ମୁମ୍ବାଇ ୧୬/୦୯: ଫିଲ୍ମ ‘ବୈଜୁ ବାୱରା’ର ଲିଡ୍‌ ଲେଡି ଖୋଜୁଛନ୍ତି ଫିଲ୍ମମେକର୍‌  ସଂଜୟ ଲୀଲା ଭଂସାଲୀ । ଚର୍ଚ୍ଚା ହେଉଛି, ଅଭିନେତ୍ରୀ ରିୟା ଚକ୍ରବର୍ତ୍ତୀ  କାଳେ ଫିଲ୍ମ ପାଇଁ ଅଡିସନ୍‌ ଦେଇଛନ୍ତି । ତେବେ ରିୟା ଫିଲ୍ମର ନାୟିକା ହେବେ କି ନାହିଁ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । କିନ୍ତୁ  ଏହି ଅଡିସନ୍‌ ଜରିଆରେ ପୁଣି ଥରେ ବଲିଉଡ୍‌କୁ ଫେରିବାକୁ ସେ  ଚେଷ୍ଟା କରୁଛନ୍ତି ବୋଲି ଗଣମାଧ୍ୟମରେ ଚର୍ଚ୍ଚା ହେଉଛି । ଫିଲ୍ମ ‘ବୈଜୁ  ବାୱରା’ରେ ରଣବୀର ସିଂହ ମୁଖ୍ୟ ଅଭିନେତା ଭୂମିକାରେ ନଜନ  ଆସିବେ । ଏହା ପୂର୍ବରୁ ସେ ଭଂସାଲୀଙ୍କ ସହ ୩ଟି ଫିଲ୍ମରେ କାମ  କରିଛନ୍ତି । ଏହା ଜରିଆରେ ଉଭୟ ଏକସଙ୍ଗେ ୪ର୍ଥ  ଫିଲ୍ମରେ କାମ କରିବେ । 

ଗତ କିଛି ଦିନ ତଳେ ଶୁଣାଯାଉଥିଲା,  ଆଲିୟା ଓ ରଣବୀରଙ୍କୁ ଏହି ଫିଲ୍ମ ପାଇଁ  କାଷ୍ଟ୍‌ କରାଯାଇଛି । ‘ରକି ଔର୍‌ ରାନୀ କି  ପ୍ରେମ କାହାନୀ’ରେ ଉଭୟଙ୍କ ଯୋଡ଼ିକୁ  ଦର୍ଶକ ଖୁବ୍‌ ପସନ୍ଦ କରିଥିଲେ । ତେଣୁ  ଭଂସାଲୀ ଉଭୟଙ୍କୁ ‘ବୈଜୁ ବାୱରା’ରେ  କାଷ୍ଟ୍‌ କରିବାକୁ ନିଷ୍ପତ୍ତି ନେଇଛନ୍ତି । ତେବେ ଫିଲ୍ମମେକର୍‌ଙ୍କ ତରଫରୁ  ଲିଡ୍‌ ଲେଡିଙ୍କୁ ନେଇ କୌଣସି  ସୂଚନା ମିଳିନାହିଁ । ପୂର୍ବତନ  ପୁରୁଷ ବନ୍ଧୁ ସୁଶାନ୍ତ  ସିଂହ ରାଜପୁତଙ୍କ  ନିଧନ ପରେ ରିୟା  ମାତ୍ର ଗୋଟିଏ  ଫିଲ୍ମରେ କାମ  କରିଛନ୍ତି । ଏ  ବର୍ଷ ରିୟଲିଟି  ଶୋ’ ‘ଏମ୍‌ଟିଭି  ରୋଡିଜ୍‌: କର୍ମ  ୟା କାଣ୍ଡ୍‌’  ଜରିଆରେ  ସେ ଛୋଟ  ପରଦାକୁ  ଫେରିଛନ୍ତି।  ଏବେ ସେ  ଭଲ ବଲିଉଡ୍‌  ପ୍ରୋଜେକ୍ଟ  ଖୋଜୁଛନ୍ତି ।