ଭୁବନେଶ୍ବର,୨୪।୪ : କମିବନି ତାତି । ବରଂ ଆହୁରି ବଢିବ । ଆହୁରି ପାଞ୍ଚ ଦିନ ତତଲା କଡେଇରେ ଭାଜି ହେବ ଓଡିଶା। ୨୫ ତାରିଖ ପାଇଁ ଗଞ୍ଜାମ ଓ ଗଜପତି ଜିଲ୍ଲାକୁ ଅରେଞ୍ଜ ଓ୍ବାର୍ଣ୍ଣିଂ ଆଲର୍ଟ ଜାରି ହୋଇଛି। ଏହି ଦୁଇ ଜିଲାକୁ ସିଭିୟର ହିଟ୍ ଓ୍ବେଭ ଓ୍ବାର୍ଣ୍ଣିଂ ଜାରି କରାଯାଇଛି । ସେହିପରି ୨୭ ଓ ୨୮ରେ ବି ଅଧିକ କଲବଲ କରିବ ତତଲା ଝାଞ୍ଜି ପବନ ଓ ମୁଣ୍ଡ ଫଟା ଖରା । ଆଗାମୀ ପାଞ୍ଚ ଦିନ ହିଟ୍ ୱେଭ ଓ ସିଭିୟର ହିଟ ୱେଭ ପାଇଁ ସତର୍କ ଜାରି କରିଛି ପାଣିପାଗ ବିଭାଗ । ଆଗାମୀ ୨୪ ଘଣ୍ଟା ପାଇଁ ନର୍ଥ କୋଷ୍ଟାଲ ଓଡ଼ିଶା, ସାଉଥ କୋଷ୍ଟାଲ ଓଡ଼ିଶାର ଜିଲ୍ଲା ପାଇଁ ସତର୍କ ଜାରି କରାଯାଇଛି ।
୨୭ ଓ ୨୮ ତାରିଖ ପାଇଁ ମୟୁରଭ୍ଞ୍ଜ, ବୌଦ୍ଧ, ଖୋର୍ଦ୍ଧା ଜଗତସିଂହପୁର, ସୋନପୁର, ନୂଆପଡ଼ା, କେଉଁଝର, ସୁନ୍ଦରଗଡ, କଳାହାଣ୍ଡି, ବାଲେଶ୍ବର ଜିଲ୍ଲାରେ ହିଟୱେବ ସହ ସିଭିୟର ହିଟ ୱେବ ରହିବ। ଏହାଛଡ଼ା ଆଗାମୀ ୫ ଦିନରେ ଅନେକ ଜିଲ୍ଲାରେ ୪୫ ଡ଼ିଗ୍ରୀ ଉପରେ ମଧ୍ୟ ପାରଦ ରେକର୍ଡ କରାଯାଇପାରେ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ୩୦ ତାରିଖ ବେଳକୁ ଆଶା କରାଯାଉଛି ବର୍ଷା ହୋଇପାରେ କିନ୍ତୁ ବହୁତ କମ ପରିମାଣର ବର୍ଷା ହେବ। ତେବେ ୧୫ ତାରିଖଠୁ ଲଗାତାର ୯ ଦିନ ଧରି ହିଟ୍ ଓ୍ବେଭ ଚାଲିଥିବା ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦେଶକା ମନୋରମା ମହାନ୍ତି କହିଛନ୍ତି।
