ନୂଆଦିଲ୍ଲୀ: ବଲିଉଡର ଆଇଟମ୍ ଗାର୍ଲ ଏବଂ ଡ୍ରାମା କୁଇନ୍ ରାଖୀ ସାୱନ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ରହିଛି କି, ହାର୍ଟ ସମ୍ବନ୍ଧୀୟ ରୋଗ ହେତୁ ରାଖୀ ସାୱନ୍ତଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରିବାକୁ ପଡିଛି । ଅଭିନେତ୍ରୀଙ୍କ କିଛି ଫଟୋ ଏବେ ସୋସିଆଲ ମିଡିଆରେ ସାମ୍ନାକୁ ଆସିଛି । ଏଥିରେ ରାଖୀଙ୍କୁ ଡାକ୍ତରଖାନାର ବେଡ୍ ଉପରେ ଦେଖିବାକୁ ମିଳୁଛି । ରାଖୀ ସଂପୂର୍ଣ୍ଣ ଚେତାଶୂନ୍ୟ ଏବଂ ଡାକ୍ତର ତାଙ୍କୁ ପରୀକ୍ଷା କରୁଛନ୍ତି । ଡାକ୍ତରମାନେ କହିଛନ୍ତି ଯେ ରାଖୀଙ୍କ ଅବସ୍ଥା ଟିକେ ଗୁରୁତର ରହିଛି । ତେବେ ତାଙ୍କର କ’ଣ ହୋଇଛି ସେ ସମ୍ପର୍କରେ କୌଣସି ସୂଚନା ସାମ୍ନାକୁ ଆସି ନାହିଁ।

ସୂଚନା ଅନୁଯାୟୀ, ରାଖୀ ସାୱନ୍ତ ଏକ ଗୁରୁତର ହୃଦଘାତରେ ପୀଡିତ । ବର୍ତ୍ତମାନ ରାଖୀ ତାଙ୍କ ସ୍ୱାସ୍ଥ୍ୟ ସମସ୍ୟା ବିଷୟରେ ଗୋପନୀୟତା ବଜାୟ ରଖିବାକୁ ଚାହୁଁଛନ୍ତି ବୋଲି ଜଣାପଡିଛି । ରାଖୀ ସାୱନ୍ତଙ୍କ ଫଟୋ ପାପାରାଜି ପେଜ୍‌ରେ ସେୟାର କରାଯାଇଛି । ସୋସିଆଲ ମିଡିଆରେ ପ୍ରଶଂସକ ମାନେ ରାଖୀଙ୍କ ଶୀଘ୍ର ଆରୋଗ୍ୟ ପାଇଁ କାମନା କରୁଛନ୍ତି ।