ନୂଆଦିଲ୍ଲୀ ୧୭/୯: ବଲିଉଡ ବାଦଶାହ ଶାହରୁଖ ଖାନଙ୍କ ଷ୍ଟାରଡମ୍ ସମ୍ପର୍କରେ ତ ଆପଣାନେ ଜାଣିଥିବେ । ନିକଟରେ ରିଲିଜ୍ ହୋଇଥିବା ତାଙ୍କ ଫିଲ୍ମ ଜବାନ ବକ୍ସ ଅଫିସରେ ଭଲ ଆୟ କରୁଛି । ଫିଲ୍ମକୁ ନେଇ ଏତେ କ୍ରେଜ୍ କି ସକାଳ ୬ଟାରୁ ଶୋ ମଧ୍ୟ ଜହରଦସ୍ତ ହେଉଛି । ତେବେ ଏହା ମଧ୍ୟରେ ଏକ ଭିଡିଓ ଏବେ ଭାଇରାଲ ହେଉଛି ଯେଉଁଥିରେ ଶାହରୁଖ ଖାନଙ୍କ ଜଣେ ଫ୍ୟାନ୍ ଭେଣ୍ଟିଲେଟରରେ ବସି ବସି ତାଙ୍କ ଫିଲ୍ମ ଦେଖୁଛନ୍ତି ।
ଟ୍ୱିଟରରେ ଭାଇରାଲ ହେଉଥିବା ଏହି ଭିଡିଓରେ ଆପଣ ଦେଖିପାରିବେ କି କେମିତି ଶାହରୁଖ ଖାନଙ୍କ ଜଣେ ଫ୍ୟାନ୍ ଭେଣ୍ଟିଲେଟର ମେସିନ ସହିତ ସିନେମା ହଲକୁ ଯାଇ ତାଙ୍କ ଫିଲ୍ମ ଦେଖିଛନ୍ତି । ଭିଡିଓରେ ନଜର ଆସୁଛି କି ବ୍ୟକ୍ତି ଜଣକ ଅନିସ ଫାରୁଖୀ, ଯିଏ କି ଦିବ୍ୟାଙ୍ଗ । ସେ ଅନେକ ବର୍ଷ ହେବ ଭେଣ୍ଟିଲେଟରରେ ଅଛନ୍ତି । ତେବେ ଜବାନ ଫିଲ୍ମ ରିଲିଜ୍ ହେବା ପରେ ସେ ଆଉ ଅଟକି ପାରିଲେନି । ସିନେମା ହଲ୍ ଗଲେ ଏବଂ ନିଜ ପ୍ରିୟ ଷ୍ଟାରଙ୍କ ଫିଲ୍ମ ଦେଖିଲେ । ସିନେମାହଲ ବାହାରେ ମଧ୍ୟ ସେ ଭେଣ୍ଟିଲେଟର ମେସିନ୍ ସହିତ ନଜର ଆସିଛନ୍ତି । ଅନିସଙ୍କ ପାଇଁ ତାଙ୍କ ପରିବାର ସ୍ପେଶାଲ ସ୍କ୍ରିନିଂ କରାଇ ତାଙ୍କୁ ଫିଲ୍ମ ଦେଖାଇଛନ୍ତି । ଏହି ଅବସରରେ ସାରା ସିନେମାହଲ୍ ଖାଲି ଥିଲା ଏବଂ ଅନିସ୍ ଆରାମରେ ଶାହରୁଖଙ୍କ ଫିଲ୍ମ ଦେଖିଛନ୍ତି ।
IMMENSE RESPECT: Anees farooqi , a physically challenged guy visits to watch #Jawan on Ventilator.. Proud to be a @iamsrk fan.. pic.twitter.com/StXF58obPs
— ℣αɱριя౯ (@SRKsCombatant) September 15, 2023
ଆପଣଙ୍କୁ କହିରଖୁଛୁ ଅନେକ ବର୍ଷ ପରେ ଗତ ବର୍ଷ ପରେ ଶାହରୁଖଙ୍କ ଫିଲ୍ମ ପଠାନ ରିଲିଜ୍ ହୋଇଥିଲା । ଏହି ଫିଲ୍ମ ଜରିଆରେ ଶାହରୁଖ ଦମଦାର କମବ୍ୟାକ୍ କରିଥିଲେ । ଏହା ପରେ ଜବାନ ଉପରେ କୋଟି କୋଟି ଲୋକଙ୍କ ନଜର ରହିଥିଲା । ଅଟଲି କୁମାରଙ୍କ ନିର୍ଦ୍ଦେଶିତ ଏହି ଫିଲ୍ମରେ ଶାହରୁଖ ମୁଖ୍ୟ ଭୂମିକାରେ ନଜର ଆସୁଛନ୍ତି । ଫିଲ୍ମଟି ଭଲ ଆୟ କରୁଛି । ତେବେ ଶାହରୁଖଙ୍କ ଆଗାମୀ ଫିଲ୍ମ ଡଙ୍କିକୁ ସମସ୍ତେ ଅପେକ୍ଷା କରି ରହିଛନ୍ତି ।
