ପ୍ରମୂଖ ଖବର
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

‘ଭାରତ ବିଶ୍ୱକପ ଜିତି ଯାଇଥାନ୍ତା, କିନ୍ତୁ ‘ପନୋତି’ ହରାଇ ଦେଲା’... ପ୍ରଧାନମନ୍ତ୍ରୀ ମୋଦୀଙ୍କୁ ନେଇ ପୁଣି ରାହୁଲ ଗାନ୍ଧୀଙ୍କ ବିବାଦୀୟ ବୟାନ

ନୂଆଦିଲ୍ଲୀ୨୧।୧୧: ଓ୍ବାର୍ଲ୍ଡକପ୍ ଫାଇନାଲ ମ୍ୟାଚ୍‌ରେ ଅଷ୍ଟ୍ରେଲିଆଠାରୁ ଟିମ୍ ଇଣ୍ଡିଆ ପରାଜିତ ହେବା ପୁରା ଦେଶକୁ ବ୍ୟଥିତ କରିଛି। ଏହି ମ୍ୟାଚ୍ ଦେଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଷ୍ଟାଡିୟମରେ ଉପସ୍ଥିତ ଥିଲେ। ବର୍ତ୍ତମାନ ଏହାକୁ ଏକ ପ୍ରସଙ୍ଗ କରି କଂଗ୍ରେସ ସାଂସଦ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ‘ପନୋତି’ ବୋଲି କହିଛନ୍ତି।

ମଙ୍ଗଳବାର ରାଜସ୍ଥାନର ଜଲୋର ଅଞ୍ଚଳରେ ଏକ ନିର୍ବାଚନୀ ରାଲିକୁ ସମ୍ବୋଧନ କରିବା ସମୟରେ ରାହୁଲ ଏଭଳି କହୁଥିବାର ଭିଡିଓ ସାମନାକୁ ଆସିଛି। ସେ କହିଛନ୍ତି ଭାରତ ବିଶ୍ୱକପ ଜିତି ଯାଇଥାନ୍ତା, କିନ୍ତୁ ‘ପନୋତି’ ହରାଇ ଦେଲା। ଟିଭିବାଲା ଏହା କହିବେନି, କିନ୍ତୁ ଏସବୁ ଦେଶର ଜନତା ଜାଣନ୍ତି।’

ରାହୁଲଙ୍କ ଏହି ଭିଡିଓକୁ ନେଇ ବିଜେପି ଏବେ ତାଙ୍କୁ ଟାର୍ଗେଟ କରିଛି। ଦଳ ପକ୍ଷରୁ କୁହାଯାଇଛି ରାହୁଲଙ୍କୁ କ୍ଷମା ମାଗିବା ଦରକାର। ବିଜେପି ନେତା ରବିଶଙ୍କର ପ୍ରସାଦ କହିଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ ପାଇଁ ରାହୁଲ ଏଭଳି ଶବ୍ଦ ବ୍ୟବହାର କରିବା ଅଶୋଭନୀୟ। ମୋଦିଙ୍କୁ ରାହୁଲ କ୍ଷମା ମାଗିବା ଦରକାର। ନହେଲେ ଆମେ ଦେଶରେ ଏହାକୁ ବଡ଼ ପ୍ରସଙ୍ଗ କରିବୁ।’

ଉଲ୍ଲେଖନୀୟ ଯେ, ରାଜସ୍ଥାନକୁ କ୍ଷମତାକୁ ଫେରିବା ପରେ ଜାତିଗତ ଜନଗଣନା କରିବ ବୋଲି   କଂଗ୍ରେସ ମଧ୍ୟ ନିଜର ନିର୍ବାଚନୀ ଇସ୍ତାହାରରେ ପ୍ରତିଶୃତି ଦେଇଛି। ରାହୁଲ ଏହା ଉପରେ ଆଲୋଚନା କରୁଥିବାବେଳେ ହଠାତ୍ ବିଶ୍ୱକପ୍ ଫାଇନାଲ ବିଷୟରେ କହିବାକୁ ଲାଗିଲେ।  

ରାହୁଲ ପ୍ରଧାନମନ୍ତ୍ରୀ ମୋଦିଙ୍କୁ ‘ପନୋତି’  କହିବା ପରେ ସେଠାରେ ଉପସ୍ଥିତ ଲୋକମାନେ ମଧ୍ୟ ସମାନ କଥା ଦୋହରାଇଥିଲେ। କଂଗ୍ରେସ ମଧ୍ୟ ରାହୁଲଙ୍କ ଏହି କଥାରେ ସହମତ ଥିବା ଜଣା ପଡିଛି। ପାର୍ଟି ନିଜର ଅଫିସିଆଲ ଏକ୍ସ ହ୍ୟାଣ୍ଡେଲରେ ପ୍ରଧାନମନ୍ତ୍ରୀ ମୋଦୀଙ୍କୁ ରାହୁଲ ‘ପନୋତି’ କହୁଥିବାର ଭିଡିଓ ସେୟାର କରିଛି। ପ୍ରଧାନମନ୍ତ୍ରୀ ମୋଦିଙ୍କନେଇ ରାହୁଲ ଗାନ୍ଧୀଙ୍କ ଏଭଳି ବିବାଦୀୟ ବୟାନ ନୂଆ ନୁହେଁ। ପୂର୍ବରୁ ‘ସବୁ ମୋଦି ଚୋର’ ବୋଲି କହି ଅଡୁଆରେ ପଡିଥିଲେ। ଏଥିପାଇଁ ସାଂସଦ ପଦ ମଧ୍ୟ ଚାଲିଯାଇଥିଲା।  ଯଦିଓ ପରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ପଦବୀ ଫେରି ପାଇଲେ।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.