିଯୋଗିତାମୂଳକ ମୂଲ୍ୟରେ ଦୈନିକ ଅତ୍ୟାବଶ୍ୟକ ସାମଗ୍ରୀ ପ୍ରଦାନ କରିଥିଲା । ୨୦୧୭ ସୁଦ୍ଧା, ଡିମାର୍ଟର  ଆଇପିଓ ୧୦୪ ଥର ଓଭରସବସ୍କ୍ରାଇବ କରାଯାଇଥିଲା ଏବଂ ତାଲିକାଭୁକ୍ତ ହେବା ପରେ ଷ୍ଟକ୍ ମୂଲ୍ୟ ୪୪୭% ବୃଦ୍ଧି ପାଇ ଦମାନୀଙ୍କୁ ଦୁନିଆର ସବୁଠାରୁ ଧନୀ ବ୍ୟକ୍ତି ଭାବରେ ପରିଣତ କଲା ।