ସୁନ୍ଦରଗଡ଼,୦୮/୦୯: ତଣ୍ଟି କାଟି ଯୁବକଙ୍କୁ ହତ୍ୟା ଅଭିଯୋଗ । ଏକ ଧାରୁଆ ଅସ୍ତ୍ରରେ ଯୁବକଙ୍କ ତଣ୍ଟି କଟା ଯାଇଥିବା ଜଣାପଡ଼ିଛି ।ଧରୁଆଡିହି ଥାନା ଅନ୍ତର୍ଗତ ବାବୁପଡ଼ା ପଡ଼ିଆରେ ମିଳିଲା ଯୁବକଙ୍କ ମୃତଦେହ । ମୃତକ ଲେଢ଼ିମଙ୍ଗ ଗାଁର ଭୀମସେନ କମାର ବୋଲି ଜଣାପଡ଼ିଛି । ସୁନ୍ଦରଗଡ଼ ଜିଲ୍ଲା ଧରୁଆଡିହି ଥାନା ଅନ୍ତର୍ଗତ ବାବୁପଡ଼ାରେ ଏଭଳି ଘଟଣା ଘଟିଛି । 

ସୂଚନା ଅନୁଯାୟୀ, ଜଣେ ଯୁବକଙ୍କ ମୃତଦେହ ବାବୁପଡ଼ା ପଡ଼ିଆରୁ ଉଦ୍ଧାର କରାଯାଇଛି । ଉକ୍ତ ଯୁବକଙ୍କ ତଣ୍ଟିକୁ ଏକ ଧାରୁଆ ଅସ୍ତ୍ରରେ କଟା ଯାଇଥିବା ଜଣାପଡ଼ିଛି । ତେବେ ଯୁବକଙ୍କ ମୃତଦେହକୁ ସ୍ଥାନୀୟଲୋକେ ବାବୁପଡ଼ା ପଡିଆରେ ପଡ଼ିଥିବାର ଦେଖିବାକୁ ପାଇଥିଲେ । ଏହା ଦେଖି ପୋଲିସକୁ ଏ ସମ୍ପର୍କରେ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଧରୁଆଡିହି ଥାନା ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ କିଏ ଏବଂ କାହିଁକି ତାଙ୍କୁ ହତ୍ୟା କରିଛି ତାହା ଜଣାପଡ଼ିନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ଯୁବକଙ୍କୁ ତଣ୍ଟି କାଟି ହତ୍ୟା କରାଯାଇଥିବା ଅଭିଯୋଗ ହୋଇଛି ।