ପ୍ରମୁଖ ଖବର
  • ସାଲେପୁର : ବିପୁଳ ପରିମାଣର ଚୋରା ବିଦେଶୀ ମଦ ଜବତ, ବେପାରୀ ଫେରାର
  • ||
  • ଚାନ୍ଦବାଲିରୁ ଶାହାଙ୍କ ହୁଙ୍କାର । ଚିଟଫଣ୍ଡ ଦୁର୍ନୀତିଖୋରଙ୍କୁ ଜେଲ ପଠାଇବୁ, ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବୁ
  • ||
  • ବାଣୀବିହାର ସତସଙ୍ଗ ପାର୍କ ଆଗରେ ପୋଲିସ ଗାଡ଼ି ଦୁର୍ଘଟଣା, ୭ ଆହତ
  • ||
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ପରମାଣୁ ଅସ୍ତ୍ରରେ ଯୁଦ୍ଧାଭ୍ୟାସ କରିବ ରୁଷୀ ସେନା, ୟୁକ୍ରେନ୍‌ରେ ନାଟୋ ସୈନ୍ୟ ମୁତୟନ ଆଶଙ୍କା

ମସ୍କୋ, ୮।୫: ୟୁକ୍ରେନ୍‌ରେ ନାଟୋ ଏବଂ ପାଶ୍ଚାତ୍ୟ ଦେଶଗୁଡ଼ିକ ନିଜ ସୈନ୍ୟ ମୁତୟନ କରିବା ନେଇ ଆଶଙ୍କା ପ୍ରକାଶ ପାଇବା ପରେ ରୁଷ୍‌ ଏକ ବଡ଼ ନିଷ୍ପତ୍ତି ନେଇଛି । ରୁଷ୍‌ର ସେନା ପରମାଣୁ ଅସ୍ତ୍ରରେ ଯୁଦ୍ଧାଭ୍ୟାସ କରିବ ବୋଲି ଜଣାପଡ଼ିଛି । ରାଷ୍ଟ୍ରପତି ଭ୍ଲାଦିମିର ପୁଟିନ୍‌ ଏହି ନିର୍ଦ୍ଦେଶ ଜାରି କରିଛନ୍ତି । ଯୁଦ୍ଧାଭ୍ୟାସରେ ଦେଶର ନୌସେନା ଏବଂ ୟୁକ୍ରେନ୍‌ ସୀମାରେ ମୁତୟନ ହୋଇଥିବା ସୈନ୍ୟମାନେ ବି ସାମିଲ ହେବେ । ରୁଷ୍‌ର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ଯୁଦ୍ଧାଭ୍ୟାସ ବେଳେ ବୈଷୟିକ ପରମାଣୁ ଅସ୍ତ୍ର ମୁତୟନ ଉପରେ ଫୋକସ୍‌ କରାଯିବ । 

ତେବେ ଏହି ସମରାଭ୍ୟାସ କେବେ ହେବ, ତାହା ନେଇ କୌଣସି ସୂଚନା ଦିଆଯାଇ ନାହିଁ । ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍‌ ମାକ୍ରନ୍‌ ଗତ ସପ୍ତାହରେ କହିଥିଲେ କି ଯଦି ୟୁକ୍ରେନ୍‌ ସହାୟତା ମାଗେ, ତେବେ ଫ୍ରାନ୍ସ ଏହାର ସୈନ୍ୟ ପଠାଇବ । ଏ ନେଇ କୌଣସି ସମସ୍ୟା ନାହିଁ । ମାକ୍ରନ୍‌ଙ୍କ ବୟାନର ଠିକ୍‌ ଦୁଇଦିନ ପରେ ବ୍ରିଟେନ୍‌ର ବିଦେଶ ମନ୍ତ୍ରୀ ଡେଭିଡ୍‌ କ୍ୟାମେରନ୍‌ କହିଥିଲେ ଯେ ୟୁକ୍ରେନ୍‌ ଯଦି ଚାହେଁ, ତେବେ ଆକ୍ରମଣ ନିମନ୍ତେ ବ୍ରିଟିଶ ଅସ୍ତ୍ରଶସ୍ତ୍ର ବ୍ୟବହାର କରିପାରେ । ବ୍ରିଟେନ୍‌ ଓ ଫ୍ରାନ୍ସର ଏଭଳି ବୟାନ ପରେ ରୁଷ୍‌ ଅଧିକ ସତର୍କ ହୋଇଯାଇଛି । ନିଜକୁ ଶକ୍ତିଶାଳୀ ବନାଇବା ଏବଂ ନାଟୋ ଓ ପାଶ୍ଚାତ୍ୟ ଦେଶକୁ କଡ଼ା ଜବାବ ଦେବା ଲାଗି ରୁଷ୍‌ ପରମାଣୁ ଅସ୍ତ୍ରଶସ୍ତ୍ରରେ ସମରାଭ୍ୟାସ ନିମନ୍ତେ ନିଷ୍ପତ୍ତି ନେଇଛି । ୟୁକ୍ରେନ୍‌ ସହ ଯୁଦ୍ଧ ଆରମ୍ଭ ହେବା ଦିନରୁ ରୁଷ୍‌ ସବୁବେଳେ ପରମାଣୁ ଆକ୍ରମଣ ଧମକ ଦେଇଆସୁଛି । ଏମିତି କି ପରମାଣୁ ଅସ୍ତ୍ର ପରୀକ୍ଷା ବି କରିଛି । ପଡ଼ୋଶୀ ୟୁକ୍ରେନ୍‌ରେ ନାଟୋ ଓ ପାଶ୍ଚାତ୍ୟ ଦେଶଗୁଡ଼ିକର ଅଯଥା ହସ୍ତକ୍ଷେପକୁ ବିରୋଧ କରି ରୁଷ୍‌ ଆକ୍ରମଣ କରିଥିଲା । 

