ସାଲେପୁର, ୨।୫ : ନଦୀରେ  ସାଙ୍ଗମାନଙ୍କ ସହିତ ଗାଧୋଇବା ସମୟରେ ବୁଡିଯାଇ ଜଣେ ଛାତ୍ରର ମୃତ୍ୟୁ ଘଟିଛି । ଏଭଳି ଘଟଣା ଘଟିଛି କଟକ ଜିଲ୍ଲା ସାଲେପୁର ବ୍ଳକ ମୁକୃଣ୍ଡି ସ୍ଥିତ ଚିତ୍ରୋତଳା ନଦୀରେ। ମୃତ ଛାତ୍ର ଜଣକ ହେଲେ ସାଲେପୁର ବ୍ଳକ ମୁକୃଣ୍ଡି ଗ୍ରାମର ଅମୂଲ୍ୟ କୁମାର ବେହେରାଙ୍କ ପୁତ୍ର ପ୍ରୀତି ରଂଜନ ବେହେରା।ସେ ସାଲେପୁର କଲେଜର +୨ ଛାତ୍ର ଅଟନ୍ତି।

ମାମୁଁକୁ ପଥରରେ ଛେଚି ଛେଚି ମାରିଲା ନୃଶଂସ ଭଣଜା 

 ସୂଚନା ମୁତାବକ ପ୍ରୀତି ରଂଜନ ବେହେରା ସାଙ୍ଗ ମାନଙ୍କ ସହ  ଚିତ୍ରୋତଳା ନଦୀକୁ ଗାଧୋଇବା ପାଇଁ ଯାଇ ଥିବା ବେଳେ ନଦୀରେ ବୁଡିଯାଇଥିଲେ। ସ୍ଥାନୀୟ ଲୋକେ ଓ ସାଲେପୁର ଅଗ୍ନିଶମ ବାହିନୀ ବହୁ  ଖୋଜାଖୋଜି ପରେ ମୃତ ଦେହକୁ ଉଦ୍ଧାର କରିଥିଲେ। ଘଟଣା ସ୍ଥଳରେ କିଶୋରନଗର ପୋଲିସ ପହଞ୍ଚି ମୃତ ଛାତ୍ରର ଶବକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁକରି ଶବବ୍ୟବଚ୍ଛେଦ ପାଇଁ କଟକ ପଠାଇ ତଦନ୍ତ  କରୁଛି।