ମୁମ୍ବାଇ, ୨୨/୮ : ଗତ ଦିନରେ ରାହୁଲ ଦ୍ରାବିଡ଼ଙ୍କ କୋଚିଂରେ ଭାରତୀୟ କ୍ରିକେଟ ଟିମ୍ ଟି-୨୦ ବିଶ୍ବକପ୍ ଜିତିଛି । ଏହି ବିଜୟ ପରେ ରାହୁଲ ଦ୍ରାବିଡ଼ଙ୍କ ଖୁବ୍ ତାରିଫ କରାଯାଉଛି । ପ୍ରକାଶ ଯେ, ଏହାପରେ ରାହୁଲ ଦ୍ରାବିଡ଼ କୋଚ୍ ଭାବେ ଟିମ୍ ଇଣ୍ଡିଆ ହାତ ଛାଡ଼ି ଦେଇଛନ୍ତି । ଏବେ ଗୌତମ ଗମ୍ଭୀର ଭାରତୀୟ କ୍ରିକେଟ ଟିମର ମୁଖ୍ୟ କୋଚ୍ ଅଛନ୍ତି । ମାତ୍ର ସୋସିଆଲ ମିଡ଼ିଆରେ ପୂର୍ବତନ ଭାରତୀୟ ଅଧିନାୟକ ଏବଂ ମୁଖ୍ୟ କୋଚ୍ ରାହୁଲ ଦ୍ରାବିଡ଼ଙ୍କ ବୟାନ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ରାହୁଲ ଦ୍ରାବିଡ଼ଙ୍କୁ ପଚରାଯାଇଥିଲା କି ଯଦି ବଲିଉଡ଼ରେ ଆପଣଙ୍କ ଜୀବନୀ ଉପରେ ଫିଲ୍ମ ନିର୍ମାଣ ହେଉଛି ତେବେ କାହାକୁ ଆପଣଙ୍କ ଚରିତ୍ର ନିଭାଇବାକୁ ଦେବା ଆବଶ୍ୟକ ? ଏହାର ଜବାବରେ ରାହୁଲ ଦେଲେ ମଜାଳିଆ ଉତ୍ତର । 

ପ୍ରକାଶ ଯେ, ରାହୁଲ ଦ୍ରାବିଡ଼ ମଜାଳିଆ ଭାବେ ବଲିଉଡ଼ରେ ଡେବ୍ୟୁ କରିବାର ସଙ୍କେତ ଦେଇଛନ୍ତି । ରାହୁଲ ଦ୍ରାବିଡ଼ କହିଛନ୍ତି କି, ଯଦି ତାଙ୍କୁ ଭଲ ଟଙ୍କା ମିଳେ ତ ସେ ନିଜ ବାୟୋପିକରେ ନିଜେ ହିଁ ନିଜ ଭୂମିକା ନିଭାଇବେ । ଏହା ପୂର୍ବରୁ ଭାରତୀୟ ଦଳର ପୂର୍ବତନ ଅଧିନାୟକଙ୍କୁ ପଚରାଯାଇଥିଲା କି ବାୟୋପିକରେ ରାହୁଲ ଦ୍ରାବିଡ଼ଙ୍କ ଭୂମିକା କିଏ ନିଭାଇବେ ? ଏହା ଉପରେ ରାହୁଲ ଦ୍ରାବିଡ଼ ହସିକି ଏହାର ଉତ୍ତର ଦେଇଥିଲେ । ସେ କହିଥିଲେ କି ଯଦି ଭଲ ପଇସା ମିଳେ ତବେ ମୁଁ ଏହି ଭୂମିକା ନିଭାଇବି । ଏହା ପରେ ସେଠାରେ ଉପସ୍ଥିତ ଥିବା ଲୋକେ ହସ ରୋକି ପାରିନଥିଲେ । ସେହିଭଳି ସୋସିଆଲ ମିଡ଼ିଆରେ ଫ୍ୟାନ୍ସ କହୁଛନ୍ତି କି ରାହୁଲ ଦ୍ରାବିଡ଼ ବଲିଉଡ଼ରେ ଡେବ୍ୟୁର ସଙ୍କେତ ଦେଲେ । ସେ ବଲିଉଡ଼ରେ କାମ କରିବାକୁ ଚାହୁଁଛନ୍ତି ।