ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଡେଙ୍ଗୁ ରୋକିବାକୁ ସ୍ୱତନ୍ତ୍ର ପ୍ରସ୍ତୁତି, ୧୩ ହଜାର ଲେନ୍‌ ବୁଲିବ BMC

ଭୁବନେଶ୍ୱର, ୧୨।୬: ଜନସ୍ୱାସ୍ଥ୍ୟକୁ ଗୁରୁତ୍ୱ ଦେଇ ମଙ୍ଗଳବାର ଭୁବନେଶ୍ୱର ମହାନଗର ନିଗମ ଏବଂ ସିଟି ହେଲ୍‌ଥ ସୋସାଇଟି ପକ୍ଷରୁ ଅନୁଷ୍ଠିତ ହୋଇଯାଇଛି ତୃଣମୂଳ କର୍ମୀଙ୍କ ପ୍ରଶିକ୍ଷଣ ବୈଠକ । ମେୟର ସୂଲୋଚନା ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ନାଗରିକମାନଙ୍କୁ ସଚେତନ କରାଇବା ସହିତ ସେମାନଙ୍କୁ ଡେଙ୍ଗୁ ପ୍ରତିରୋଧ ଉପାୟ ଆପଣେଇବା ନିମନ୍ତେ ଏହି ଶିବିରର ଆୟୋଜନ କରାଯାଇଛି । ଭୁବନେଶ୍ୱରର ଘରେ ଘରେ ଯେପରି ଏହି ବାର୍ତ୍ତା ପହଞ୍ଚିବ ସେଥିପାଇଁ ପ୍ରସ୍ତୁତ ହୋଇଛନ୍ତି ପ୍ରାୟ ୮୦୦ କର୍ମୀ । ଭୁବନେଶ୍ୱରର ପ୍ରତ୍ୟେକ ୱାର୍ଡରେ ଥିବା ଅଙ୍ଗନୱାଡି କର୍ମୀ, ଆଶା କର୍ମୀ, ସ୍ୱଚ୍ଛସାଥୀଙ୍କ ପାଇଁ ସ୍ୱତନ୍ତ୍ର ରଣନୀତି ହୋଇଛି । ୩ଟି ପ୍ରଶିକ୍ଷଣ ଶିବିରର ଆୟୋଜନ କରି ସମସ୍ତ ଜୋନ୍‌ର ଅଙ୍ଗନୱାଡି କର୍ମୀ, ଆଶାକର୍ମୀ, ସ୍ୱଚ୍ଛସାଥୀଙ୍କୁ ଏହି ପ୍ରଶିକ୍ଷଣ ଦିଆଯାଉଛି । ଭୁବନେଶ୍ୱରର ୬୭ ୱାର୍ଡକୁ ୧୩୦୦୦ ଲେନ୍‌ରେ ବିଭକ୍ତ କରାଯାଇଛି । 

ଏଥିପାଇଁ ବିଏମ୍‌ସି ପକ୍ଷରୁ ସଫା ଆପ୍‌ ପ୍ରୟୋଗକରି ଏହି କର୍ମୀମାନେ ସମ୍ବେଦନଶୀଳ ଘରକୁଯାଇ ସର୍ଭେ କରିବେ । ସମୁଦାୟ ଚାରିଗୋଟି ଫେଜ୍‌ରେ ଏହି ସର୍ଭେ କରିବେ  । ପ୍ରତ୍ୟେକ କର୍ମୀ ୩୫୦ ରୁ ୪୦୦ ଘର ସର୍ଭେ କିରିବାକୁ ଟାର୍ଗେଟ ରଖାଯାଇଛି । ଘର ଚାରିପାଖ, ଘର ଭିତର, ବାହାରେ ବୁଲି ପାଣି ଜମିଥିବା ଅଞ୍ଚଳ ବୁଲି ଦେଖିବେ । ଏଠାରେ ବିଭିନ୍ନ ପ୍ରକାରର ପାଣି ଜମିବା ସ୍ଥାନ, ପାତ୍ର, ଟାୟାର, ଇତ୍ୟାଦି ଦେଖିବେ ଏବଂ ରହିଥିବା ମଶା ଲାର୍ଭାକୁ ନଷ୍ଟ କରିବେ । ଚଳିତ ମାସ ୧୮ ତାରିଖରୁ ଆରମ୍ଭ ହେବାକୁଥିବା ଉକ୍ତ ଗୋଷ୍ଠୀ ସଂଯୋଗ କାର୍ଯ୍ୟକ୍ରମରେ ୪ଟି ଫେଜ୍‌ରେ ଜଣେ କର୍ମୀ ୩୫୦ରୁ ୪୦୦ ଘର ସର୍ଭେ କରିବେ । ସିଟି ହେଲ୍‌ଥ ସୋସାଇଟି ଦ୍ୱାରା ପ୍ରସ୍ତୁତ ସ୍ୱତନ୍ତ୍ର ଲିଫ୍‌ଲେଟ୍‌ କୁ ନେଇ କର୍ମୀମାନେ ଘରକୁ ଘର ବୁଲିବେ । 

ଏହାର ଉପର ଭାଗରେ ଥିବା ସୂଚନା ଦେଇ ନିମ୍ନ ଭାଗରେ ପରିବାରର ସୂଚନା ଆଣିବେ, ସଂପୃକ୍ତ ପରିବାରର ଡେଙ୍ଗୁ ପ୍ରତିରୋଧି ଆଚରଣ ବୁଝିବେ ଓ ଆବଶ୍ୟକୀୟ ପଦକ୍ଷେପ ନେବେ । ଆଜି ଉତ୍ତର ଜୋନ୍‌ ଏବଂ ଦକ୍ଷିଣ ପୂର୍ବ ଜୋନ୍‌ର ୨ଟି ସ୍ୱତନ୍ତ୍ର ପ୍ରଶିକ୍ଷଣରେ ପ୍ରାୟ ୬୦୦ ଅଂଶଗ୍ରହଣକାରୀଙ୍କ ସମେତ କମ୍ୟୁନିଟି ଅର୍ଗାନାଇଜର୍‌, ହେଲ୍‌ଥ ୱାର୍କର, ୱାର୍ଡ ଅଫିସର, ସାନିଟାରି ଇନ୍‌ସପେକ୍ଟର ଯୋଗଦେଇଥିଲେ । କାର୍ଯ୍ୟକ୍ରମରେ ବିଏମ୍‌ସି କମିଶନର ରାଜେଶ ପ୍ରଭାକର ପାଟିଲ ଅଧ୍ୟକ୍ଷତା କରିଥିଲେ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.