ଝାରସୁଗୁଡା,୦୩/୦୮: ଝାରସୁଗୁଡା ଏସ୍ଏମସି-୨ ପାୱାର ପ୍ଲାଣ୍ଟରେ ଲୋମଟାଙ୍କୁରା ଦୁର୍ଘଟଣା । ବ୍ଲାଷ୍ଟ ଫରନେସ ଉପରୁ ପଡି ଜିଅନ୍ତା ଜଳିଗଲେ ଶ୍ରମିକ । ମୃତକଙ୍କ ପରିଚୟ ଅସ୍ପଷ୍ଟ ଥିବା ବେଳେ ସେ ବିହାରର ବୋଲି ଜଣାପଡିଛି । 

ସୂଚନା ଅନୁଯାୟୀ, ଏସ୍ଏମସି-୨  ପାୱାର ପ୍ଲାଣ୍ଟରେ କାର୍ଯ୍ୟରତ ଥିବାବେଳେ ବ୍ଲାଷ୍ଟ ଫରନେସ ଉପରୁ ପଡି ଜଣେ ଶ୍ରମିକ ଜୀବନ୍ତ ଦଗ୍ଧ ହୋଇଯାଇଛନ୍ତି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚିଛି । ମୃତକଙ୍କ ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଦିଆଯାଇଛି । ତେବେ ମୃତକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରି ନାହିଁ । ସେ ବିହାର ରାଜ୍ୟର ବାସିନ୍ଦା ବୋଲି ଜଣାପଡିଛି । ନିରାପତ୍ତା ବ୍ୟବସ୍ଥା ଢିଲା ଥିବାରୁ ଶ୍ରମିକ ଜଣକ ପ୍ରାଣ ହରାଇଥିବା ନେଇ ଅଭିଯୋଗ ହୋଇଛି ।