ଭୁବନେଶ୍ୱର,୦୬/୦୯: ଦିନ ଦ୍ୱିପ୍ରହରରେ ପୋଲିସ ଘରେ କଳାକନା ବୁଲାଇଲେ ଲୁଟେରା । ଘରର ତାଲା ଭାଙ୍ଗି ଭିତରେ ପଶିଥିଲେ ଚୋର । ପରେ ଘରର ଗଡ୍ରେଜ ଭାଙ୍ଗି ଲୁଟିନେଲେ ଲକ୍ଷାଧିକ ଟଙ୍କାର ସୁନାଗହଣା, ୧୦ ହଜାରରୁ ଅଧିକ ଟଙ୍କା, ପୁରୁଣା କଏନ ସହ ଦାମୀ ଘଣ୍ଟା । ଭୁବନେଶ୍ୱର ଲୋୟର ପିଏମଜି ଛକ ପଛପଟ ୨୯/୪ ନମ୍ୱର କ୍ୱାର୍ଟରରେ ଏଭଳି ଘଟଣା ଘଟିଛି । 

ସୂଚନା ଅନୁଯାୟୀ, ଗୁରୁବାର ଦିନ ଦ୍ୱିପ୍ରହରରେ ପୋଲିସ ବାବୁଙ୍କ ଘରେ ତାଙ୍କ ପରିବାରର ସଦସ୍ୟ ଉପସ୍ଥିତ ନଥିଲେ । ଏହାର ମଉକା ଉଠାଇ ଘରେ ପଶିଥିଲେ ଚୋର । କ୍ୱାର୍ଟର ଘରର ତାଲା ଭାଙ୍ଗି ଘରେ ପଶି ଲୁଟିନେଲେ ଦୁର୍ବୃତ୍ତ । ଘରର ଗଡ୍ରେଜ ଭାଙ୍ଗି ଲକ୍ଷାଧିକ ଟଙ୍କାର ସୁନାଗହଣା,୧୦ ହଜାରରୁ ଅଧିକ ଟଙ୍କା, ପୁରୁଣା କଏନ ସହ ଦାମୀ ଘଣ୍ଟା ଲୁଟି ନେଲେ ଚୋର । ପରେ ଘରେ ପହଞ୍ଚି ଏହି ଲୁଟ୍‌ ହୋଇଥିବାର ଦେଖିବାକୁ ପାଇଥିଲେ ପୋଲିସ ଏବଂ ତାଙ୍କ ପରିବାର ଲୋକେ । ଏହା ଦେଖି ଖାରବେଳ ନଗର ଥାନାରେ ଏକ ଲିଖିତ ଅଭିଯୋଗ କରିଥିଲେ । ଉକ୍ତ ଅଭିଯୋଗ ଆଧାରରେ ଘଟଣା ସ୍ଥଳରେ ପହଞ୍ଚି ଖୋଳତାଡ଼ ଜାରି ରଖିଛି ଖାରବେଳ ନଗର ଥାନା ପୋଲିସ । ଲୁଟେରା ମାନେ କିଏ କେଉଁ ଅଞ୍ଚଳର ସେନେଇ ଖୋଳତାଡ଼ କରୁଛି ପୋଲିସ ।