ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ଚାଲିଛି ଭୂଇଁ ହଣା ଓ ଶେଷ ଚକ, ପଡ଼ିଲା ଗରଗରା କାଠ

ପୁରୀ, ୦୮/୦୬ : ମହାପ୍ରଭୁଙ୍କ ରଥ ନିର୍ମାଣ ପରମ୍ପରା ନିଆରା । ତିନି ରଥର କାମ ସମନ୍ୱୟ ରହି ସମାନ୍ତରାଳ ଭାବେ ସମ୍ପାଦନ ହେବ । ଶେଷ ଚକ ୩ଟିର ସିଙ୍ଗଡ଼ା ପ୍ରସ୍ତୁତ ହେଲାପରେ ଶୁକ୍ରବାର ତିନି ରଥର ଶେଷ ଚକ ଏକତ୍ର ରଥ ଖଳାରେ ପ୍ରସ୍ତୁତ ହେଉଛି । ଏଥିସହ ଭୂଇଁ ଚଉତା ଓ ପାଞ୍ଚ ଦଣ୍ଡା କାମ ଚାଲିଛି । ଶୁକ୍ରବାର ଅପରାହ୍ନରେ ରଥ ଖଳାରେ ଗରଗରା କାଠ ପକାଯାଇଛି । ଭୋଇ ସେବକମାନେ ଶଗଡ଼ିରେ ବୋହି ଆଣି ଗରଗରା କାଠ ବିଶ୍ୱକର୍ମାଙ୍କୁ ଯୋଗାଇଛନ୍ତି । ପ୍ରତି ରଥ ପାଇଁ ୨ଗୋଟି କରି ୬ଗୋଟି କାଠ ରହିଛି । ଗରଗରା ପାଇଁ ୫ଫୁଟ ଗୋଲେଇ, ୨୦ ଫୁଟ ଲମ୍ବ କାଠ ଯୋଗାଯାଉଥିବା କୁହନ୍ତ ନିର୍ମାଣକାରୀ । ବିଶ୍ୱକର୍ମାମାନେ ୫ଦଣ୍ଡାକୁ ବାରିସିରେ ହାଣି ପ୍ରସ୍ତୁତ କରୁଛନ୍ତି । ଅଖ ଉପରେ ରହିବ ଦଣ୍ଡା । ଦଣ୍ଡା ଉପରେ ରହିବ ଗରଗରା । ଗରଗରାରେ ବିନ୍ଧ ହେଲେ, ତା’ ଉପରେ ଉଠିବ ଚାରି ନାହାକା । ଚାରି ନାହାକା ରଥର ଉପରିଭାଗ ସମ୍ଭାଳିବ । ତିନି ଭୂଇଁ ଉଠି ୧୩ ପରସ୍ତ ପୋଟଳ ରଖାଯିବ ।

ଶୁକ୍ରବାର ପହିରେ ବିନ୍ଧ ହୋଇ ସିଙ୍ଗଡ଼ାରେ ଫିଟିଂ ହେଉଛି । ଅପରାହ୍ନରେ ଚକ ପଇଠ କଲେ ବିଶ୍ୱକର୍ମା ଓ ଭୋଇ ସେବକ । ଶେଷରେ ବିଲେଇ ବାଡ଼ିଆ ପଦ୍ଧତିରେ ଚକ କାର୍ଯ୍ୟ ଶେଷ ହେବ । ଶନିବାର ରଥର ଶେଷ ଚକ କାମ ସରିବ କୁହନ୍ତି ନିର୍ମାଣକାରୀ । ଏପଟେ ଚଉତା କାଠ କାମ ଚାଲିଛି । ଭୂଇଁ ପ୍ରସ୍ତୁତିରେ ଲାଗିବ ଚଉତା କାଠ । ରଥରେ ତିନିଟି ଭୂଇଁ । ସେଥିପାଇଁ ଓରା ଓ ଖମ୍ବୀ ପ୍ରସ୍ତୁତ ହୋଇ ସାଇତା ଯାଇଛି । ମୁହାଁଟ ଓ ନିରାଡ଼ି କାର୍ଯ୍ୟ ଶେଷ । ଗୁଜ ଓ କୁଡ଼ୁକା ମଧ୍ୟ ସରିଛି । ରୁପକାରମାନେ ଗୁଜ ନିର୍ମାଣରେ ନିୟୋଜିତ ରହିଛନ୍ତି । କମାର ସେବକମାନେ ଦୋଳବେଦିରେ ଲୁହା ସାମଗ୍ରୀ ପ୍ରସ୍ତୁତ କରୁଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.