ନୂଆଦିଲ୍ଲୀ,୧୩/୦୮: ପତଞ୍ଜଳି 'ବିଭ୍ରାନ୍ତିକର ବିଜ୍ଞାପନ ମାମଲା'ରେ ବାବା ରାମଦେବ ଏବଂ ଆଚାର୍ଯ୍ୟ ବାଳକ୍ରିଷ୍ଣଙ୍କୁ ସୁପ୍ରିମକୋର୍ଟ ଆଶ୍ବସ୍ତି ପ୍ରଦାନ କରିଛନ୍ତି। କୋର୍ଟ ଏହି ମାନହାନୀ ମାମଲାରେ ପୁର୍ଣ୍ଣଛେଦ ପକାଇଛନ୍ତି। ପତଞ୍ଜଳି ଉତ୍ପାଦ ବିଷୟରେ ବିଭ୍ରାନ୍ତିକର ବିଜ୍ଞାପନ ଦେବା ମାମଲାରେ ବାବା ରାମଦେବ ଏବଂ ପତଞ୍ଜଳି ଆୟୁର୍ବେଦ ଲିମିଟେଡର କ୍ଷମା ପ୍ରାର୍ଥନାକୁ ଗ୍ରହଣ କରିବା ପରେ କୋର୍ଟ ମାନହାନି ମକଦ୍ଦମା ବନ୍ଦ କରିଛନ୍ତି।
ଯୋଗ ଗୁରୁ ବାଳକ୍ରିଷ୍ଣ ଏବଂ କମ୍ପାନୀର ପ୍ରତିନିଧିତ୍ୱ କରୁଥିବା ଆଡଭୋକେଟ୍ ଗୌତମ ତାଲୁକଦାର କହିଛନ୍ତି ଯେ ରାମଦେବ, ବାଲକ୍ରିଷ୍ଣ ଏବଂ ପତଞ୍ଜଳି ଆୟୁର୍ବେଦ ଲିମିଟେଡ୍ ପକ୍ଷରୁ ଦିଆଯାଇଥିବା ପ୍ରତିଶୃତି ଆଧାରରେ କୋର୍ଟ ଏହି ଅବମାନନା ପ୍ରକ୍ରିୟାକୁ ବନ୍ଦ କରି ଦେଇଛନ୍ତି। କୋର୍ଟ ନୋଟିସରେ ଏହାର ନିର୍ଦ୍ଦେଶ ସଂରକ୍ଷିତ କରିସାରିଛି।
ସର୍ବୋଚ୍ଚ ଅଦାଲତ ଭାରତୀୟ ମେଡିକାଲ ଆସୋସିଏସ୍ (ଆଇଏମ୍ଏ) ପକ୍ଷରୁ ଦାଖଲ ଆବେଦନର ଶୁଣାଣି କରିଛନ୍ତି, ଯେଉଁଥିରେ କୋଭିଡ ଟିକାକରଣ ଅଭିଯାନ ଓ ଚିକତ୍ସାର ଆଧୁନିକ ପ୍ରଣାଳି ବିରୁଦ୍ଧରେ ମାନହାନୀ ଅଭିଯାନର ଅଭିଯୋଗ କରାଯାଇଥିଲା। ୨୧ ନଭେମ୍ବର ୨୦୨୩ର ନିର୍ଦ୍ଦେଶ କ୍ରମେ ଅଦାଲତ କହିଥିଲେ ଯେ, ପ୍ରତଞ୍ଚଳୀ ଆୟୁର୍ବେଦର ପ୍ରତିନିଧିତ୍ବ କରୁଥିବା ଓକିଲ କୋର୍ଟକୁ ଆଶ୍ବାସନା ଦେଇଥିଲେ ଯେ, ଏବେ ଠାରୁ କୌଣସି ନିୟମ ଓ ଆଇନର ଉଲଙ୍ଘନ କରାଯିବ ନାହିଁ।
ପତଞ୍ଜଳି ଆୟୁର୍ବେଦ ପକ୍ଷରୁ କୋର୍ଟଙ୍କୁ କହିଛନ୍ତି ଯେ, ଉତ୍ପାଦିତ ତଥା ବଜାରରେ ଉତ୍ପାଦିତ ସାମଗ୍ରୀର ବିଜ୍ଞାପନ କିମ୍ବା ବ୍ରାଣ୍ଡିଂ ସହ ଜଡ଼ିତ କୌଣସି ଆଇନ ଉଲ୍ଲଂଘନ ହେବ ନାହିଁ। କଂପାନିର ନିର୍ଦ୍ଦିଷ୍ଟ ନିଶ୍ଚିତତା ଏବଂ ଗଣମାଧ୍ୟମରେ ପରବର୍ତ୍ତୀ ବିବୃତ୍ତି ପାଳନ ନକରିବାରୁ ସର୍ବୋଚ୍ଚ ନ୍ୟାୟାଳୟ ଏଥିରେ ଅସନ୍ତୋଷ ପ୍ରକାଶ କରିଥିଲେ। ଏହା ପରେ ପତଞ୍ଜଳୀ ବିରୋଧରେ ଅବମାନନା ପ୍ରକ୍ରିୟା କାହିଁକି ଆରମ୍ଭ ହେବ ନାହିଁ ଏହାର କାରଣ ଦର୍ଶାଇବାକୁ କୋର୍ଟ ବାବା ରାମଦେବଙ୍କୁ ନୋଟିସ୍ ଜାରି କରିଥିଲେ। ତମାମ ମାମଲାକୁ ଆଜି କୋର୍ଟ ଶେଷ କରିଛନ୍ତି।
