ନୂଆଦିଲ୍ଲୀ,୨୯/୧୧ : ଅମିର ଖାନ ଏବଂ ସଲମାନ ଖାନଙ୍କ ଫିଲ୍ମ ‘ଅନ୍ଦାଜ ଅପନା ଅପନା’ ଯେତେଥର ଦେଖିଲେ ବି ହସ ବନ୍ଦ ହେବନି । ଫିଲ୍ମରେ ରବିନା ଟଣ୍ଡନ, କରିଶ୍ମା କପୁର ଏବଂ ପରେଶ ରାଓ୍ବଲ ବି ବହୁତ ଭଲ କମେଡ଼ି ଟାଇମିଂ ସହ ତାହାକୁ ଭଲ କରିଛନ୍ତି । ଏବେ ଏହି ଫିଲ୍ମ ସହ ଯୋଡ଼ି ହୋଇଥିବା ଏକ ସିନ୍ ଭାଇରାଲ ହେବାରେ ଲାଗିଛି । ଯେଉଁଥିରେ ଟ୍ବିଟର(ଏକ୍ସ)ୟୁଜର ଏହି ସିନ୍ ପ୍ରସ୍ତୁତର ମଜାଳିଆ କାହାଣୀ ବି ସେୟାର କରିଛନ୍ତି । ଆପଣ ଯଦି ଫିଲ୍ମ ଦେଖିଥିବେ ତ ଏହି ସିନ୍ ଆପଣଙ୍କୁ ନିଶ୍ଚିତ ଭାବେ ମନେ ଥିବ । କିନ୍ତୁ ଏହି ସିନ୍ ପଛର କାହାଣୀ ଆଜି ଆମେ ଆପଣଙ୍କୁ କହିବୁ।
ଏହି ସିନ୍ରେ ଗୋବିନ୍ଦା ଏବଂ ଜୁହି ଚାଓ୍ବଲା ଏକାସାଥିରେ ନଜର ଆସୁଛନ୍ତି ଏବଂ ପଛରେ ଅମିର ଖାନ ଛିଡ଼ା ହୋଇଥିବା ନଜର ଆସୁଛନ୍ତି । ସମସ୍ତେ ଜାଣିଛନ୍ତି କି ଗୋବିନ୍ଦାଙ୍କ ଆଗରେ ବହୁତ ଭଲ ଭଲ କମେଡ଼ିଆନ ଫିକା ପଡ଼ିଯିବେ । ଏହି ଫିଲ୍ମରେ କିଛି କ୍ଷଣ ପାଇଁ ନଜର ଆସିଥିବା ଗୋବିନ୍ଦାଙ୍କ ସିନ୍ ଲାଇମ୍ ଲାଇଟରେ ରହିବାକୁ ଯଥେଷ୍ଟ । ଫିଲ୍ମରେ ଗୋବିନ୍ଦାଙ୍କୁ ଜୁହି ଚାଓ୍ବଲାଙ୍କ ସହ ଗୋଟିଏ ସିନ୍ କରିବାରେ ଅଛି ଯେଉଁଥିରେ ସେ ଜୁହି ଚାଓ୍ବଲାଙ୍କୁ ନିଜ ପ୍ରେମକୁ ପ୍ରମାଣିତ କରିବାକୁ ପ୍ରୟାସ କରୁଛନ୍ତି । ଏହି ସିନ୍କୁ ଗୋବିନ୍ଦା ଏତେ ଭଲ ଭାବେ କରିଥିଲେ କି ଯିଏ ବି ଦେଖିବ ହସ ରୋକିପାରିବେନି ।
The fact that Sunny Deol was supposed to do this cameo but couldn't reach the set so they got Govinda who was shooting nearby and the way he performed this SMALL scene with no preparation🤌
— Pulkit Kochar (@kocharpulkit) November 21, 2023
Even the throw away lines like "vo kya" 😩
It's like the best comic actor had to be in… pic.twitter.com/KScN70rIMD
ହସ ସିନ୍କୁ ଟ୍ବିଟରରେ ସେୟାର କରି ଜଣେ ୟୁଜର ପୁଲକିତ କୋଚର ଲେଖିଛନ୍ତି କି, ଏହି ସିନ୍ରେ ଗୋବିନ୍ଦାଙ୍କ ସ୍ଥାନରେ ସନି ଦେଓ୍ବଲ ହେବାରେ ଥିଲା । କିନ୍ତୁ ସେ ସେଟରେ ପହଞ୍ଚି ପାରିଲେନି । ସେହି ସମୟରେ ଗୋବିନ୍ଦା ପାଖରେ ହିଁ ସୁଟ୍ କରୁଥିଲେ । ନିର୍ଦ୍ଦେଶକ ସେହିଠାରୁ ଗୋବିନ୍ଦାଙ୍କୁ ସେଟକୁ ଆଣିଥିଲେ । ବିନା କୌଣସି ପ୍ରସ୍ତୁତିରେ ଗୋବିନ୍ଦା ଏହି ସିନ୍ ସୁଟ୍ କରିଥିଲେ । କେବଳ ଏତିକି ନୁହେଁ ସେ ଡାଇଲଗ୍ସର ଲାଇନ ବି ଇମ୍ପେ୍ରାବାଇଜ କରି ସିନ୍ରେ ଦେଇଥିଲେ । ଏହି ଟ୍ବିଟ ପରେ ବହୁତ ୟୁଜର୍ସ କମେଣ୍ଟ କରିଛନ୍ତି କି ସେ ଏହି ସିନ୍ରେ ଗୋବିନ୍ଦାଙ୍କ ବ୍ୟତୀତ ଅନ୍ୟ କାହାର କଳ୍ପନା କରିପାରୁନାହାନ୍ତି ।
