ମୁମ୍ୱାଇ : ବଲିଉଡ୍ର ମସ୍ତ ମସ୍ତ ଗର୍ଲ ରବିନା ଟଣ୍ଡନ ୯୦ ଦଶକରେ ଇଣ୍ଡଷ୍ଟ୍ରୀରେ ଖୁବ୍ ରାଜ୍ କରୁ ଥିଲେ। ନିଜ କ୍ୟାରିୟରରେ ରବିନା ଅନେକ ସୁପରହିଟ୍ ଫିଲ୍ମ ଦେଇଛନ୍ତି। ରବିନା ପ୍ରଫେସନାଲ ଲାଇଫ୍ ସହ ନିଜର ପର୍ସନାଲ ଲାଇଫ୍କୁ ନେଇ ମଧ୍ୟ ଖୁବ୍ ଚର୍ଚ୍ଚାରେ ରହିଛନ୍ତି। ନିଜ କ୍ୟାରିୟରରେ ରବିନା ଖୁବ୍ ଅପ୍ ଆଣ୍ଡ ଡାଉନ୍ସ ଦେଖିଛନ୍ତି। କେବଳ ଏତିକି ନୁହେଁ ଆଜି ଫିଟ୍ ନଜର ଆସୁଥିବା ରବିନାଙ୍କୁ ଅନେକ ବଡ଼ି ସେମିଂ ଭଳି ଜିନିଷ ମଧ୍ୟ ଦେଇ ଯିବାକୁ ପଡ଼ିଥିଲା। ରବିନା ଏହି ସମୟରେ କିଛି ମଧ୍ୟ କହିବା ପରିବର୍ତ୍ତେ ଚୁପ୍ ରହିବାକୁ ପସନ୍ତ କରିଥିଲେ। କିନ୍ତୁ ଆଜି ବର୍ଷ ବର୍ଷ ପରେ ରବିନା ଏ କଥାର ଖୁଲାସା କରିଛନ୍ତି। ଖାଲି ଏତିକି ନୁହେଁ , ସେ ଏହା ମଧ୍ୟ କହିଛନ୍ତି ,ସେ କେବଳ ନିଜ ପାଇଁ ନୁହେଁ ,ବଲିଉଡର ଜଣେ ଟପ୍ ଅଭିନେତ୍ରୀଙ୍କ ପାଇଁ ବଡି ସେମିଂ ପାଇଁ ଆଗେଇ ଆସିଥିଲେ।
ରବିନା ଟଣ୍ଡନ ବରଖା ଦତ୍ତଙ୍କ ମୋଜୋ ଷ୍ଟୋରୀ ପାଇଁ ନିଜର ଇଣ୍ଟରଭ୍ୟୁ ଦେଇଥିଲେ। ଏଥିରେ ତାଙ୍କୁ ଯେବେ ପଚରା ଗଲା କି , ବର୍ଷ ବର୍ଷ ଧରି କ୍ୟାମେରା ଠାରୁ ଦୂରେଇ ରହିବା ତାଙ୍କୁ ଦୁଃଖ ଦେଇଛି କି ? ଏହାର ଜବାବରେ ଅଭିନେତ୍ରୀ କହିଥିଲେ କେବେ ନୁହେଁ। ମୁଁ ଏହି ସମୟରେ କ୍ୟାମେରା ଫ୍ରେଣ୍ଡଲି ହେବାର ଚାପରୁ ବର୍ତ୍ତିବାକୁ ଚାହୁଁ ନଥିଲି। ତାହା ମୋ ଜୀବନର ଏପରି ଏକ ସମୟ ଥିଲା ଯେବେ ମୋତେ ମୋର ଶରୀରକୁ ନେଇ ମୋତେ ଲଜ୍ଜା ବୋଧ ହେବାକୁ ପଡୁଥିଲା ଅର୍ଥାତ୍ ମୁଁ ଏହିସମୟରେ ବଡ଼ି ସେମିଂ ଶିକାର ହୋଇ ଥିଲି। ଏହି କାରଣରୁ ମୁଁ ଲୋକଙ୍କର ଟ୍ରୋଲିଂର ଶିକାର ହେବା ଠାରୁ ନିଜକୁ କ୍ୟାମେରାରୁ ଦୂରେଇ ରଖିବା ଶ୍ରେୟସ୍କର ମନେକଲି।
ଉକ୍ତ ଇଣ୍ଟରଭ୍ୟୁରେ ରବିନା କହିଥିଲେ କି , ଐଶ୍ୱର୍ଯ୍ୟ ରାୟ ବଚ୍ଚନ ମଧ୍ୟ ମାଆ ହେବା ପରେ ବଡ଼ି ସେମିଂର ଶିକାର ହୋଇଥିଲେ। ଯେବେ ଆରାଧ୍ୟା ଜନ୍ମ ହେଲା, ଏହି ସମୟରେ ଐଶ୍ୱର୍ଯ୍ୟ ଖୁବ୍ ସୁନ୍ଦର ଥିବା ସତ୍ତ୍ୱେ, ଲାଇମଲାଇଟ୍ରୁ ଦୂରେଇ ଯାଇଥିଲେ। ଐଶ୍ୱର୍ଯ୍ୟାଙ୍କ ଯେବେ ବେବି ହୋଇଥିଲା , ତାଙ୍କର ଶରୀରର ଗ୍ରୋଥ୍କୁ ନେଇ ସେ ଖୁବ୍ ଟ୍ରୋଲ୍ ହୋଇଥିଲେ। ଐଶ୍ୱର୍ଯ୍ୟା ନିଜର ପୂରା ଧ୍ୟାନ ନିଜକୁ ଫିଟ୍ ରଖିବା ପରିବର୍ତ୍ତେ ନିଜ ପରିବାର ଉପରେ ଦେଇଥିଲେ। ସେ ଯୁଆଡେ ଯାଉଥିଲେ ଲୋକେ ତାଙ୍କୁ ବଡ଼ି ସେମିଂ କଥା କହୁଥିଲେ। ଏହି ସୟମରେ ମୁଁ ପ୍ରେସ୍କୁ ଏକ ଖୋଲା ଚିଠି ଲେଖି ଐଶ୍ୱର୍ଯ୍ୟାଙ୍କୁ ସପୋର୍ଟ କରିଥିଲି।
