ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଶ୍ରୀମନ୍ଦିର ସମ୍ମୁଖରେ ଦାରୁଣ ଦୃଶ୍ୟ: ପାଠ ଛାଡ଼ି କାମ କରୁଛନ୍ତି ଶିଶୁ, ଥାଳି ଧରି ବସିଛନ୍ତି ଦିବ୍ୟାଙ୍ଗ

ପୁରୀ,୦୯/୧୧: ଶ୍ରୀମନ୍ଦିର ସମ୍ମୁଖରେ ଦାରୁଣ ଦୃଶ୍ୟ । ମାଟିରେ ଲୋଟୁଛି ଶୈଶବ । ଥାଳି ଧରି ଭିକ ମାଗୁଛନ୍ତି ଦିବ୍ୟାଙ୍ଗ । ଶ୍ରୀମନ୍ଦିର ହେଉ ଅବା ଶ୍ରୀମନ୍ଦିର ବାହାର, ସବୁଠି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳୁଛି । ଅଭାବ ଅନାଟନରେ ପାଠ ଛାଡ଼ି କାମ କରୁଥିବା ଶିଶୁଙ୍କ ସଂଖ୍ୟା ପୁରୀରେ ବଢ଼ିବାରେ ଲାଗିଛି । ସେହିପରି ସାମାଜିକ ସୁରକ୍ଷା ପାଇବାରୁ ବଞ୍ଚିତ ଭିନ୍ନକ୍ଷମମାନଙ୍କ ସଂଖ୍ୟା ମଧ୍ୟ ବଢ଼ିବାରେ ଲାଗିଛି । ଏମାନେ ସମ୍ବେଦନଶୀଳ ଅଞ୍ଚଳ ଶ୍ରୀମନ୍ଦିର ସମ୍ମୁଖରେ ଭିକ ମାଗୁଥିବା କିମ୍ବା ପେଟପାଟଣା ଚଳାଇବାକୁ ଅନ୍ୟର ନିର୍ଦ୍ଦେଶରେ ଜିନିଷ ବିକ୍ରି କରୁଥିବା ନଜର ଆସୁଛି ।

ଏହି ଅଞ୍ଚଳରୁ ଉଠାଇ ସେମାନଙ୍କୁ ଥଇଥାନ କରିବାକୁ ସରକାରୀ ନିର୍ଦ୍ଦେଶ ବାଟବଣା ହୋଇଯାଇଛି । ଶ୍ରୀମନ୍ଦିର ଭିତର ଓ ବାହାର ଭିକାରୀ ମୁକ୍ତ ନିର୍ଦ୍ଦେଶ ମଧ୍ୟ ପାଳନ ହେଉନି । ବିଶ୍ୱ ମାନଚିତ୍ରରେ ଶ୍ରୀକ୍ଷେତ୍ରକୁ ଏକ ଉତ୍ତମ ନଗର କରିବା ନିମନ୍ତେ ସରକାରୀ ଉଦ୍ୟମ ଜାରି ରହିଛି । ମାତ୍ର ପ୍ରତିଦିନ ଦାରୁଣ ଦୃଶ୍ୟ ଦେଖି ଯାତ୍ରୀଙ୍କ ଉଦ୍‌୍‌ବେଗ ବଢ଼ିବଢ଼ି ଚାଲିଛି ।

ବାତ୍ୟା ଫନି ଓ ଏହାପରେ କୋଭିଡ୍‌ ମହାମାରୀ ଅନେକ ପରିବାରଙ୍କ ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଥିଲା । ବିଶେଷ ଭାବେ ଶିଶୁ, ମହିଳା, ବୟସ୍କ ଓ ଦିବ୍ୟାଙ୍ଗ ପ୍ରଭାବିତ ହୋଇଥିଲେ । ଏମାନଙ୍କୁ ସମସ୍ତ ପ୍ରକାର ସାମାଜିକ ସୁରକ୍ଷା ଯୋଗାଇ ଦେବାକୁ ସରକାର ନିର୍ଦ୍ଦେଶ ଦେଇଥିଲେ । ହେଲେ ପୁରୀ ଜିଲ୍ଲା ପ୍ରଶାସନ ଏହା ପାଳନରେ ଫେଲ୍‌ ମାରିଲା । ସେପଟେ ଧୀରେଧୀରେ ଶ୍ରୀମନ୍ଦିର ଆଗରେ ଶିଶୁ ଶ୍ରମିକ ଓ ଭିକ ମାଗୁଥିବା ଭିନ୍ନକ୍ଷମଙ୍କ ସଂଖ୍ୟା ବଢ଼ୁଥିଲେ ହେଁ ସେମାନଙ୍କ ଥଇଥାନ କରିବାକୁ ପଦକ୍ଷେପ ନିଆଯାଉନି । 

