ନୂଆଦିଲ୍ଲୀ,୨୩/୫ : ଶାହରୁଖ ଖାନଙ୍କ ସ୍ବାସ୍ଥ୍ୟବସ୍ଥାକୁ ନେଇ ସାମ୍ନାକୁ ଆସିଲା ନୂଆ ଅପଡେଟ୍ । କିଙ୍ଗ୍ ଖାନଙ୍କ ମ୍ୟାନେଜର ପୋଷ୍ଟ ସେୟାର କରି ଲେଖିଛନ୍ତି କି ଶାହରୁଖଙ୍କ ସ୍ବାସ୍ଥ୍ୟ ଏବେ ପୂର୍ବାପେକ୍ଷା ବହୁତ ଭଲ ଅଛି । ପୂଜା ଲେଖିଛନ୍ତି କି- ମୁଁ ମିଷ୍ଟର ଖାନଙ୍କ ସମସ୍ତ ଶୁଭେଚ୍ଛୁ ଏବଂ ଫ୍ୟାନ୍ସଙ୍କୁ ଏହି କଥା କହିବାକୁ ଚାହୁଁଛି କି ତାଙ୍କ ସ୍ବାସ୍ଥ୍ୟବସ୍ଥା ପୂର୍ବଠାରୁ ଭଲ ଅଛି । ଆପଣଙ୍କ ଭଲପାଇବା, ପ୍ରାର୍ଥନା ଲାଗି ଧନ୍ୟବାଦ । ଏହାସହ ପୂଜା ହାତ ଯୋଡ଼ିବାର ଏକ ଇମୋଜି ପୋଷ୍ଟ କରିଛନ୍ତି ।
ପ୍ରକାଶ ଯେ, ୨୧ମଇ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ କୋଲକାତା ନାଇଟ ରାଇଡର୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଆଇପିଏଲ ୨୦୨୪ର ପ୍ରଥମ କ୍ବାଲିଫାୟର ମ୍ୟାଚ୍ ଖେଳାଯାଇଥିଲା । ଏହି ମୁକାବିଲାରେ କେକେଆର ବାଜି ମାରି ନେଇଥିଲା ଏବଂ ଚତୁର୍ଥ ଥର ଫାଇନାଲରେ ଏଣ୍ଟ୍ରି କରିଛି । ଏହି ମ୍ୟାଚ ଲାଗି ଶାହରୁଖ ଖାନ ଦୁଇ ଦିନରୁ ଅହମ୍ମଦାବାଦ ଆସିଥିଲେ । ଗରମ ଅଧିକ ହେବା କାରଣରୁ ତାଙ୍କର ଡିହାଇଡ୍ରେଶନ ହୋଇଥିଲା । ମ୍ୟାଚ୍ ପରେ ଶାହରୁଖ ଖାନ ପଡ଼ିଆରେ ବହୁ ସମୟ ପର୍ଯ୍ୟନ୍ତ ରହିଥିଲେ ଏବଂ ଫ୍ୟାନ୍ସଙ୍କୁ ଧନ୍ୟବାଦ ଦେଇଥିଲେ । ଏହାପରେ ବିଳମ୍ବିତ ରାତିରେ ସେ ନିଜ ଟିମ୍ ସହ ଅହମ୍ମଦାବାଦର ଏକ ପଞ୍ଚ ତାରକା ହୋଟେଲରେ ପହଞ୍ଚିଥିଲେ । ଯେଉଁଠାରେ ତାଙ୍କୁ ଟିମ୍ ସହ ଭବ୍ୟ ସ୍ବାଗତ କରାଯାଇଥିଲା ।
Pooja Dadlani, manager of actor Shah Rukh Khan says, "...He is doing well..."
— ANI (@ANI) May 23, 2024
Actor Shah Rukh Khan was admitted to KD Hospital in Ahmedabad, Gujarat yesterday due to heat stroke and dehydration. https://t.co/YKeELW0t9b pic.twitter.com/o40nbML3fA
ଶାହରୁଖ ଖାନଙ୍କ ୨୨ମଇ ସକାଳେ ସ୍ବାସ୍ଥ୍ୟ ବିଗିଡ଼ିଥିଲା । ଯାହାପରେ ତାଙ୍କୁ ଅପରାହ୍ନ ୧ଟାବେଳେ କେଡି ହସ୍ପିଟାଲକୁ ନିଆଯାଇଥିଲା । ସେଠାରେ ପ୍ରାଥମିକ ଚିକିତ୍ସା କରାଯାଇଥିଲା । ଏବେ ତାଙ୍କ ସ୍ବାସ୍ଥ୍ୟରେ ବହୁ ସୁଧାର ଦେଖିବାକୁ ମିଳିଛି । ଆଶା କରାଯାଉଛି କି ଶାହରୁଖଙ୍କୁ ୨୩ମଇ ସନ୍ଧ୍ୟା କିମ୍ବା ରାତି ସୁଦ୍ଧା ଛାଡ଼ି ଦିଆଯିବ । ମାତ୍ର ଡାକ୍ତର କିମ୍ବା ମ୍ୟାନେଜର ପୂଜାଙ୍କ ପକ୍ଷରୁ ଏହା ଉପରେ ଏବେ ପର୍ଯ୍ୟନ୍ତ କୌଣସି ଖବର ସାମ୍ନାକୁ ଆସିନାହିଁ ।
