ପ୍ରମୁଖ ଖବର
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ଖୋଲା ମଞ୍ଚରେ ବିତର୍କ ପାଇଁ ରାଜି ହେଲେ ରାହୁଲ ଗାନ୍ଧୀ, ପିଏମ୍‌ ମୋଦୀଙ୍କୁ କଲେ ଆହ୍ବାନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଖୋଲା ମଞ୍ଚରେ ବିତର୍କ କରିବାର ଆହ୍ବାନକୁ ସ୍ବୀକାର କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ସୁପ୍ରିମକୋର୍ଟର ପୂର୍ବତନ ବିଚାରପତି ମଦନ ବି ଲୋକୁର, ହାଇକୋର୍ଟର ପୂର୍ବତନ ବିଚାରପତି ଏପି ଶାହ ଓ ବରିଷ୍ଠ ସାମ୍ବାଦିକ ଏନ୍ ରାମ୍ ଏକ ନିମନ୍ତ୍ରଣ ପଠାଇ ସର୍ବସମ୍ମୁଖରେ ଡିବେଟ୍ କରିବାକୁ ଏହି ଦୁଇ ନେତାଙ୍କୁ ଆମନ୍ତ୍ରଣ କରିଥିଲେ । ଆଜି ଏହି ଆମନ୍ତ୍ରଣ ରାହୁଲ ସ୍ବୀକାର କରିନେଇଥିବା ବେଳେ ପ୍ରଧାନମନ୍ତ୍ରୀ ମୋଦୀଙ୍କୁ ତର୍କ ନେଇ ସମ୍ମତି ଜଣାଇବାକୁ ଆହ୍ବାନ ଦେଇଛନ୍ତି । ତେବେ ୨୦୨୪ ନିର୍ବାଚନରେ ମୁଖ୍ୟ ବିଷୟ ଉପରେ ଆଲୋଚନା ପାଇଁ ଆହ୍ବାନ କରାଯାଇଛି। 

 ମେ ୯ ତାରିଖରେ ଲେଖାଯାଇଥିବା ଚିଠିରେ ଉଭୟ ପକ୍ଷଙ୍କ ଅଭିଯୋଗ ଉଲ୍ଲେଖ ରହିଛି । ଏହା ସହ ଖୋଲାସ୍ଥାନାରେ ଡିବେଟ କରିବା ଦ୍ବାରା ଦେଶର ଲୋକମାନେ ନିଜ ନିଜର ନେତାଙ୍କ ପାଖରୁ ସବିଶେଷ ତଥ୍ୟ ପାଇପାରିବେ।  ଏକ ନିରପେକ୍ଷ ଓ ଅଣ ବ୍ୟବସାୟିକ ସଂସ୍ଥା ମାଧ୍ୟମରେ ମୁଖ୍ୟ ନେତାଙ୍କୁ ସିଧାସଳଖ ପବ୍ଲିକ୍ ଡିବେଟ୍ ମାଧ୍ୟମରେ ଶୁଣିଲେ ଆମ ନାଗରିକମାନଙ୍କ ଲାଭ ହେବ ବୋଲି ଉପରୋକ୍ତ ୩ ବିଶିଷ୍ଟ ବ୍ୟକ୍ତି ଚିଠିରେ ଲେଖିଛନ୍ତି ।

 ଚିଠି ପାଇବାର ଦୁଇ ଦିନ ପରେ ରାହୁଲ ଗାନ୍ଧୀ ଏହି ଆମନ୍ତ୍ରଣ ସ୍ବୀକାର କରିଛନ୍ତି । ସେ କିମ୍ବା ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଡିବେଟ୍ କରିବାକୁ ରାଜି ଅଛନ୍ତି ବୋଲି ରାହୁଲ କହିଛନ୍ତି । ସେ କହିଛନ୍ତି ‘ମୁଁ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେଙ୍କ ସହ ଆପଣଙ୍କ ନିମନ୍ତ୍ରଣ ବିଷୟରେ ଆଲୋଚନା କରିଛି। ଆମେ ମଧ୍ୟ ଏହା ସ୍ବୀକାର କରୁଛି ଯେ ଏଭଳି ଖୋଲା ବିତର୍କ ଲୋକମାନଙ୍କୁ ଆମର ଦୂରଦୃଷ୍ଟି  ସଂପର୍କରେ ଜାଣିବାର ସାହାୟକ ହେବ । ସେମାନଙ୍କୁ ନିଜ ପସନ୍ଦ ବାଛିବାର ସକ୍ଷମ କରିବ।’   

ରାହୁଲ ଆହୁରି କହିଛନ୍ତି ଯେ, ପ୍ରମୁଖ ଦଳଗୁଡିକ ନିର୍ବାଚନ ଲଢ଼ୁଥିବାରୁ ଲୋକମାନଙ୍କର ବି ସେମାନଙ୍କ ନେତାଙ୍କ ଠାରୁ ସିଧାସଳଖ ଶୁଣିବାର ହକ୍ ରହିଛି । ତେଣୁ ମୁଁ କିମ୍ବା କଂଗ୍ରେସ ଅଧ୍ୟକ୍ଷ ଏହି ଡିବେଟ୍‌ରେ ଯୋଗ ଦେଇ ଖୁସି ଅନୁଭବ କରିବୁ। ଯଦି ପ୍ରଧାନମନ୍ତ୍ରୀ ଏଥିରେ ଭାଗ ନେବାକୁ ରାଜି ହୁଅନ୍ତି ତେବେ ତର୍କ ବିଷୟରେ ସମ୍ପୂର୍ଣ୍ଣ କଥା ଓ ଏହାର ଫର୍ମାଟ୍ ବିଷୟରେ ଆଲୋଚନା କରାଯାଇପାରେ। 

  • Rahul Gandhi
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.