ମୟୁରଭଞ୍ଜ, ୭।୬: ବନ୍ଦ ରହିବ ଶିମିଳିପାଳ । ସବୁ ବର୍ଷ ଭଳି ଏବର୍ଷ ମଧ୍ୟ ମୌସୁମୀ ଆସିବା ସହିତ ପର୍ଯ୍ୟଟକଙ୍କ ଲାଗି ବନ୍ଦ ରହିବ ଶିମିଳିପାଳ ଅଭୟାରଣ୍ୟ । ଶିମିଳିପାଳ ବ୍ୟାଘ୍ର ପ୍ରକଳ୍ପ ପକ୍ଷରୁ ଆସନ୍ତା ଜୁନ୍ ୧୨ରୁ ସେପ୍ଟେମ୍ବର ୩୦ ତାରିଖ ଯାଏଁ ବର୍ଷା ଋତୁ ଲାଗି ଏହି ବନ୍ଦ ବଳବତ୍ତର ରହିବ । 

ବର୍ତ୍ତମାନ ପାଇଁ କେବଳ ଦୈନିକ ବୁଲିବାକୁ ଯାଉଥିବା ପର୍ଯ୍ୟଟକଙ୍କ ଲାଗି ଶିମିଳିପାଳ ବନ୍ଦ ରହିବ । ଅନ୍ୟପକ୍ଷେ, ଇକୋ ଟୁରିଜିମ୍ ମାଧ୍ୟମରେ ଅଗ୍ରୀମ ବୁକିଂ କରିଥିବା ପର୍ଯ୍ୟଟକଙ୍କ ଲାଗି ଖୋଲା ରହିବ ବୋଲି କହିଛନ୍ତି ଏସଟିଆର୍‌ର କ୍ଷେତ୍ର ନିର୍ଦ୍ଦେଶକ ପ୍ରକାଶ ଚାନ୍ଦ ଗୋଗୀନେନି । ସୂଚନାନୁସାରେ, ଶିମିଳିପାଳସ୍ଥିତ ପର୍ଯାବରଣ ପର୍ଯ୍ୟଟନ ସ୍ଥଳୀ ଯଥା ଯାମୁଆଣି, ଗୁଡ଼ଗୁଡ଼ିଆ, କୁମାରୀ, ବରେହି ପାଣି ଏବଂ ରାମତୀର୍ଥ ପ୍ରମୁଖ ଯଥାରୀତି ଭାବରେ ଖୋଲା ରହିବ । ଅଭୟାରଣ୍ୟ ପୁନର୍ବାର ଖୋଲାଯିବାର ତାରିଖ ପ୍ରଶାସନ ପକ୍ଷରୁ ପୁନର୍ବାର ସୂଚିତ କରାଯିବ ।