ନୂଆଦିଲ୍ଲୀ, ୬/୮ :  ବଲିଉଡ଼ ଅଭିନେତା ସୋନୁ ସୁଦ ନିକଟରେ ସୋସିଆଲ ମିଡ଼ିଆରେ ଏକ ଭିଡ଼ିଓ ସେୟାର କରିଛନ୍ତି । ଏହି ଭିଡ଼ିଓରେ ଏକ ବାଙ୍ଗଲାଦେଶୀ ହିନ୍ଦୁ ମହିଳା ସାହାଯ୍ୟର ଅପିଲ କରୁଥିବା ଦେଖାଯାଉଛନ୍ତି । ସୋନୁ ସୁଦ ଏହି ଭିଡ଼ିଓ ନିଜ ଟ୍ବିଟର ହ୍ୟାଣ୍ଡେଲରେ ସେୟାର କରିଛନ୍ତି ଏବଂ ଅପିଲ କରିଛନ୍ତି କି ସବୁ ଲୋକ ବାଙ୍ଗଲାଦେଶରେ ଫଶିଥିବା ଭାରତୀୟଙ୍କୁ ସେଠାରୁ ବାହାର କରିବାକୁ ସାହାଯ୍ୟ କରନ୍ତୁ । ଭିଡ଼ିଓ ସେୟାର କରି ସୋନୁ ସୁଦ ଲେଖିଛନ୍ତି କି, ନିଜ ଭାରତୀୟ ଭାଇଙ୍କୁ ବାଙ୍ଗଲାଦେଶରୁ ସୁରକ୍ଷିତ ଫେରାଇ ଆଣିବାକୁ ଆମେ ନିଜ ତରଫରୁ ଯଥା ଚେଷ୍ଟା ସମ୍ଭବ କରିବା ଆବଶ୍ୟକ ଫଳରେ ତାଙ୍କୁ ଏଠାରେ ଏକ ବହୁତ ଭଲ ଜୀବନ ମିଳିପାରିବ । ଏହା କେବଳ ସରକାରଙ୍କ କର୍ତ୍ତବ୍ୟ ନୁହେଁ ଯିଏ ସ୍ଥିତି ସମ୍ଭାଳିବାକୁ ପ୍ରୟାସ କରୁଛନ୍ତି ବରଂ ଆମ ସମସ୍ତଙ୍କର ଅଟେ । ଜୟ ହିନ୍ଦ ’। 

ବାଙ୍ଗଲାଦେଶରେ ଶେଖ ହସିନା ଦେଶ ଛାଇବା ପରେ ବି କେତେକ ସ୍ଥାନରେ ହିଂସା ଦେଖିବାକୁ ମିଳୁଛି । ଅଳ୍ପସଂଖ୍ୟକ ହିନ୍ଦୁଙ୍କୁ ଉପରେ ବି ଏବେ ଆକ୍ରମଣ ହେଉଛି । ଏହା ମଧ୍ୟରେ ରାଷ୍ଟ୍ରପତି ମହମ୍ମଦ ଶାହବୁଦ୍ଦିନ ସଂସଦକୁ ଭଙ୍ଗ କରିଛନ୍ତି । ବାଙ୍ଗଲାଦେଶ ସଂକଟ ଉପରେ ରାଜ୍ୟସଭାରେ ବିଦେଶ ମନ୍ତ୍ରୀ ଜୟ ଶଙ୍କର କହିଛନ୍ତି କି ଆମେ ଏହି ସଙ୍କଟ ଉପରେ ନଜର ରଖିଛୁ । ସୁପ୍ରିମକୋର୍ଟର ନିଷ୍ପତ୍ତି ପରେ ବି ସେଠାରେ ହିଂସା ଜାରି ରହିଛି । ବିଦେଶ ମନ୍ତ୍ରୀ କହିଛନ୍ତି କି ହିନ୍ଦୁ ଅଳ୍ପସଂଖ୍ୟଙ୍କୁ ଟାର୍ଗେଟ କରାଯାଇଛି । ଆ‌ମେ ଢାକା ସମ୍ପର୍କରେ ଅଛୁ । ଶେଖ ହସୀନା ଭାରତ ଆସିବାକୁ ଅନୁମତି ମାଗିଥିଲେ । ଆମେ ବାଙ୍ଗଲାଦେଶରେ ଭାରତୀୟ ସମୁଦାୟ ସହ ସମ୍ପର୍କରେ ଅଛୁ । ବାଙ୍ଗଲାଦେଶରେ ବହୁ ଭାରତୀୟ ଅଛନ୍ତି ଯେଉଁଥିରେ ୯୦୦୦ଛାତ୍ର ଅଛନ୍ତି । ବିଦେଶ ମନ୍ତ୍ରୀ କହିଛନ୍ତି କି ବିଏସଏଫକୁ ବି ଆଲର୍ଟ ରହିବାକୁ କୁହାଯାଇଛି । ଏହା ପୂର୍ବରୁ ଏସ ଜୟଶଙ୍କର ସର୍ବଦଳୀୟ ବୈଠକରେ ବାଙ୍ଗଲାଦେଶର ସଙ୍କଟ ଉପରେ ସୂଚନା ଦେଇଛନ୍ତି ।