ଖଜୁରୀପଡ଼ା ୧୯/୦୯ : ୧୫୭ ନଂ ଜାତୀୟ ରାଜପଥର ଖଜୁରୀପଡ଼ା ବନ୍ଧ ନିକଟରେ ଗୁରୁବାର ସନ୍ଧ୍ୟା ବେଳେ ବାଇକ୍ ଦୁର୍ଘଟଣାରେ ଜଣେ ଅବସର ପ୍ରାପ୍ତ ଶିକ୍ଷକଙ୍କ ମୃତ୍ୟୁ ହୋଇଛି। ମୃତକ ଜଣକ ହେଲେ ଖଜୁରୀପଡ଼ାର  ଶିବ ସୁନ୍ଦର ମିଶ୍ର । 

ସୂଚନା ଅନୁଯାୟୀ, କୌଣସି  କାମରେ ଫୁଲବାଣୀ ଆସି ବାଇକରେ ନିଜ ଘରକୁ ଫେରୁଥିବା ବେଳେ ଖଜୁରିପଡା ବନ୍ଧ  ନିକଟରେ ବିପରୀତ ଦିଗରୁ ଆସୁଥିବା ଅନ୍ୟ ଏକ ବାଇକ ସହ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ଶିବ ସୁନ୍ଦର   ଗୁରୁତର  ହୋଇଥିଲେ । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ତାଙ୍କୁ ଉଦ୍ଧାର କରି ପ୍ରଥମେ ଖଜୁରୀପଡ଼ା ମେଡିକାଲରେ ଭର୍ତ୍ତି କରିଥିଲେ। ତେବେ ସ୍ବାସ୍ଥ୍ୟ ଅବସ୍ଥା ସଂକଟାପନ୍ନ ହେବାରୁ ଫୁଲବାଣୀ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଖବର ପାଇ ଖଜୁରୀପଡ଼ା ଅଞ୍ଚଳରେ ଶୋକର ଛାୟା ଖେଳି ଯାଇଛି।ଶିବ ସୁନ୍ଦର ଜଣେ ମେଳାପୀ ଏବଂ ପରୋପକାରୀ ବ୍ୟକ୍ତି ହୋଇଥିବା ବେଳେ ନିକଟରେ ଅବସର ନେଇଥିଲେ। ତାଙ୍କ ଦେହାନ୍ତ ଖବର ପାଇ ଶିକ୍ଷକ ସଂଘ ସଭାପତି ଗୋପୀନାଥ ପ୍ରଧାନ,ଶିକ୍ଷକ ଅଲେଖ ଦାସ,ସି ଆର ସି ସି ସୁନିଲ କୁମାର ବେହେରା,ଯୁବ ସମାଜ ସେବୀ ଅନନ୍ତ କୁମାର୍ ଦିଗାଲ ପ୍ରମୂଖ ଶୋକ ପ୍ରକାଶ କରିଛନ୍ତି।