୨୦୨୨ ଫେବ୍ରୁଆରୀ ୨୪ରୁ ଏହି ଯୁଦ୍ଧ ଲାଗିରହିଛି । ରୁଷ୍‌ ରାଷ୍ଟ୍ରପତି ପୁଟିନ୍‌ ପ୍ରାୟ ୨ ମାସ ତଳେ ଏକ ସାକ୍ଷାତକାରରେ ଆମେରିକାକୁ ପରମାଣୁ ଆକ୍ରମଣ ନେଇ ଚେତାବନୀ ଦେଇଥିଲେ । କହିଥିଲେ, ଯଦି ଆମେରିକା ନିଜ ସୈନିକଙ୍କୁ ୟୁକ୍ରେନ୍‌ ପଠାଏ, ତେବେ ଏହାଦ୍ୱାରା ଯୁଦ୍ଧ ଆହୁରି ଲମ୍ବିବ । ତେବେ ରୁଷ୍‌ ପରମାଣୁ ଯୁଦ୍ଧ ପାଇଁ ପ୍ରସ୍ତୁତ କି ବୋଲି ପ୍ରଶ୍ନରେ ରାଷ୍ଟ୍ରପତି କହିଥିଲେ, ଆମେ ପରମାଣୁ ଯୁଦ୍ଧ ଆଡ଼କୁ ଅଗ୍ରସର ହେଉନାହୁଁ । ଏ ପର୍ଯ୍ୟନ୍ତ ଏହା ଜରୁରି ବୋଲି ଆମେ ଅନୁଭବ କରିନାହୁଁ । କିନ୍ତୁ ସାମରିକ ଓ ରଣନୀତିକ ଆଧାରରେ ଆମେ ଏଥିଲାଗି ପ୍ରସ୍ତୁତ । 

ଗତ ବର୍ଷ ମାର୍ଚ୍ଚ ୨୫ରେ ରୁଷ୍‌ ରାଷ୍ଟ୍ରପତି ପୁଟିନ୍‌ ପଡ଼ୋଶୀ ମିତ୍ର ଦେଶ ବେଲାରୁଷରେ ପରମାଣୁ ଅସ୍ତ୍ର ମୁତୟନ ନେଇ ଘୋଷଣା କରିଥିଲେ । ପୁଟିନ୍‌ କହିଥିଲେ କି ବେଲାରୁଷ ରାଷ୍ଟ୍ରପତି ଆଲେକଜାଣ୍ଡର ଲୁକାଶେଙ୍କୋ ଦୀର୍ଘଦିନ ହେଲା ପରମାଣୁ ଅସ୍ତ୍ରଶସ୍ତ୍ର ତାଙ୍କ ଦେଶରେ ମୁତୟନ ଲାଗି ଦାବି କରୁଥିଲେ । ବେଲାରୁଷ ସହିତ ଆମର ଉତ୍ତମ ସାମରିକ ସମ୍ପର୍କ ଥିବାରୁ ଆମେ ପରମାଣୁ ମୁତୟନ କରିଛୁ । ୧୯୯୦ ପରେ ପ୍ରଥମ ଥର ପାଇଁ ରୁଷ୍‌ ଅନ୍ୟ ଦେଶକୁ ପରମାଣୁ ଅସ୍ତ୍ର ପଠାଇଥିଲା । ସେହିଭଳି ଆମେରିକା ମଧ୍ୟ ବ୍ରିଟେନ, ବେଲଜିୟମ, ଜର୍ମାନୀ, ଇଟାଲୀ, ନେଦରଲାଣ୍ଡସ, ତୁର୍କୀ ସମେତ ଅନେକ ୟୁରୋପୀୟ ଦେଶରେ ନିଜ ପରମାଣୁ ଅସ୍ତ୍ର ମୁତୟନ କରି ରଖିଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.