ନୂଆଦିଲ୍ଲୀ: ବିରୋଧୀ ଦଳ ନେତା ରାହୁଲ ଗାନ୍ଧୀ ଆଜି (ଗୁରୁବାର) ସଂସଦ ଭବନର ରିସେପ୍ସନ୍ ଏରିଆକୁ ଯାଇ ମତ୍ସ୍ୟଜୀବୀ ମାନଙ୍କ ପ୍ରତିନିଧୀ ଭେଟିଛନ୍ତି । ଏହାକୁ ନେଇ କଂଗ୍ରେସ ଅଭିଯୋଗ କରିଛି ଯେ, ମତ୍ସ୍ୟଜୀବୀ ମାନଙ୍କ ପ୍ରତିନିଧୀଙ୍କ ସହ ରାହୁଲ ଗାନ୍ଧୀଙ୍କ ସାକ୍ଷାତ ସଂସଦରେ ଭବନରେ ହେବାର ଥିଲା, କିନ୍ତୁ ତାଙ୍କୁ ସଂସଦରେ ପ୍ରବେଶ କରିବାକୁ ଅନୁମତି ଦିଆଯାଇ ନାହିଁ । କଂଗ୍ରେସ ଅଭିଯୋଗ କରିଛି ଯେ, ଦେଶର କୃଷକ, ମତ୍ସ୍ୟଜୀବୀ ଏବଂ ସାଧାରଣ ଲୋକ କ’ଣ ସଂସଦକୁ ଯାଇପାରିବେ ନାହିଁ ?

ଏହାକୁ ନେଇ ବିରୋଧୀ ଦଳର ନେତା ରାହୁଲ ଗାନ୍ଧୀ କହିଛନ୍ତି, "କାହାକୁ ଭେଟିବା ଆମର ଅଧିକାର, କିନ୍ତୁ ସେମାନେ ଆମକୁ ଅଟକାନ୍ତି । ମତ୍ସ୍ୟଜୀବୀ ମାନଙ୍କ ପାଇଁ ଶ୍ରୀଲଙ୍କା ହେଉଛି ଏକ ସମସ୍ୟା । ମୁଁ କୃଷକ ମାନଙ୍କ ବିଷୟରେ କହିଥିଲି, ବାଚସ୍ପତି ଗୃହରେ କହିଥିଲେ ଯେ ଅଟକା ଯାଉନାହିଁ, କିନ୍ତୁ ପୁଣି ଅଟକାଗଲା । କିନ୍ତୁ ବର୍ତ୍ତମାନ ମୋ ଜୀବନ ଅଧିକ କଷ୍ଟସାଧ୍ୟ ହୋଇପଡିଛି, ପୂର୍ବରୁ ଲୋକ ମାନଙ୍କୁ ସେଠାରେ ଭେଟିବାର ସୁଯୋଗ ଥିଲା, କିନ୍ତୁ ଏବେ ସେମାନଙ୍କୁ ଭେଟିବା ପାଇଁ ମୋତେ ଏଠାକୁ ଆସିବାକୁ ପଡୁଛି । 

କଂଗ୍ରେସ ସାଂସଦ ଗୌରବ ଗୋଗୋଇ ସଂସଦ ଗୃହର ରିସେପ୍ସନ୍ ଏରିଆକୁ ଯାଇ କହିଛନ୍ତି ଯେ ଜଣେ ଛାତ୍ର ପ୍ରତିନିଧୀମଣ୍ଡଳ ଏପର୍ଯ୍ୟନ୍ତ ସଂସଦରେ ପ୍ରବେଶ କରିପାରି ନାହାଁନ୍ତି ଏବଂ ବିରୋଧୀଦଳର ନେତାଙ୍କୁ ଭେଟିବାରେ ସକ୍ଷମ ହୋଇ ନାହାଁନ୍ତି। ରାହୁଲ ଗାନ୍ଧୀ ସାକ୍ଷାତ କରିବାକୁ ଯାଉଛନ୍ତି, କାରଣ ତାଙ୍କର ଭରତ ଯୋଡୋ "ସଂକଳ୍ପ ଜାରି ରହିଛି।"