ଶିଶୁ ସୁରକ୍ଷା ବିଭାଗ ଅଧିକାରୀ, ସାମାଜିକ ସୁରକ୍ଷା ଅଧିକାରୀ, ଶ୍ରମ ଅଧିକାରୀମାନେ ଏବେ ନିଜ ଡ୍ୟୁଟି ଛାଡ଼ି ହବିଷ୍ୟାଳି ଶିବିରର ଅତିରିକ୍ତ ଡ୍ୟୁଟି କରୁଛନ୍ତି । ମାତ୍ର ନିଜର ପ୍ରକୃତ କାର୍ଯ୍ୟ କରିବାକୁ କୁନ୍ଥକୁନ୍ଥ ହେଉଛନ୍ତି । ସେମାନଙ୍କ ଆଖି ଆଗରେ ଘଟୁଥିବା ଦାରୁଣ ଦୃଶ୍ୟକୁ ନଜର ଅନ୍ଦାଜ କରୁଛନ୍ତି । ଜିଲ୍ଲା ପ୍ରଶାସନ ପକ୍ଷରୁ ଏଭଳି ଅଭାବ ଅନଟନରେ ଚଳୁଥିବା ପରିବାରଙ୍କ ନିକଟରେ ପହଞ୍ଚିବାକୁ କୌଣସି ସମୀକ୍ଷା ହେଉନଥିବାରୁ ଶ୍ରୀକ୍ଷେତ୍ରରେ ପ୍ରତିଦିନ ଅଭାବନୀୟ ଦୃଶ୍ୟ ଦେଖିବାକୁ ମିଳୁଛି । ପଶୁ ଭଳି ମଣିଷ ରାସ୍ତାରେ ଶୋଉଛି । ଡଷ୍ଟବିନରୁ ଖାଦ୍ୟ ଖାଉଛି । ଅନ୍ୟଦ୍ୱାରା ଶୋଷଣର ଶିକାର ହେଉଛି । ମୌଳିକ ଓ ସାମାଜିକ ଅଧିକାରରୁ ବଞ୍ଚିତ ହେଉଛି । ମାତ୍ର ସେମାନଙ୍କ ସୁରକ୍ଷା ପ୍ରତି ଦୃଷ୍ଟି ଦିଆଯାଉନି । 

ଜିଲ୍ଲା ପ୍ରଶାସନିକ ଅଧିକାରୀ ଦାୟିତ୍ୱହୀନତା ଯୋଗୁ ଶିଶୁ ସୁରକ୍ଷା ଅଧିକାର ଆଇନ ଓ ସାମାଜିକ ସୁରକ୍ଷା ଆଇନ ନାଲି ଫାଇଲ୍‌ ତଳେ ଚାପି ହୋଇ ରହିଯାଇଛି । ଏନେଇ ଜିଲ୍ଲା ସାମାଜିକ ସୁରକ୍ଷା ଅଧିକାର ସୁଭ୍ରାଂଶୁ କୁମାର ମହାରଣା କହିଛନ୍ତି, ଭିକ ମାଗୁଥିବା ଲୋକେ ବାହାରୁ ଅସୁଛନ୍ତି । ସେମାନଙ୍କୁ ଉଠାଇବାକୁ ପଦକ୍ଷେପ ନିଆଯିବ । ଜିଲ୍ଲା ଶିଶୁ ସୁରକ୍ଷା ଅଧିକାରୀ ମନୋଜ ତ୍ରିପାଠୀ କହିଛନ୍ତି, କିଛି ମହିଳାଙ୍କ ସହ ତାଙ୍କ ପିଲାମାନେ ବିକ୍ରି ବଟା କରିବାକୁ ରାସ୍ତାରେ ବସୁଛନ୍ତି । ପୁଲିସକୁ ଏନେଇ ସତର୍କ କରାଯାଇଛି । ତଥାପି ଏହି ଶିଶୁମାନଙ୍କ ସୁରକ୍ଷା ନିମନ୍ତେ ପଦକ୍ଷେପ ନିଆଯିବ

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.